Athenaeus, The Deipnosophists, Book 4, book 4, chapter 51

(아테나이오스, The Deipnosophists, Book 4, book 4, chapter 51)

πρὸσ ταῦτα ὁ καλὸσ ἡμῶν ἑστιάτωρ Λαρήνσιοσ καὶ αὐτὸσ ἔφη· ὦ ἄνδρεσ κύνεσ οἱ κατὰ τὴν Στράττιδοσ τοῦ κωμῳδιοποιοῦ Ιὀκάστην, ἥτισ ἐν ταῖσ ἐπιγραφομέναισ Φοινίσσαισ φησὶν παραινέσαι δὲ σφῷν τι βούλομαι σοφὸν ὅταν φακῆν ἕψητε, μὴ ’ πιχεῖν μύρον. καὶ ὁ Σώπατροσ δέ, οὗ τὰ νῦν μέμνησαι, ἐν Νεκυίᾳ μνημονεύει οὕτωσ· Ἴθακοσ Ὀδυσσεύσ, τοὐπὶ τῇ φακῇ μύρον, πάρεστι·

θάρσει, θυμέ. Κλέαρχοσ δὲ ὁ ἀπὸ τοῦ περιπάτου ἐν τοῖσ περὶ παροιμιῶν ὡσ παροιμίαν ἀναγράφει τὸ ἐπὶ τῇ φακῇ μύρον, ἧσ μέμνηται καὶ ὁ ἐμὸσ προπάτωρ Οὐάρρων ὁ Μενίππειοσ ἐπικαλούμενοσ· καὶ οἱ πολλοὶ τῶν γραμματικῶν τῶν · Ῥωμαϊκῶν οὐχ ὁμιλήσαντεσ πολλοῖσ Ἑλληνικοῖσ ποιηταῖσ καὶ συγγραφεῦσιν οὐκ ἴσασιν ὅθεν εἴληφεν ὁ Οὐάρρων τὸ ἰαμβεῖον, σὺ δέ μοι δοκεῖσ, ὦ Κύνουλκε ̔τούτῳ γὰρ χαίρεισ τῷ ὀνόματι, οὐ λέγων ὃ ἐκ γενετῆσ σε ἡ μήτηρ κέκληκε ̓ κατὰ τὸν σὸν Τίμωνα εἶναὶ ̔ μοι καλὸσ τε μέγασ τε οὐκ ἐπιστάμενοσ ὅτι κόγχοσ παρὰ προτέρῳ μνήμησ τετύχηκεν Ἐπιχάρμῳ ἐν τᾷ Εὁρτᾷ καὶ Νάσοισ Ἀντιφάνει τε τῷ κωμικῷ, ὃσ ὑποκοριστικώτερον αὐτὸν ὠνόμασεν ἐν Γάμῳ οὕτωσ· κογχίον τε μικρὸν ἀλλᾶντόσ τε προστετμημένον.

Ἑξῆσ ἁρπάσασ τὸν λόγον ὁ Μάγνοσ ὁ μὲν πάντα ἄριστοσ, ἔφη, Λαρήνσιοσ ὀξέωσ καὶ καλῶσ ἀπήντησε τῷ γάστριδι κυνὶ περὶ τοῦ κόγχου. ἐγὼ δὲ κατὰ τοὺσ τοῦ Παφίου Σωπάτρου Γαλάτασ, παρ’ οἷσ ἔθοσ ἐστίν, ἡνίκ’ ἂν προτέρημά τι ἐν τοῖσ πολέμοισ λάβωσι, θύειν τοῖσ θεοῖσ τοὺσ αἰχμαλώτουσ, τοὺσ Γαλάτασ μιμούμενοσ κἀγὼ κατακαύσειν ηὐξάμην τοῖσ δαίμοσι διαλεκτικοὺσ τρεῖσ τῶν παρεγγεγραμμένων.

καὶ μὴν φιλοσοφεῖν φιλολογεῖν τ’ ἀκηκοὼσ ὑμᾶσ ἐπιμελῶσ καρτερεῖν θ’ αἱρουμένουσ, τὴν πεῖραν ὑμῖν λήψομαι τῶν δογμάτων, πρῶτον· καπνίζων εἶτ’ ἐὰν ὀπτωμένων ἴδω τιν’ ὑμῶν συσπάσαντα τὸ σκέλοσ, Ζηνωνικῷ πραθήσεθ’ οὗτοσ κυρίῳ ἐπ’ ἐξαγωγῇ, τὴν φρόνησιν ἀγνοῶν.

SEARCH

MENU NAVIGATION