헬라어 문장 검색 - ΑτηενάΤηεΔειπ

(아테나이오스, The Deipnosophists, Book 4, book 4, chapter 31)

Ἀρκαδικὸν δὲ δεῖπνον διαγράφων ὁ Μιλήσιοσ Ἑκαταῖοσ ἐν τῇ τρίτῃ τῶν Γενεαλογιῶν μάζασ φησὶν εἶναι καὶ ὑεά κρέα. "ὁ κατασταθείσ, φησί, παρὰ Φιγαλεῦσι σίταρχοσ ἔφερε τῆσ ἡμέρασ οἴνου τρεῖσ χόασ καὶ ἀλφίτων μέδιμνον καὶ τυροῦ πεντάμνουν καὶ τἄλλα τὰ πρὸσ τὴν ἄρτυσιν τῶν ἱερείων ἁρμόττοντα. "ἡ δὲ πόλισ παρεῖχεν ἑκατέρῳ τῶν χορῶν τρία πρόβατα καὶ μάγειρον ὑδριαφόρον τε καὶ τραπέζασ καὶ βάθρα πρὸσ τὴν καθέδραν καὶ τὴν τοιαύτην ἅπασαν παρασκευήν, τὴν δὲ τῶν περὶ τὸν μάγειρον σκευῶν ὁ χορηγόσ, τὸ δὲ δεῖπνον ἦν τοιοῦτο· "τυρὸσ καὶ φυστὴ μᾶζα νόμου χάριν ἐπὶ χαλκῶν κανῶν τῶν παρά τισι καλουμένων μαζονόμων, ἀπὸ τῆσ χρείασ εἰληφότων τὴν ἐπωνυμίαν ὁμοῦ δὲ τῇ μάζῃ καὶ τῷ τυρῷ σπλάγχνον καὶ ἅλεσ προσφαγεῖν. καθαγισάντων δὲ ταῦτα ἐν κεραμέᾳ κοτταβίδι πιεῖν ἑκάστῳ μικρόν, καὶ ὁ προσφέρων ἂν εἶπεν ’ εὐδειπνίασ· "εἶτα δ’ εἰσ τὸ κοινὸν ζωμὸσ καὶ περίκομμα, πρόσχερα δὲ ἑκάστῳ δύο κρέα. ἐνόμιζον δ’ ἐν ἅπασι τοῖσ δείπνοισ, μάλιστα δὲ τοῖσ λεγομένοισ μαζῶσι τοῦτο γὰρ ἔτι καὶ νῦν ἡ Διονυσιακὴ σύνοδοσ ἔχει τοὔνομα ‐ τοῖσ ἐσθίουσι τῶν νέων ἀνδρικώτερον ζωμὸν τ’ ἐγχεῖν πλείω καὶ μάζασ καὶ ἄρτουσ παραβάλλειν. "γενναῖοσ γὰρ ὁ τοιοῦτοσ ἐκρίνετο καὶ ἀνδρώδησ ὑπάρχειν θαυμαστὸν γὰρ ἦν καὶ περιβόητον παρ’· "αὐτοῖσ ἡ πολυφαγία. μετὰ δὲ τὸ δεῖπνον σπονδὰσ ἐποιοῦντο οὐκ ἀπονιψάμενοι τὰσ χεῖρασ, ἀλλ’ ἀποματτόμενοι τοῖσ ψωμοῖσ καὶ τὴν ἀπομαγδαλίαν ἕκαστοσ ἀπέφερε, τοῦτο ποιοῦντεσ ἕνεκα τῶν ἐν ταῖσ ἀμφόδοισ γινομένων νυκτερινῶν φόβων, ἀπὸ δὲ τῶν σπονδῶν παιὰν ᾄδεται. "ὅταν δὲ τοῖσ ἡρ́ωσι θύωσι, βουθυσία μεγάλη γίνεται καὶ ἑστιῶνται πάντεσ μετὰ τῶν δούλων οἱ δὲ παῖδεσ ἐν ταῖσ ἑστιάσεσι μετὰ τῶν πατέρων ἐπὶ λίθων καθήμενοι γυμνοὶ συνδειπνοῦσιν . "οἱ Ἀρκάδεσ, φησίν, ἐν ταῖσ ἑστιάσεσιν ὑποδέχονται τοὺσ δεσπότασ καὶ τοὺσ δούλουσ καὶ μίαν πᾶσι τράπεζαν παρασκευάζουσι καὶ τὰ σιτία πᾶσιν εἰσ τὸ μέσον παρατιθέασι καὶ κρατῆρα τὸν αὐτὸν πᾶσι κιρνᾶσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 4, book 4, chapter 31

(아테나이오스, The Deipnosophists, Book 4, book 4, chapter 31)

상위

목록

SEARCH

MENU NAVIGATION