호흡부호 보기
강세부호 보기
장단부호 보기
작은 Iota 보기
모든 부호 보기
τούτων δ’ ὑμεῖσ, ὦ φιλόσοφοι, οὐδὲν ἀσκεῖτε, ἀλλὰ καὶ τὸ πάντων χαλεπώτατον λαλεῖτε περὶ ὧν οὐκ οἴδατε καὶ ὡσ κοσμίωσ ἐσθίοντεσ ποιεῖτε τὴν ἔνθεσιν κατὰ τὸν ἥδιστον Ἀντιφάνη· οὗτοσ γὰρ ἐν Δραπεταγωγῷ λέγει· κοσμίωσ ποιῶν τὴν ἔνθεσιν μικρὰν μὲν ἐκ τοῦ πρόσθε, μεστὴν δ’ ἔνδοθεν τὴν χεῖρα, καθάπερ αἱ γυναῖκεσ ‐ κατέφαγε πάμπολλα καὶ παχύτατα,3 ἐξὸν κατὰ τὸν αὐτὸν τοῦτον ποιητὴν ἐν Βομβυλιῷ λέγοντα δραχμῆσ ὠνήσασθαι τὰσ προσφόρουσ ὑμῖν τροφάσ, σκορόδια, τυρόν, κρόμμυα, κάππαριν ἅπαντα ταῦτ’ ἐστὶν δραχμῆσ.
Ἀριστοφῶν δ’ ἐν Πυθαγοριστῇ· πρὸσ τῶν θεῶν, οἰόμεθα τοὺσ πάλαι ποτὲ τοὺσ Πυθαγοριστὰσ γινομένουσ ὄντωσ ῥυπᾶν ἑκόντασ ἢ φορεῖν τρίβωνασ ἡδέωσ; οὐκ ἔστι τούτων οὐδέν, ὡσ ἐμοὶ δοκεῖ·
ἀλλ’ ἐξ ἀνάγκησ, οὐκ ἔχοντεσ οὐδὲ ἕν, τῆσ εὐτελείασ πρόφασιν εὑρόντεσ καλὴν ὁρ́ουσ ἔπηξαν τοῖσ πένησι χρησίμουσ. ἐπεὶ παράθεσ αὐτοῖσιν ἰχθῦσ ἢ κρέασ, κἂν μὴ κατεσθίωσι καὶ τοὺσ δακτύλουσ, ἐθέλω κρέμασθαι δεκάκισ. δοξοματαιόσοφοι, ζηταρετησιάδαι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기