Athenaeus, The Deipnosophists, Book 4, book 4, chapter 28

(아테나이오스, The Deipnosophists, Book 4, book 4, chapter 28)

Φιλόξενοσ δ’ ὁ Κυθήριοσ ἐν τῷ ἐπιγραφομένῳ Δείπνῳ εἴπερ τούτου καὶ ὁ κωμῳδιοποιὸσ Πλάτων ἐν τῷ Φάωνι ἐμνήσθη καὶ μὴ τοῦ Λευκαδίου Φιλοξένου ‐ τοιαύτην ἐκτίθεται παρασκευὴν δείπνου· εἰσ δ’ ἔφερον διπλόοι παῖδεσ λιπαρῶπα τράπεζαν ἄμμ’, ἑτέραν δ’ ἕτεροισ, ἄλλοι δ’ ἑτέραν, μέχρι οὗ πλήρωσαν οἶκον. ταὶ δὲ πρὸσ ὑψιλύχνουσ ἔστιλβον αὐγὰσ εὐστέφανοι λεκάναισ παροψίσι τ’ ὀξυβάφων πλήρεισ σύν τε χλιδῶσαι παντοδαποῖσι τέχνασ εὑρήμασι πρὸσ βιοτάν, ψυχᾶσ δελεασματίοισι.

πάρφερον ἐν κανέοισ μάζασ χιονόχροασ, ἄλλοι δ’ τοῖσ δ’ ἔπι πρῶτα παρῆλθ’ οὐ κάκκαβοσ, ὦ φιλότασ, ἀλλ’ ἁλοπαγέσ τι μέγιστον. πάντ’ ἔπαθεν λιπαρόν τ’ ἐσ ἐγχέλεά τινεσ ἄριστον γογγροπροσωποτόμων πλῆρεσ θεοτερπέσ. ἐπ’ αὐτῷ δ’ ἄλλο παρῆλθε τόσον, βατὶσ δ’ ἐνέησ ἰσόκυκλοσ. μικρὰ δὲ κακκάβι’ ἦσ ἔχοντα τὸ μὲν γαλεοῦ τι, ναρκίον ἄλλο .

. παρῆσ ἕτερον πίων ἀπὸ τευθιάδων καὶ σηπιοπουλυποδείων. . ἁπαλοπλοκάμων. θερμὸσ μετὰ ταῦτα παρῆλθεν ἰσοτράπεζοσ ὅλοσ νῆστισ συνόδων πυρόσ ἔπειτα βαθμοὺσ ἀτμίζων ἐπὶ τῷ δ’ ἐπίπασται τευθίδεσ, ὦ φίλε, κἀξανθισμέναι καρῖδεσ αἱ κυφαὶ παρῆλθον. θρυμματίδεσ δ’ ἐπὶ ταύταισ εὐπέταλοι χλωραί θ’ ἁδυφάρυγγεσ πύρνων τε στεγαναὶ φύσται μέγαθοσ κακκάβου γλυκυόξεισ. ὀμφαλὸσ θοίνασ καλεῖται παρὰ γ’ ἐμὶν καὶ τίν, σαφ’ οἶδα.

ὕστατα, ναὶ μὰ θεοὺσ ὑπερμέγεθεσ τέμαχοσ θύννου μόλεν ὀπτὸν ἐκεῖθεν θερμοῦ ὅθι γλυφάνοισ τετμημένον εὐθὺσ ἀπ’ αὐτὰσ τὰσ ὑπογαστριδίασ. διανεκέωσ ἐπαμύνειν εἴπερ ἐμίν τε μέλοι καὶ τίν, μάλα κεν κεχαροίμεθ’. ἀλλ’ ὅθεν ἐλλίπομεν, θοίνα παρέησ· ὅσα γ’ ἀλλέξαι δυνατά, κρατέω κἄγωγ’ ἔτι, κοὒ κε λέγοι τισ πάνθ’ ἃ παρῆν ἐτύμωσ ὔμμιν παρέπαισε δὲ θερμὸν σπλάγχνον ἔπειτα δὲ νῆστισ δέλφακοσ οἰκετικᾶσ καὶ νῶτοσ ἐσῆλθε καὶ ὀσφὺσ καὶ μινυρίγματα θερμά. καὶ κεφάλαιον ὅλον διάπτυχεσ ἑφθὸν ἁπερπευθηνοσ γαλακτοτρόφου πνικτᾶσ ἐρίφου παρέθηκε, · εἶτα δίεφθ’ ἀκροκώλια σχελίδασ τε μετ’ αὐτῶν λευκοφορινοχρόουσ, ῥύγχη, κεφάλαια πόδασ τε χναυμάτιόν τε σεσιλφιωμένον.

ἑφθὰ τ’ ἔπειτα κρέ’ ὀπτὰ τ’ ἄλλ’ ἐρίφων τε καὶ ἀρνῶν, ἃ θ’ ὑπερωμόκρεωσ χορδὰ γλυκίστα μιξεριφαρνογενήσ, ἃν δὴ φιλέοντι θεοί, τοῦτ’, ὦ φιλότασ, ἔσθοισ κε· λαγῷὰ τ’ ἔπειτ’ ἀλεκτρυόνων τε νεοσσοί, περδίκων φάσσεων τε χύδαν ἤδη δὲ παρεβάλλετο θερμὰ πολλά καὶ μαλακοπτυχέων ἄρτων, ὁμοσύζυγα δὲ ξανθὸν τ’ ἐπεισῆλθεν μέλι καὶ γάλα σύμπακτον, τό κε τυρὸν ἅπασ τισ ἦμεν ἔφασχ’ ἁπαλόν, κἠγὼν ἐφάμαν.

ὅτε δ’ ἤδη βρωτύοσ ἠδὲ ποτᾶτοσ ἐσ κόρον ᾖμεν ἑταῖροι, τῆνα μὲν ἐξαπάειρον δμῶεσ, ἔπειτα δὲ παῖδεσ νίπτρ’ ἔδοσαν κατὰ χειρῶν.

SEARCH

MENU NAVIGATION