Athenaeus, The Deipnosophists, Book 4, book 4, chapter 58

(아테나이오스, The Deipnosophists, Book 4, book 4, chapter 58)

ταῦτα τοῦ Μάγνου ἑξῆσ καταδραμόντοσ ἀποβλέψασ ὁ Κύνουλκοσ εἰσ τοὺσ παρόντασ τῶν φιλοσόφων ἔφη· εἶδεσ τὴν Θασίαν ἅλμην οἷ̓ ἄττα βαύζει, ὡσ εὖ καὶ ταχέωσ ἀπετείσατο καὶ παραχρῆμα.

οὐ μέντοι παρὰ κωφὸν ὁ τυφλὸσ ἐοίκε λαλῆσαι, ὡσ ὁ Κρατῖνοσ ἐν τοῖσ Ἀρχιλόχοισ ἔφη. "μέλη πάραυλα κἀκρότητα κύμβαλα. καὶ μετὰ τὰσ καλὰσ ταύτασ ἀμουσολογίασ περιέρχεται τὰσ οἰκίασ ἐξετάζων ὅπου δεῖπνα λαμπρὰ παρασκευάζεται, ὑπὲρ τὸν Ἀθηναῖον Χαιρεφῶντα ἐκεῖνον, περὶ οὗ φησιν Ἄλεξισ ἐν Φυγάδι·

αἰεὶ γ’ ὁ Χαιρεφῶν τιν’ εὑρίσκει τέχνην καὶ νῦν πορίζεται γε τὰ δεῖπν’ ἀσύμβολα. ὅπου γάρ ἐστιν ὁ κέραμοσ μισθώσιμοσ ὁ τοῖσ μαγείροισ, εὐθὺσ ἐξ ἑωθινοῦ ἕστηκεν ἐλθών κἂν ἴδῃ μισθούμενον εἰσ ἑστίασιν, τοῦ μαγείρου πυθόμενοσ τὸν ἑστιῶντα, τῆσ θύρασ χασμωμένησ ἂν ἐπιλάβηται, πρῶτοσ εἰσελήλυθεν. οὐκ ὀκνεῖ δ’ ἀνὴρ οὗτοσ, καθάπερ καὶ ὁ καλὸσ Μάγνοσ, καὶ ὑπερορίουσ ἀποδημίασ ποιεῖσθαι τῆσ γαστρὸσ χάριν, ὡσ ὁ αὐτὸσ Ἄλεξισ εἴρηκεν ἐν Συναποθνῄσκουσιν ἐπὶ δεῖπνον εἰσ Κόρινθον ἐλθὼν Χαιρεφῶν ἄκλητοσ·

ἤδη γὰρ πέτεται διαπόντιοσ· οὕτω τι τἀλλότρι’ ἐσθίειν ἐστὶ γλυκύ. καὶ Θεόπομποσ δ’ ἐν Ὀδυσσεῖ ἔφη·

Εὐριπίδου τἄρ’ ἐστὶν οὐ κακῶσ ἔχον, τἀλλότρια δειπνεῖν τὸν καλῶσ εὐδαίμονα.

SEARCH

MENU NAVIGATION