Athenaeus, The Deipnosophists, Book 4, book 4, chapter 57

(아테나이오스, The Deipnosophists, Book 4, book 4, chapter 57)

εἰ δ’ ὑμεῖσ ὄντωσ, ὦ φιλόσοφοι, τὴν αὐτάρκειαν ἀσπάζεσθε καὶ τὰ τῶν δείπνων εὐτελῆ, τί ἐνταῦθα παραγίνεσθε μηδὲ κληθέντεσ; ἦ ὡσ εἰσ ἀσώτιον μαγειρικὰ σκεύη καταλέγειν μαθησόμενοι; ἢ ὡσ τὸν Διογένουσ Κεφαλίωνα ἀποστοματιοῦντεσ; κατὰ γὰρ τὸν Σοφοκλέουσ Κηδαλίωνά ἐστε μαστιγίαι, κέντρωνεσ, ἀλλοτριοφάγοι. ἡμᾶσ θέμισ’, δῆλον ἐξ ὧν καὶ Ἄλεξισ ἐν τῷ ἐπιγραφομένῳ Λίνῳ ἱστορεῖ, ὑποτίθεται δὲ τὸν Ἡρακλέα παρὰ τῷ Λίνῳ παιδευόμενον καὶ κελευσθέντα ἀπὸ βιβλίων πολλῶν παρακειμένων λαβόντα ἐντυχεῖν.

ἐκεῖνοσ δ’ ὀψαρτυτικὸν λαβὼν βιβλίον ἐν χεροῖν περισπουδάστωσ ἐκράτει. λέγει δὲ οὕτωσ ὁ Λίνοσ· βιβλίον ἐντεῦθεν ὅ τι βούλει προσελθὼν γὰρ λαβέ· ἔπειτ’ ἀναγνώσει πάνυ γε διασκοπῶν ἀπὸ τῶν ἐπιγραμμάτων ἀτρέμα τε καὶ σχολῇ.

φιλόσοφόσ τισ εἶ, εὔδηλον, ὃσ παρεὶσ τοσαῦτα γράμματα Σίμου τέχνην ἔλαβεσ. Ὀρφεὺσ ἔνεστιν, Ἡσίοδοσ, τραγῳδίαι, Χοιρίλοσ, Ὅμηροσ, Ἐπίχαρμοσ, συγγράμματα παντοδαπά. δηλώσεισ γὰρ οὕτω τὴν φύσιν ἐπὶ τί μάλισθ’ ὡρ́μηκε. ηπ. τουτὶ λαμβάνω. λιν. δεῖξον τί ἐστι πρῶτον, ηπ. ὀψαρτυσία, ὥσ φησι τοὐπίγραμμα. λιν. ηπ.

πεινῶ γάρ, εὖ τοῦτ’ ἴσθι. ὁ Σῖμοσ δ’ ἐστὶ τίσ; λιν. μάλ’ εὐφυὴσ ἄνθρωποσ, ἐπὶ τραγῳδίαν ὡρ́μηκε νῦν καὶ τῶν μὲν ὑποκριτῶν πολὺ κράτιστόσ ἐστιν ὀψοποιόσ, ὡσ δοκεῖ τοῖσ χρωμένοισ, τῶν δ’ ὀψοποιῶν ὑποκριτήσ κάκιστόσ ἐστι τοῖσ θεωμένοισ. . ,1 λιν. βούλιμόσ ἐσθ’ ἅνθρωποσ. ηπ. ὅτι βούλει λέγε·

SEARCH

MENU NAVIGATION