헬라어 문장 검색 - ΑτηενάΤηεΔειπ

(아테나이오스, The Deipnosophists, Book 4, book 4, chapter 27)

̔ Ἡρόδοτοσ δέ φησιν ἐν τῇ ζ ὡσ οἱ ὑποδεχόμενοι Ἑλλήνων τὸν βασιλέα καὶ δειπνίζοντεσ Ξέρξην ἐσ πᾶν κακοῦ ἀφίκοντο οὕτωσ ὥστε ἐκ τῶν οἴκων ἀνάστατοι ἐγίνοντο· ὅκου Θασίοισιν ὑπὲρ τῶν ἐν τῇ ἠπείρῳ πολίων τῶν σφετέρων δεξαμένοισ τὴν Ξέρξεω στρατιὰν καὶ δειπνίσασι τετρακόσια τάλαντα ἀργυρίου Ἀντίπατροσ τῶν ἀστῶν ἀνὴρ δόκιμοσ ἐδαπάνησε· καὶ γὰρ ἐκπώματα ἀργυρᾶ καὶ χρυσᾶ καὶ κρατῆρασ παρετίθεντο, καὶ ταῦτα μετὰ τὸ δεῖπνον εἰ δὲ Ξέρξησ δὶσ ἐσιτέετο μεταλαμβάνων καὶ ἄριστον, ἀνάστατοι ἂν ἐγεγόνεσαν αἱ πόλεισ.

καὶ ἐν τῇ θ δὲ τῶν ἱστοριῶν φησι· "βασιλήιον δεῖπνον βασιλεὺσ προτίθεται, τοῦτο δὲ παρασκευάζεται ἅπαξ τοῦ ἐνιαυτοῦ ἐν ἡμέρῃ τῇ ἐγένετο ὁ βασιλεύσ, οὔνομα δὲ τῷ δείπνῳ Περσιστὶ μὲν τυκτά, Ἑλληνιστὶ δὲ τέλειον. "τότε καὶ τὴν κεφαλὴν σμᾶται μοῦνον καὶ Πέρσαισ δωρέεται. ὁ δὲ μέγασ Ἀλέξανδροσ δειπνῶν ἑκάστοτε μετὰ τῶν φίλων, ὡσ ἱστορεῖ Ἔφιπποσ ὁ Ὀλύνθιοσ ἐν τῷ περὶ τῆσ Ἀλεξάνδρου καὶ Ἡφαιστίωνοσ μεταλλαγῆσ, ἀνήλισκε τῆσ ἡμέρασ μνᾶσ ἑκατόν, δειπνούντων ἴσωσ ἑξήκοντα ἢ ἑβδομήκοντα φίλων, ὁ δὲ Περσῶν βασιλεύσ, ὥσ φησι Κτησίασ καὶ Δίνων ἐν τοῖσ Περσικοῖσ, ἐδείπνει μὲν μετὰ ἀνδρῶν μυρίων πεντακισχιλίων, καὶ ἀνηλίσκετο εἰσ τὸ δεῖπνον τάλαντα τετρακόσια.

γίνεται δὲ ταῦτα Ἰταλικοῦ νομίσματοσ ἐν μυριάσι διακοσίαισ τεσσαράκοντα, αὗται δὲ εἰσ μυρίουσ πεντακισχιλίουσ μεριζόμεναι ἑκάστῳ ἀνδρὶ γίνονται ἀνὰ ἑκατὸν ἑξήκοντα Ἰταλικοῦ νομίσματοσ.

ὥστ’ εἰσ ἴσον καθίστασθαι τῷ τοῦ Ἀλεξάνδρου ἀναλώματι· ἑκατὸν γὰρ μνᾶσ ἀνήλισκεν, ὡσ ὁ Ἔφιπποσ ἱστόρησε. Μένανδροσ δ’ ἐν Μέθῃ τοῦ μεγίστου δείπνου δαπάνημα τάλαντον τίθησι λέγων οὕτωσ· εἶτ’ οὐχ ὅμοια πράττομεν καὶ θύομεν ὅπου γε τοῖσ θεοῖσ μὲν ἠγορασμένον δραχμῶν ἄγω προβάτιον ἀγαπητὸν δέκα, αὐλητρίδασ δὲ καὶ μύρον καὶ ψαλτρίασ, Μενδαῖον,1 Θάσιον, ἐγχέλεισ, τυρόν, μέλι μικροῦ ταλάντου, γίνεταί τε κατὰ λόγον ὡσ γὰρ ὑπερβολῆσ τινοσ ἀναλώματοσ τάλαντον ὠνόμασε. καὶ ἐν Δυσκόλῳ δέ φησιν οὕτωσ·

ὡσ θύουσι δ’ οἱ τοιχωρύχοι, κίστασ φέροντεσ σταμνία τ’ οὐχὶ τῶν θεῶν ἕνεκ’, ἀλλ’ ἑαυτῶν. ὁ λιβανωτὸσ εὐσεβὲσ καὶ τὸ πόπανον· τοῦτ’ ἔλαβεν ὁ θεὸσ ἐπὶ τὸ πῦρ ἅπαν ἐπιτεθέν.

οἱ δὲ τὴν ὀσφὺν ἄκραν καὶ τὴν χολήν, ὅτι ἔστ’ ἄβρωτα,5 τοῖσ θεοῖσ ἐπιθέντεσ αὐτοὶ τἄλλα καταπίνουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 4, book 4, chapter 27

(아테나이오스, The Deipnosophists, Book 4, book 4, chapter 27)

상위

목록

SEARCH

MENU NAVIGATION