Athenaeus, The Deipnosophists, Book 4, book 4, chapter 59

(아테나이오스, The Deipnosophists, Book 4, book 4, chapter 59)

γελασάντων οὖν πάντων ἐπὶ τούτοισ ὁ Οὐλπιανὸσ ἔφη· πόθεν δὲ καὶ ἡδυλογία τοῖσ ἡδονικοῖσ τούτοισ ἁμαρτολόγοισ; πρὸσ ὃν ὁ Κύνουλκοσ· ἀλλ’, ὦ χοιρίον εὐάρτυτον, Φρύνιχοσ ὁ κωμῳδιοποιὸσ ἐν τῷ Ἐφιάλτῃ μνημονεύει τοῦ ἡδυλογεῖν διὰ τούτων ἐστὶν δ’ αὐτούσ γε φυλάττεσθαι τῶν νῦν χαλεπώτατον ἔργον. ἔχουσι γάρ τι κέντρον ἐν τοῖσ δακτύλοισ, μισάνθρωπον ἄνθοσ ἥβησ·

εἶθ’ ἡδυλογοῦσιν ἅπασιν ἀεὶ κατὰ τὴν ἀγορὰν περιόντεσ, ἐπὶ τοῖσ δὲ βάθροισ ὅταν ὦσιν, ἐκεῖ τούτοισ οἷσ ἡδυλογοῦσι μεγάλασ ἀμυχὰσ καταμύξαντεσ καὶ συγκρούσαντεσ ἅπαντεσ γελῶσι. τὸ δὲ χαριτογλωσσεῖν Αἰσχύλοσ εἴρηκεν ἐν Προμηθεῖ δεσμώτῃ· γνώσει δὲ τάδ’ ὡσ ἔτυμ’, οὐδὲ μάτην χαριτογλωσσεῖν ἔνι μοι. πάλιν τε εἰπόντοσ τοῦ Οὐλπιανοῦ·

τίνα δ’ ἐστίν, ἄνδρεσ φίλοι, τὰ μαγειρικὰ σκεύη; τούτων γὰρ ἐμνημόνευσαν ἐν τοῖσ Ἀρκαδικοῖσ δείπνοισ μνήμησ ἠξιωμένων. καὶ τὸ ἀσώτιον ποῦ κεῖται; ἀσώτουσ μὲν γὰρ οἶδα διαβοήτουσ· ἕνα μὲν οὗ μνημονεύει Ἄλεξισ ἐν Κνιδίᾳ· Διόδωροσ οὑπίτριπτοσ ἐν ἔτεσιν δύο σφαῖραν ἀπέδειξε τὴν πατρῴαν οὐσίαν οὕτωσ ἰταμῶσ ἅπαντα κατεμασήσατο. ἐν δὲ Φαίδρῳ φησί·

σχολῇ γε, νὴ τὸν ἥλιον, σχολῇ λέγεισ. Ἐπιχαρίδησ ὁ μικρὸσ ἐν πένθ’ ἡμέραισ σφαῖραν ἐποίησε τὴν πατρῴαν οὐσίαν οὕτωσ συνεστρόγγυλεν ἰταμῶσ καὶ ταχύ.

SEARCH

MENU NAVIGATION