Athenaeus, The Deipnosophists, Book 4, book 4, chapter 42

(아테나이오스, The Deipnosophists, Book 4, book 4, chapter 42)

"παρὰ Ἀντιόχῳ, φησί, τῷ βασιλεῖ τῷ μεγάλῳ προσαγορευθέντι ἐν τῷ δείπνῳ πρὸσ ὅπλα ὠρχοῦντο οὐ μόνον οἱ βασιλέωσ φίλοι, ἀλλὰ καὶ αὐτὸσ ὁ βασιλεύσ, ἐπεὶ δὲ καὶ εἰσ Ἡγησιάνακτα τὸν Ἀλεξανδρέα ἀπὸ Τρῳάδοσ τὸν τὰσ ἱστορίασ γράψαντα ἡ τῆσ ὀρχήσεωσ τάξισ ἐγένετο, ἀναστὰσ εἶπε· "’ πότερον, ὦ βασιλεῦ, κακῶσ ὀρχούμενόν ἐμὲ θεάσασθαι βούλει ἢ καλῶσ ἀπαγγέλλοντόσ μου ἴδια ποιήματα θέλεισ ἀκροάσασθαι; "’ κελευσθεὶσ οὖν λέγειν οὕτωσ ἧσε τὸν βασιλέα ὥστ’ ἐράνου τε ἀξιωθῆναι καὶ τῶν φίλων εἷσ γενέσθαι. Δοῦρισ δ’ ὁ Σάμιοσ ἐν τῇ τῶν ἱστοριῶν ιζ Πολυσπέρχοντά φησιν εἰ μεθυσθείη καίτοι πρεσβύτερον ὄντα ὀρχεῖσθαι, οὐδενὸσ Μακεδόνων ὄντα δεύτερον οὔτε κατὰ τὴν στρατηγίαν οὔτε κατὰ τὴν ἀξίωσιν, καὶ ἐνδυόμενον αὐτὸν κροκωτὸν καὶ ὑποδούμενον Σικυώνια διατελεῖν ὀρχούμενον.

Ἀγαθαρχίδησ δ’ ὁ Κνίδιοσ ἐν ὀγδόῃ Ἀσιατικῶν ἱστορεῖ ὡσ οἱ ἑστιῶντεσ Ἀλέξανδρον τὸν Φιλίππου τῶν φίλων τὸ μέλλον παρατεθήσεσθαι τῶν τραγημάτων περιεχρύσουν· ὅτε δὲ θέλοιεν ἀναλίσκειν, περιελόντεσ τὸν χρυσὸν ἅμα τοῖσ ἄλλοισ ἐξέβαλλον, ἵνα τῆσ μὲν πολυτελείασ οἱ φίλοι θεαταὶ γίνωνται, οἱ δ’ οἰκέται κύριοι, ἐπιλελησμένοι δ’ ἦσαν οὗτοι, ὡσ καὶ Δοῦρισ ἱστορεῖ, ὅτι καὶ Φίλιπποσ ὁ τοῦ Ἀλεξάνδρου πατήρ ποτήριον χρυσοῦν ὁλκὴν ἄγον πεντήκοντα δραχμὰσ κεκτημένοσ τοῦτο ἐλάμβανε κοιμώμενοσ ἀεὶ καὶ πρὸσ κεφαλὴν αὑτοῦ κατετίθετο.

Σέλευκοσ δὲ Θρᾳκῶν φησί τινασ ἐν τοῖσ συμποσίοισ ἀγχόνην παίζειν βρόχον ἀρτήσαντασ ἔκ τινοσ ὕψουσ,1 πρὸσ ὃν κατὰ κάθετον ὑποτίθεσθαι λίθον εὐπερίτρεπτον τοῖσ ἐπιβαίνουσι.

διαλαγχάνειν οὖν αὐτοὺσ καὶ τὸν λαχόντα ἔχοντα δρεπάνιον ἐπιβαίνειν τῷ λίθῳ καὶ τὸν τράχηλον εἰσ τὸν βρόχον ἐντιθέναι· παρερχόμενον δὲ ἄλλον ἐγείρειν τὸν λίθον καὶ ὁ κρεμάμενοσ ὑποτρέχοντοσ τοῦ λίθου, ἐὰν μὴ ταχὺ φθάσασ ἀποτέμῃ τῷ δρεπάνῳ, τέθνηκε, καὶ οἱ ἄλλοι γελῶσι παιδιὰν ἔχοντεσ τὸν ἐκείνου θάνατον ταῦτ’ εἰπεῖν εἶχον, ἄνδρεσ φίλοι καὶ συμπόται τῶν Ἑλλήνων πολὺ. πρῶτοι, περὶ ἀρχαίων συμποσίων ἐπιστάμενοσ.

SEARCH

MENU NAVIGATION