헬라어 텍스트

Athenaeus, The Deipnosophists, Book 4, book 4, chapter 58

(아테나이오스, The Deipnosophists, Book 4, book 4, chapter 58)

ταῦτα τοῦ Μάγνου ἑξῆσ καταδραμόντοσ ἀποβλέψασ ὁ Κύνουλκοσ εἰσ τοὺσ παρόντασ τῶν φιλοσόφων ἔφη· εἶδεσ τὴν Θασίαν ἅλμην οἷ̓ ἄττα βαύζει, ὡσ εὖ καὶ ταχέωσ ἀπετείσατο καὶ παραχρῆμα.

οὐ μέντοι παρὰ κωφὸν ὁ τυφλὸσ ἐοίκε λαλῆσαι, ὡσ ὁ Κρατῖνοσ ἐν τοῖσ Ἀρχιλόχοισ ἔφη. "μέλη πάραυλα κἀκρότητα κύμβαλα. καὶ μετὰ τὰσ καλὰσ ταύτασ ἀμουσολογίασ περιέρχεται τὰσ οἰκίασ ἐξετάζων ὅπου δεῖπνα λαμπρὰ παρασκευάζεται, ὑπὲρ τὸν Ἀθηναῖον Χαιρεφῶντα ἐκεῖνον, περὶ οὗ φησιν Ἄλεξισ ἐν Φυγάδι·

αἰεὶ γ’ ὁ Χαιρεφῶν τιν’ εὑρίσκει τέχνην καὶ νῦν πορίζεται γε τὰ δεῖπν’ ἀσύμβολα. ὅπου γάρ ἐστιν ὁ κέραμοσ μισθώσιμοσ ὁ τοῖσ μαγείροισ, εὐθὺσ ἐξ ἑωθινοῦ ἕστηκεν ἐλθών κἂν ἴδῃ μισθούμενον εἰσ ἑστίασιν, τοῦ μαγείρου πυθόμενοσ τὸν ἑστιῶντα, τῆσ θύρασ χασμωμένησ ἂν ἐπιλάβηται, πρῶτοσ εἰσελήλυθεν. οὐκ ὀκνεῖ δ’ ἀνὴρ οὗτοσ, καθάπερ καὶ ὁ καλὸσ Μάγνοσ, καὶ ὑπερορίουσ ἀποδημίασ ποιεῖσθαι τῆσ γαστρὸσ χάριν, ὡσ ὁ αὐτὸσ Ἄλεξισ εἴρηκεν ἐν Συναποθνῄσκουσιν ἐπὶ δεῖπνον εἰσ Κόρινθον ἐλθὼν Χαιρεφῶν ἄκλητοσ·

ἤδη γὰρ πέτεται διαπόντιοσ· οὕτω τι τἀλλότρι’ ἐσθίειν ἐστὶ γλυκύ. καὶ Θεόπομποσ δ’ ἐν Ὀδυσσεῖ ἔφη·

Εὐριπίδου τἄρ’ ἐστὶν οὐ κακῶσ ἔχον, τἀλλότρια δειπνεῖν τὸν καλῶσ εὐδαίμονα.