Athenaeus, The Deipnosophists, Book 4, book 4, chapter 16

(아테나이오스, The Deipnosophists, Book 4, book 4, chapter 16)

πολέμων δ’ ἐν τῷ παρὰ Ξενοφῶντι κανάθρῳ τοῦ παρὰ Λάκωσι καλουμένου δείπνου κοπίδοσ μνημονεύοντα Κρατῖνον ἐν Πλούτοισ λέγειν ἆρ’ ἀληθῶσ τοῖσ ξένοισιν ἔστιν, ὡσ λέγουσ1’, ἐκεῖ πᾶσι τοῖσ ἐλθοῦσιν ἐν τῇ κοπίδι θοινᾶσθαι καλῶσ, ἐν δὲ ταῖσ λέσχαισι φύσκαι προσπεπατταλευμέναι κατακρέμανται τοῖσι πρεσβύταισιν ἀποδάκνειν ὀδάξ; καὶ Εὔπολισ ἐν Εἵλωσι· καὶ γένηται τοῖσδε σάμερον κοπίσ.

δεῖπνον δ’ ἐστὶν ἰδίωσ ἔχον ἡ κοπίσ, καθάπερ καὶ τὸ καλούμενον ἀίκλον. ἐπὴν δὲ κοπίζωσι, πρῶτον μὲν δὴ σκηνὰσ ποιοῦνται παρὰ τὸν θεόν, ἐν δὲ ταύταισ στιβάδασ ἐξ ὕλησ, ἐπὶ δὲ τούτων δάπιδασ ὑποστρωννύουσιν, ἐφ’ αἷσ τοὺσ κατακλιθέντασ εὐωχοῦσιν οὐ μόνον τοὺσ ἐκ τῆσ ἡμεδαπῆσ ἀφικνουμένουσ, ἀλλὰ καὶ τοὺσ ἐπιδημήσαντασ τῶν ξένων, θύουσι δ’ ἐν ταῖσ κοπίσιν αἶγασ, ἄλλο δ’ οὐδὲν ἱερεῖον καὶ τῶν κρεῶν διδόασι μοίρασ πᾶσι καὶ τὸν καλούμενον φυσίκιλλον, ὅσ ἐστιν ἀρτίσκοσ ἐγκρίδι παραπλήσιοσ, γογγυλώτεροσ δὲ τὴν ἰδέαν. διδόασι τῶν συνιόντων ἑκάστῳ τυρὸν χλωρὸν καὶ γαστρὸσ καὶ φύσκησ τόμον καὶ τραγήματα σῦκά τε ξηρὰ καὶ κυάμουσ καὶ φασήλουσ χλωρούσ, κοπίζει δὲ καὶ τῶν ἄλλων Σπαρτιατῶν ὁ βουλόμενοσ.

ἐν δὲ τῇ πόλει κοπίδασ ἄγουσι καὶ τοῖσ Τιθηνιδίοισ καλουμένοισ ὑπὲρ τῶν παίδων κομίζουσι γὰρ αἱ τιτθαὶ τὰ ἄρρενα παιδία κατὰ τὸν καιρὸν τοῦτον εἰσ ἀγρόν, καὶ πρὸσ τὴν Κορυθαλίαν καλουμένην Ἄρτεμιν, ἧσ τὸ ἱερὸν παρὰ τὴν καλουμένην Τίασσόν ἐστιν ἐν τοῖσ πρὸσ τὴν Κλήταν μέρεσι, τὰσ κοπίδασ παραπλησίωσ ταῖσ λελεγμέναισ ἐπιτελοῦσι. θύουσι δὲ καὶ τοὺσ γαλαθηνοὺσ ὀρθαγορίσκουσ καὶ παρατιθέασιν ἐν τῇ θοίνῃ τοὺσ ἰπνίτασ ἄρτουσ.

ὅτι ἀίκλον ὑπὸ τῶν ἄλλων Δωριέων καλεῖται τὸ δεῖπνον. Ἐπίχαρμοσ γοῦν ἐν Ἐλπίδι φησίν ἐκάλεσε γάρ τύ τισ ἐπ’ αἶκλον ἀέκων,3 τὺ δὲ ἑκὼν ᾤχεο τρέχων. τὰ αὐτὰ εἴρηκε καὶ ἐν Περιάλλῳ.

"ἐν δὲ τῇ Λακεδαίμονι τοῖσ εἰσιοῦσιν εἰσ τὸ φιδίτιον μετὰ δεῖπνον τὸ καλούμενον ἀίκλον εἰσφέρουσιν ἄρτουσ ἐν ἀρριχίδι καὶ κρέασ ἑκάστῳ, καὶ τῷ νέμοντι τὰσ μοίρασ ἀκολουθῶν ὁ διάκονοσ κηρύττει τὸ ἀίκλον προστιθεὶσ τοῦ πέμψαντοσ τὴν ὀνομασίαν.

SEARCH

MENU NAVIGATION