Athenaeus, The Deipnosophists, Book 4, book 4, chapter 23

(아테나이오스, The Deipnosophists, Book 4, book 4, chapter 23)

"ἡμέρην δὲ Πέρσαι ἁπασέων μάλιστα ἐκείνην τιμᾶν νομίζουσι τῇ ἕκαστοσ ἐγένετο. "ἐν ταύτῃ δὲ πλέω δαῖτα τῶν ἄλλων δικαιεῦσι προτίθεσθαι ἐν τῇ οἱ εὐδαίμονεσ αὐτῶν βοῦν καὶ ὄνον καὶ ἵππον καὶ κάμηλον προτιθέαται ὅλουσ ὀπτοὺσ ἐν καμίνοισ· "οἱ δὲ πένητεσ αὐτῶν τὰ λεπτὰ τῶν προβάτων προτίθενται, σίτοισί τε ὀλίγοισι χρέονται, ἐπιφορήμασι δὲ πολλοῖσι καὶ οὐκ ἁλέσι. "καὶ διὰ τοῦτό φασι Πέρσαι τοὺσ Ἕλληνασ σιτεομένουσ πεινῶντασ παύεσθαι, ὅτι σφίσιν ἀπὸ δείπνου παραφορέεται οὐδὲν λόγου ἄξιον εἰ δέ τι παραφέροιτο, ἐσθίοντασ ἂν οὐ παύεσθαι. "οἴνῳ δὲ κάρτα προσκέαται· "καί σφιν οὐκ ἐμέσαι ἔξεστιν, οὐκ οὐρῆσαι ἀντίον ἄλλου. "ταῦτα μέν νυν οὕτω φυλάσσεται, μεθυσκόμενοι δὲ εἰώθασι βουλεύεσθαι τὰ σπουδαιότατα τῶν πρηγμάτων τὸ δ’ ἂν ἅδῃ σφίσι βουλευομένοισι, τοῦτο τῇ ὑστεραίῃ νήφουσι προτιθεῖ ὁ στεγέαρχοσ ἐν τοῦ ἂν ἐόντεσ βουλεύωνται. "καὶ ἢν μὲν ἅδῃ καὶ νήφουσι, χρέονται αὐτῷ εἰ δὲ μή, μετιεῖσιν. "τὰ δ’ ἂν νήφοντεσ προβουλεύσωνται, μεθυσκόμενοι ἐπιδιαγινώσκουσι.

SEARCH

MENU NAVIGATION