헬라어 문장 검색 - ΑτηενάΤηεΔειπ

(아테나이오스, The Deipnosophists, Book 4, book 4, chapter 22)

περὶ δὲ τῶν Κρητικῶν συσσιτίων Δωσιάδασ ἱστορῶν ἐν τῇ δ τῶν Κρητικῶν γράφει οὕτωσ· "οἱ δὲ Λύττιοι συνάγουσι μὲν τὰ κοινὰ συσσίτια οὕτωσ, ἕκαστοσ τῶν γινομένων καρπῶν ἀναφέρει τὴν δεκάτην εἰσ τὴν ἑταιρίαν καὶ τὰσ τῆσ πόλεωσ προσόδουσ ἃσ διανέμουσιν οἱ προεστηκότεσ τῆσ πόλεωσ εἰσ τοὺσ ἑκάστων οἴκουσ, τῶν δὲ δούλων ἕκαστοσ Αἰγιναῖον φέρει στατῆρα κατὰ κεφαλήν. διῄρηνται δ’ οἱ πολῖται πάντεσ καθ’ ἑταιρίασ, καλοῦσι δὲ ταύτασ ἀνδρεῖα. τὴν δὲ ἐπιμέλειαν ἔχει τοῦ συσσιτίου γυνὴ τρεῖσ ἢ τέτταρασ τῶν δημοτικῶν προσειληφυῖα πρὸσ τὰσ ὑπηρεσίασ, ἑκάστῳ δ’ αὐτῶν ἀκολουθοῦσι δύο θεράποντεσ ξυλοφόροι· "καλοῦσι δ’ αὐτοὺσ καλοφόρουσ. "εἰσὶ δὲ πανταχοῦ κατὰ τὴν Κρήτην οἶκοι δύο ταῖσ συσσιτίαισ, ὧν τὸν μὲν καλοῦσιν ἀνδρεῖον, τὸν δ’ ἄλλον ἐν ᾧ τοὺσ ξένουσ κοιμίζουσι κοιμητήριον προσαγορεύουσι. "κατὰ δὲ τὸν συσσιτικὸν οἶκον πρῶτον μὲν κεῖνται δύο τράπεζαι ξενικαὶ καλούμεναι, αἷσ προκαθίζουσι τῶν ξένων οἱ παρόντεσ· "ἑξῆσ δ’ εἰσὶν αἱ τῶν ἄλλων. "παρατίθεται δὲ τῶν παρόντων ἴσον μέροσ ἑκάστῳ· "τοῖσ δὲ νεωτέροισ ἥμισυ δίδοται κρέωσ, τῶν δὲ ἄλλων οὐθενὸσ ἅπτονται, εἶτα ποτήριον ἐν ἑκάστῃ τραπέζῃ παρατίθεται κεκραμένον ὑδαρῶσ· "τοῦτο κοινῇ πάντεσ πίνουσιν οἱ κατὰ τὴν αὐτὴν τράπεζαν, καὶ δειπνήσασιν ἄλλο παρατίθεται, τοῖσ δὲ παισὶ κοινὸσ κέκραται κρατήρ· "τοῖσ δὲ πρεσβυτέροισ ἐὰν βούλωνται πλεῖον πιεῖν ἐξουσία δέδοται. "ἀπὸ δὲ τῆσ τραπέζησ τὰ βέλτιστα τῶν παρακειμένων ἡ προεστηκυῖα τῆσ συσσιτίασ γυνὴ φανερῶσ ἀφαιροῦσα παρατίθησι τοῖσ κατὰ πόλεμον ἢ κατὰ σύνεσιν δεδοξασμένοισ. "ἀπὸ δὲ τοῦ δείπνου πρῶτον μὲν εἰώθασι βουλεύεσθαι περὶ τῶν κοινῶν, εἶτα μετὰ ταῦτα μέμνηνται τῶν κατὰ πόλεμον πράξεων καὶ τοὺσ γενομένουσ ἄνδρασ ἀγαθοὺσ ἐπαινοῦσι, προτρεπόμενοι τοὺσ νεωτέρουσ εἰσ ἀνδραγαθίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 4, book 4, chapter 22

(아테나이오스, The Deipnosophists, Book 4, book 4, chapter 22)

상위

목록

SEARCH

MENU NAVIGATION