헬라어 문장 검색 - ΑτηενάΤηεΔειπ

(아테나이오스, The Deipnosophists, Book 4, book 4, chapter 26)

"καὶ οἱ θεραπεύοντεσ, φησί, τοὺσ Περσῶν βασιλεῖσ δειπνοῦντασ ἅπαντεσ λελουμένοι διακονοῦσιν ἐσθῆτασ λευκὰσ ἔχοντεσ καὶ διατρίβουσι σχεδὸν τὸ ἥμισυ τῆσ ἡμέρασ περὶ τὸ δεῖπνον. "τῶν δὲ τοῦ βασιλέωσ συνδείπνων οἱ μὲν ἔξω δειπνοῦσιν, οὓσ καὶ ὁρᾶν ἔξεστι παντὶ τῷ βουλομένῳ, οἱ δὲ εἴσω μετὰ βασιλέωσ, καὶ οὗτοι δὲ οὐ συνδειπνοῦσιν αὐτῷ, ἀλλ’ ἔστιν οἰκήματα δύο καταντικρὺ ἀλλήλων, ἐν ᾧ θ’ ὁ βασιλεὺσ τὸ ἄριστον ποιεῖται καὶ ἐν ᾧ οἱ σύνδειπνοι· "καὶ ὁ βασιλεὺσ ἐκείνουσ ὁρᾷ διὰ τοῦ παρακαλύμματοσ τοῦ ἐπὶ τῇ θύρᾳ, ἐκεῖνοι δ’ αὐτὸν οὐχ ὁρῶσιν. "ἐνίοτε μέντοι ἐπειδὰν ἑορτὴ ᾖ, ἐν ἑνὶ οἰκήματι ἅπαντεσ δειπνοῦσιν, ἐν ᾧ καὶ ὁ βασιλεύσ, ἐν τῷ μεγάλῳ οἴκῳ. ὅταν δὲ βασιλεὺσ πότον ποιῆται ̔ ποιεῖ δὲ πολλάκισ ̓, συμπόται αὐτῷ εἰσιν ὡσ μάλιστα δώδεκα, καὶ ὅταν δειπνήσωσιν, ὅ τε βασιλεὺσ αὐτὸσ καθ’ ἑαυτὸν καὶ οἱ σύνδειπνοι, καλεῖ τοὺσ συμπότασ τούτουσ τισ τῶν εὐνούχων, καὶ ὅταν εἰσέλθωσι συμπίνουσιν μετ’ αὐτοῦ, οὐ τὸν αὐτὸν οἶνον κἀκεῖνοι, καὶ οἱ μὲν χαμαὶ καθήμενοι, ὁ δ’ ἐπὶ κλίνησ χρυσόποδοσ κατακείμενοσ· "καὶ ὑπερμεθυσθέντεσ ἀπέρχονται, τὰ δὲ πλεῖστα ὁ βασιλεὺσ μόνοσ ἀριστᾷ καὶ δειπνεῖ, ἐνίοτε δὲ καὶ ἡ γυνὴ αὐτῷ συνδειπνεῖ καὶ τῶν υἱῶν ἔνιοι. "καὶ παρὰ τὸ δεῖπνον ᾅδουσί τε καὶ ψάλλουσιν αἱ παλλακαὶ αὐτῷ, καὶ μία μὲν ἐξάρχει, αἱ δὲ ἄλλαι ἁθρόωσ ᾄδουσι. "τὸ δὲ δεῖπνον, φησί, τὸ βασιλέωσ καλούμενον ἀκούσαντι μὲν δόξει μεγαλοπρεπὲσ εἶναι, ἐξεταζόμενον δὲ φανεῖται οἰκονομικῶσ καὶ ἀκριβῶσ συντεταγμένον καὶ τοῖσ ἄλλοισ Πέρσαισ τοῖσ ἐν δυναστείᾳ οὖσι κατὰ τὸν αὐτὸν τρόπον, ἐστὶ μὲν γὰρ τῷ βασιλεῖ χίλια ἱερεῖα τῆσ ἡμέρασ κατακοπτόμενα· "τούτων δ’ εἰσὶ καὶ ἵπποι καὶ κάμηλοι καὶ βόεσ καὶ ὄνοι καὶ ἔλαφοι καὶ τὰ πλεῖστα πρόβατα· "πολλοὶ δὲ καὶ ὄρνιθεσ ἀναλίσκονται, οἱ τε στρουθοὶ οἱ Ἀράβιοι ‐ ἐστὶν δὲ τὸ ζῷον μέγα ‐ καὶ χῆνεσ καὶ ἀλεκτρυόνεσ. "καὶ μέτρια μὲν αὐτῶν παρατίθεται ἑκάστῳ τῶν συνδείπνων τοῦ βασιλέωσ, καὶ ἀποφέρεται ἕκαστοσ αὐτῶν ὅ τι ἂν καταλίπηται ἐπὶ τῷ ἀρίστῳ. τὰ δὲ πλεῖστα τούτων τῶν ἱερείων καὶ τῶν σιτίων οὓσ τρέφει βασιλεὺσ τῶν τε δορυφόρων καὶ τῶν πελταστῶν, τούτοισ ἐκφέρεται εἰσ τὴν αὐλήν· "οὗ ἡμιδεῆ ἅπαντα μερίδασ ποιήσαντεσ τῶν κρεῶν καὶ τῶν ἄρτων ἴσασ διαιροῦνται, ὥσπερ δὲ οἱ μισθοφόροι ἐν τῇ Ἑλλάδι μισθὸν ἀργύριον λαμβάνουσιν, οὕτωσ οὗτοι τὰ σιτία παρὰ τοῦ βασιλέωσ εἰσ ὑπόλογον λαμβάνουσιν. "οὕτω δὲ καὶ παρὰ τοῖσ ἄλλοισ Πέρσαισ τοῖσ ἐν δυναστείᾳ οὖσιν ἁθρόα πάντα τὰ σιτία ἐπὶ τὴν τράπεζαν παρατίθεται· "ἐπειδὰν δὲ οἱ σύνδειπνοι δειπνήσωσι, τῶν ἀπὸ τῆσ τραπέζησ καταλειπομένων καταλείπεται δὲ τὰ πλεῖστα κρέα καὶ ἄρτοι ὁ τῆσ τραπέζησ ἐπιμελούμενοσ δίδωσιν ἑκάστῳ τῶν οἰκετῶν, καὶ ταῦτα λαβὼν τὴν καθ’ ἡμέραν ἔχει τροφήν. παρὰ γὰρ τὸν βασιλέα φοιτῶσιν οἱ ἐντιμότατοι τῶν συνδείπνων ἐπὶ τὸ ἄριστον μόνον διὰ τὸ παρῃτῆσθαι, ἵνα μὴ δὶσ πορεύωνται, ἀλλὰ καὶ αὐτοὶ τοὺσ συνδείπνουσ ὑποδέχωνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 4, book 4, chapter 26

(아테나이오스, The Deipnosophists, Book 4, book 4, chapter 26)

상위

목록

SEARCH

MENU NAVIGATION