Ancient Greek Text

Athenaeus, The Deipnosophists, Book 4, book 4, chapter 67

(아테나이오스, The Deipnosophists, Book 4, book 4, chapter 67)

"τὸν Φωκίωνοσ υἱόν, φησί, Φῶκον οὐκ ἦν ὃσ οὐκ ἐμίσει Ἀθηναίων καὶ ὁπότε ἀπαντήσειέ τισ αὐτῷ ἔλεγεν ’ ὦ καταισχύνασ τὸ γένοσ πάντα γὰρ ἀνάλωσε τὸ πατρῷα εἰσ ἀσωτίαν καὶ μετὰ ταῦτα ἐκολάκευε τὸν ἐπὶ τῆσ Μουνυχίασ· "· "ἐφ’ ᾧ πάλιν ὑπὸ πάντων ἐπερραπίζετο. "ἐπιδόσεων δέ ποτε γινομένων παρελθὼν καὶ αὐτὸσ εἰσ τὴν ἐκκλησίαν ἔφη ἐπιδίδωμι κἀγώ,’ καὶ οἱ Ἀθηναῖοι ὁμοθυμαδὸν ἀνεβόησαν ’εἰσ ἀκολασίαν ἦν δ’ ὁ Φῶκοσ καὶ φιλοπότησ. "νικήσαντοσ γοῦν αὐτοῦ ἵπποισ Παναθήναια ὡσ ὁ πατὴρ εἱστία τοὺσ ἑταίρουσ, συνελθόντων εἰσ τὸ δεῖπνον λαμπρὰ μὲν ἦν ἡ παρασκευὴ καὶ τοῖσ εἰσιοῦσι προσεφέροντο ποδονιπτῆρεσ οἴνου δι’ ἀρωμάτων, οὓσ ἰδὼν ὁ πατήρ καλέσασ τὸν Φῶκον ’ οὐ παύσεισ, ἔφη, τὸν ἑταῖρον διαφθείροντά σου τὴν νίκην; "’ οἶδα δὲ καὶ ἄλλουσ ἀσώτουσ πολλούσ, περὶ ὧν ὑμῖν καταλείπω ζητεῖν, πλὴν Καλλίου τοῦ Ἱππονίκου, ὃν καὶ οἱ τῶν παίδων οἴδασι παιδαγωγοί, περὶ δὲ τῶν ἄλλων ὧν φθάνω προβεβληκὼσ εἴ τι λέγειν ἔχετε, ’ ἀναπεπταμένασ ἔχω τῶν ὤτων τὰσ πύλασ ὥστε λέγετε ἐπιζητῶ γὰρ καὶ ὅπερ ὁ Μάγνοσ εἴρηκε τὸ ἐπεσθίειν καὶ τὸ ἐπιφαγεῖν. καὶ ὁ Αἰμιλιανὸσ ἔφη·

εἰ μηδέ χέσαι γ’ αὐτῷ σχολὴ γενήσεται μηδ’ εἰσ ἀσώτιον τραπέσθαι μηδ’ ἐὰν αὐτῷ ξυναντᾷ τισ, λαλῆσαι μηδὲ ἕν.