호흡부호 보기
강세부호 보기
장단부호 보기
작은 Iota 보기
모든 부호 보기
ὁ Τίμων σου ‐ περὶ τοῦ κυνὸσ τοῦ θαλαττίου ἱστορῶν γράφει καὶ ταῦτα ἀλλ’ οὐ πολλοὶ ἴσασι βροτῶν τόδε θεῖον ἔδεσμα οὐδ’ ἔσθειν ἐθέλουσιν, ὅσοι κεπφαττελεβώδη ψυχὴν κέκτηνται θνητῶν εἰσὶν τ’ ἀπόπληκτοι, ὡσ ἀνθρωποφάγου τοῦ θηρίου ὄντοσ· ἅπασ δὲ ἰχθὺσ σάρκα φιλεῖ βροτέην, ἄν που περικύρσῃ· ὥστε πρέπει καθαρῶσ ὁπόσοι τάδε μωρολογοῦσι τοῖσ λαχάνοισ προσάγειν καὶ πρὸσ Διόδωρον ἰόντασ τὸν σοφὸν ἐγκρατέωσ μετ’ ἐκείνου πυθαγορίζειν. ἦν δ’ ὁ Διόδωροσ οὗτοσ τὸ μὲν γένοσ Ἀσπένδιοσ, Πυθαγορικὸσ δὲ δόξασ εἶναι ὑμῶν τῶν κυνικῶν τρόπον ἔζη, κομῶν καὶ ῥυπῶν καὶ ἀνυποδητῶν, ὅθεν καὶ Πυθαγορικὸν τὸ τῆσ κόμησ ἔδοξαν εἶναί τινεσ ἀπὸ τοῦ Διοδώρου προαχθέν, ὥσ φησιν Ἕρμιπποσ.
Τίμαιοσ δ’ ὁ Ταυρομενίτησ ἐν τῇ ἐνάτῃ τῶν ἱστοριῶν περὶ αὐτοῦ γράφει οὕτωσ · Διοδώρου τοῦ τὸ γένοσ Ἀσπενδίου τὴν ἐξηλλαγμένην εἰσαγαγόντοσ κατασκευὴν καὶ τοῖσ Πυθαγορείοισ πεπλησιακέναι προσποιηθέντοσ· πρὸσ ὃν ἐπιστέλλων ὁ Στρατόνικοσ ἐκέλευσε τὸν ἀπαίροντα τὸ ῥηθὲν ἀπαγγεῖλαι τῷ περὶ θηροπέπλου μανίασ ὕβρεώσ τε περιστάσιμον στοὰν ἔχοντι Πυθαγόρου πελάτᾳ.
αὐτοῦ Πυθαγορικῶν λαμπρᾷ τε ἐσθῆτι ἀμφιεννυμένων καὶ λουτροῖσ καὶ ἀλείμμασι κουρᾷ τε τῇ συνήθει χρωμένων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기