Athenaeus, The Deipnosophists, Book 4, book 4, chapter 39

(아테나이오스, The Deipnosophists, Book 4, book 4, chapter 39)

Μεγασθένησ δ’ ἐν τῇ δευτέρᾳ τῶν Ἰνδικῶν τοῖσ Ἰνδοῖσ φησιν ἐν τῷ δείπνῳ παρατίθεσθαι ἑκάστῳ τράπεζαν, ταύτην δ’ εἶναι ὁμοίαν ταῖσ ἐγγυθήκαισ, καὶ ἐπιτίθεσθαι ἐπ’ αὐτῇ τρυβλίον χρυσοῦν, εἰσ ὃ ἐμβάλλειν αὐτοὺσ πρῶτον μὲν τὴν ὄρυζαν ἑφθὴν ὡσ ἄν τισ ἑψήσειε χόνδρον, ἔπειτα ὄψα πολλὰ κεχειρουργημένα ταῖσ Ἰνδικαῖσ σκευασίαισ. Γερμανοὶ δέ, ὡσ ἱστορεῖ Ποσειδώνιοσ ἐν τῇ τριακοστῇ, ἄριστον προσφέρονται κρέα μεληδὸν ὠπτημένα καὶ ἐπιπίνουσι γάλα καὶ τὸν οἶνον ἄκρατον.

Καμπανῶν δέ τινεσ παρὰ τὰ συμπόσια μονομαχοῦσι. Νικόλαοσ δ’ ὁ Δαμασκηνόσ, εἷσ τῶν ἀπὸ τοῦ περιπάτου φιλοσόφων, ἐν τῇ δεκάτῃ πρὸσ ταῖσ ἑκατὸν τῶν ἱστοριῶν Ῥωμαίουσ ἱστορεῖ παρὰ τὸ δεῖπνον συμβάλλειν μονομαχίασ, γράφων οὕτωσ ·

"τὰσ τῶν μονομάχων θέασ οὐ μόνον ἐν πανηγύρεσι καὶ θεάτροισ ἐποιοῦντο Ῥωμαῖοι, παρὰ Τυρρηνῶν παραλαβόντεσ τὸ ἔθοσ, ἀλλὰ κἀν ταῖσ ἑστιάσεσιν. "ἐκάλουν γοῦν τινεσ πολλάκισ ἐπὶ δεῖπνον τοὺσ φίλουσ ἐπί τε ἄλλοισ καὶ ὅπωσ ἂν δύο ἢ τρία ζεύγη ἴδοιεν μονομάχων, ὅτε καὶ κορεσθέντεσ δείπνου καὶ μέθησ εἰσεκάλουν τοὺσ μονομάχουσ, καὶ ὁ μὲν ἅμα ἐσφάττετο, αὐτοὶ δ’ ἐκρότουν ἐπὶ τούτῳ ἡδόμενοι. "ἤδη δέ τισ κἀν ταῖσ διαθήκαισ γέγραφεν γυναῖκασ εὐπρεπεστάτασ μονομαχῆσαι ἃσ ἐκέκτητο, ἕτεροσ δὲ παῖδασ ἀνήβουσ ἐρωμένουσ ἑαυτοῦ, ἀλλὰ γὰρ οὐκ ἠνέσχετο ὁ δῆμοσ τὴν παρανομίαν ταύτην, ἀλλ’ ἄκυρον τὴν διαθήκην ἐποίησεν. Ἐρατοσθένησ δ’ ἐν πρώτῳ Ὀλυμπιονικῶν τοὺσ Τυρρηνούσ φησι πρὸσ αὐλὸν πυκτεύειν.

SEARCH

MENU NAVIGATION