헬라어 텍스트

Athenaeus, The Deipnosophists, Book 4, book 4, chapter 37

(아테나이오스, The Deipnosophists, Book 4, book 4, chapter 37)

ἔτι ὁ Ποσειδώνιοσ διηγούμενοσ καὶ τὸν Λουερνίου τοῦ Βιτύιτοσ πατρὸσ πλοῦτον τοῦ ὑπὸ ̔ Ῥωμαίων καθαιρεθέντοσ, φησὶ δημαγωγοῦντα αὐτὸν τοὺσ ὄχλουσ ἐν ἁρ́ματι φέρεσθαι διὰ τῶν πεδίων καὶ διασπείρειν χρυσὸν καὶ ἄργυρον ταῖσ ἀκολουθούσαισ τῶν Κελτῶν μυριάσι φράγμα τε ποιεῖν δωδεκαστάδιον τετράγωνον, ἐν ᾧ πληροῦν μὲν ληνοὺσ πολυτελοῦσ πόματοσ, παρασκευάζειν δὲ τοσοῦτο βρωμάτων πλῆθοσ ὥστε ἐφ’ ἡμέρασ πλείονασ ἐξεῖναι τοῖσ βουλομένοισ εἰσερχομένοισ τῶν παρασκευασθέντων ἀπολαύειν, ἀδιαλείπτωσ διακονουμένουσ. ἀφορίσαντοσ δ’ αὐτοῦ προθεσμίαν ποτὲ τῆσ θοίνησ ἀφυστερήσαντά τινα τῶν.

βαρβάρων ποιητὴν ἀφικέσθαι καὶ συναντήσαντα μετὰ ᾠδῆσ ὑμνεῖν αὐτοῦ τὴν ὑπεροχήν, ἑαυτὸν δ’ ἀποθρηνεῖν ὅτι ὑστέρηκε, τὸν δὲ τερφθέντα θυλάκιον αἰτῆσαι χρυσίου καὶ ῥῖψαι αὐτῷ παρατρέχοντι. ἀνελόμενον δ’ ἐκεῖνον πάλιν ὑμνεῖν λέγοντα διότι τὰ ἴχνη τῆσ γῆσ ἐφ’ ἧσ ἁρματηλατεῖ χρυσὸν καὶ εὐεργεσίασ ἀνθρώποισ φέρει.

ταῦτα μὲν οὖν ἐν τῇ τρίτῃ καὶ εἰκοστῇ ἱστόρησεν.