헬라어 텍스트

Athenaeus, The Deipnosophists, Book 4, book 4, chapter 56

(아테나이오스, The Deipnosophists, Book 4, book 4, chapter 56)

ὁ Τίμων σου ‐ περὶ τοῦ κυνὸσ τοῦ θαλαττίου ἱστορῶν γράφει καὶ ταῦτα ἀλλ’ οὐ πολλοὶ ἴσασι βροτῶν τόδε θεῖον ἔδεσμα οὐδ’ ἔσθειν ἐθέλουσιν, ὅσοι κεπφαττελεβώδη ψυχὴν κέκτηνται θνητῶν εἰσὶν τ’ ἀπόπληκτοι, ὡσ ἀνθρωποφάγου τοῦ θηρίου ὄντοσ· ἅπασ δὲ ἰχθὺσ σάρκα φιλεῖ βροτέην, ἄν που περικύρσῃ· ὥστε πρέπει καθαρῶσ ὁπόσοι τάδε μωρολογοῦσι τοῖσ λαχάνοισ προσάγειν καὶ πρὸσ Διόδωρον ἰόντασ τὸν σοφὸν ἐγκρατέωσ μετ’ ἐκείνου πυθαγορίζειν. ἦν δ’ ὁ Διόδωροσ οὗτοσ τὸ μὲν γένοσ Ἀσπένδιοσ, Πυθαγορικὸσ δὲ δόξασ εἶναι ὑμῶν τῶν κυνικῶν τρόπον ἔζη, κομῶν καὶ ῥυπῶν καὶ ἀνυποδητῶν, ὅθεν καὶ Πυθαγορικὸν τὸ τῆσ κόμησ ἔδοξαν εἶναί τινεσ ἀπὸ τοῦ Διοδώρου προαχθέν, ὥσ φησιν Ἕρμιπποσ.

Τίμαιοσ δ’ ὁ Ταυρομενίτησ ἐν τῇ ἐνάτῃ τῶν ἱστοριῶν περὶ αὐτοῦ γράφει οὕτωσ · Διοδώρου τοῦ τὸ γένοσ Ἀσπενδίου τὴν ἐξηλλαγμένην εἰσαγαγόντοσ κατασκευὴν καὶ τοῖσ Πυθαγορείοισ πεπλησιακέναι προσποιηθέντοσ· πρὸσ ὃν ἐπιστέλλων ὁ Στρατόνικοσ ἐκέλευσε τὸν ἀπαίροντα τὸ ῥηθὲν ἀπαγγεῖλαι τῷ περὶ θηροπέπλου μανίασ ὕβρεώσ τε περιστάσιμον στοὰν ἔχοντι Πυθαγόρου πελάτᾳ.

αὐτοῦ Πυθαγορικῶν λαμπρᾷ τε ἐσθῆτι ἀμφιεννυμένων καὶ λουτροῖσ καὶ ἀλείμμασι κουρᾷ τε τῇ συνήθει χρωμένων.