헬라어 문장 검색 - ΑτηενάΤηεΔειπ

(아테나이오스, The Deipnosophists, Book 4, book 4, chapter 2 3:)

ἐπὶ δὲ τούτοισ εἰπὼν ὁ Ἱππόλοχοσ ὡσ Πρωτέασ ἀπόγονοσ ἐκείνου Πρωτέου Λανίκησ υἱοῦ, ἥτισ ἐγεγόνει τροφὸσ Ἀλεξάνδρου τοῦ βασιλέωσ, ἔπιε πλεῖστον ἦν γὰρ πολυπότησ ὡσ καὶ ὁ πάπποσ αὐτοῦ Πρωτέασ ὁ συγγενόμενοσ Ἀλεξάνδρῳ καὶ ὅτι πᾶσι προὔπιεν, ἑξῆσ γράφει καὶ ταῦτα· "ἤδη δὲ ἡμῶν ἡδέωσ ἀπηλλοτριωμένων τοῦ σωφρονεῖν ἐπεισβάλλουσιν αὐλητρίδεσ καὶ μουσουργοὶ καὶ σαμβυκίστριαί τινεσ Ῥόδιαι, ἐμοὶ μὲν γυμναὶ δοκῶ, πλὴν ἔλεγόν τινεσ αὐτὰσ ἔχειν χιτῶνασ, ἀπαρξάμεναί τε ἀπῆλθον. "καὶ ἐπεισῆλθον ἄλλαι φέρουσαι ληκύθουσ μύρου ἑκάστη δύο συνδεδεμένασ ἱμάντι χρυσῷ, τὴν μὲν ἀργυρᾶν, τὴν δὲ χρυσῆν, κοτυλιαίασ, καὶ ἑκάστῳ προσέδωκαν. "ἔπειτ’ εἰσφέρεται πλοῦτοσ ἀντὶ δείπνου, πίναξ ἀργυροῦσ ἐπὶ πάχοσ οὐκ ὀλίγον περίχρυσοσ, ὅσοσ δέξασθαι μέγεθοσ χοίρου τινὸσ ὀπτοῦ καὶ σφόδρα μεγάλου, ὃσ ὕπτιοσ ἐπέκειτο τὴν γαστέρα δεικνὺσ ἄνω πλήρη οὖσαν πολλῶν ἀγαθῶν ἦσαν γὰρ ἐν αὐτῷ συνωπτημέναι κίχλαι καὶ νῆτται καὶ συκαλλίδων πλῆθοσ ἄπειρον καὶ ᾠῶν ἐπικεχυμέναι λέκιθοι καὶ ὄστρεα καὶ κτένεσ· "καὶ ἑκάστῳ πεπυργωμένα αὐτοῖσ πίναξιν ἐδόθη. "μετὰ δὲ ταῦτα πιόντεσ ἐλάβομεν ἕκαστοσ ἔριφον ζέοντα ἐφ’ ἑτέρῳ πάλιν πίνακι τοιούτῳ σὺν μύστροισ χρυσοῖσ. ὁρῶν οὖν τὴν δυσχωρίαν ὁ Κάρανοσ κελεύει σπυρίδασ ἡμῖν καὶ ἀρτοφόρα διὰ ἱμάντων ἐλεφαντίνων πεπλεγμένα δοθῆναι, ἐφ’ οἷσ ἡσθέντεσ ἀνεκροταλίσαμεν τὸν νυμφίον ὡσ καὶ τῶν δοθέντων ἡμῖν ἀνασεσωσμένων. "ἔπειτα στέφανοι πάλιν καὶ διλήκυθον μύρου χρυσοῦν καὶ ἀργυροῦν ἰσόσταθμον τοῖσ προτέροισ. "ἡσυχίασ δὲ γενομένησ ἐπεισβάλλουσιν ἡμῖν οἱ κἂν τοῖσ Χύτροισ τοῖσ Ἀθήνησι λειτουργήσαντεσ. "μεθ’ οὓσ εἰσῆλθον ἰθύφαλλοι καὶ σκληροπαῖκται καί τινεσ καὶ θαυματουργοὶ γυναῖκεσ εἰσ ξίφη κυβιστῶσαι καὶ πῦρ ἐκ τοῦ στόματοσ ἐκριπίζουσαι γυμναί. ἐπεὶ δὲ καὶ τούτων ἀπηλλάγημεν, ἐκλαμβάνει πάλιν ἡμᾶσ θερμόσ τισ καὶ ζωρότεροσ πότοσ, οἴνων ὄντων ἡμῖν Θασίων καὶ Μενδαίων καὶ Λεσβίων, χρυσίδων πάνυ μεγάλων ἑκάστῳ προσενεχθεισῶν. καὶ μετὰ τὸν πότον ὑελοῦσ πίναξ, δίπηχύσ που τὴν διάμετρον , ἐν θήκῃ κατακείμενοσ ἀργυρᾷ, πλήρησ ἰχθύων ὀπτῶν πάντα γένη συνηθροισμένων, ἅπασί τε προσεδόθη καὶ ἀργυροῦν ἀρτοφόρον ἄρτων Καππαδοκίων, ὧν τὰ μὲν ἐφάγομεν, τὰ δὲ τοῖσ θεράπουσιν ἐπεδώκαμεν. "καὶ νιψάμενοι τὰσ χεῖρασ ἐστεφανούμεθα καὶ πάλιν στλεγγίδασ ἐλάβομεν χρυσᾶσ, διπλασίουσ τῶν πρότερον, καὶ ἄλλο διλήκυθον μύρου. "ἡσυχίασ δὲ γενομένησ ἐξαλλόμενοσ τῆσ κλίνησ ὁ Πρωτέασ αἰτεῖ σκύφον χοαῖον καὶ πληρώσασ οἴνου Θασίου ὀλίγον τι ἐπιρράνασ ὕδατοσ ἐξέπιεν ἐπειπών ὁ πλεῖστα πίνων πλεῖστα κεὐφρανθήσεται. "καὶ ὁ Κάρανοσ ἔφη· "’ ἐπεὶ πρῶτοσ ἔπιεσ, ἔχε πρῶτοσ καὶ τὸν σκύφον δῶρον τοῦτο δὲ καὶ τοῖσ ἄλλοισ ὅσοι ἂν πίωσιν ἔσται γέρασ ἐφ’ οἷσ λεχθεῖσιν οἱ δ’ ἐννέα πάντεσ ἀνέσταν ἁρπάζοντεσ κἄλλοσ ἄλλον φθάνοντεσ. "εἷσ δὲ τῶν συνδειπνούντων ἡμῖν ἄθλιοσ οὐ δυνάμενοσ πιεῖν ἀνακαθίσασ ἔκλαιεν ἄσκυφοσ γενόμενοσ, καὶ ὁ Κάρανοσ αὐτῷ χαρίζεται κενὸν τὸ ἔκπωμα. "ἐπὶ τούτοισ χορὸσ εἰσῆλθεν ἀνθρώπων ἑκατὸν ἐμμελῶσ ᾀδόντων γαμικὸν ὕμνον, μεθ’ οὓσ ὀρχηστρίδεσ διεσκευασμέναι τρόπον Νηρηίδων, αἱ δὲ Νυμφῶν, τοῦ πότου δὴ προιόντοσ καὶ τῆσ ὡρ́ασ ὑποσκιαζούσησ ἀναπεταννύουσι τὸν οἶκον, ἐν ᾧ κύκλῳ ὀθόναισ διείληπτο πάντα λευκαῖσ · "καὶ ἀναπετασθεισῶν δᾷδεσ ἐφάνησαν λάθρᾳ κατὰ μηχανὰσ σχασθέντων τῶν φραγμάτων καὶ Ἔρωτεσ καὶ Ἀρτέμιδεσ καὶ Πᾶνεσ καὶ Ἑρμαῖ καὶ τοιαῦτα πολλὰ εἴδωλα ἀργυροῖσ δᾳδουχοῦντα λαμπτῆρσι. "θαυμαζόντων δ’ ἡμῶν τὴν τεχνιτείαν Ἐρυμάνθιοι τῷ ὄντι σύαγροι κατὰ πινάκων τετραγώνων χρυσομίτρων σιβύναισ ἀργυραῖσ διαπεπερονημένοι περιεφέροντο ἑκάστῳ. καὶ τὸ θαυμάσιον, ὅτι παρειμένοι καὶ καρηβαροῦντεσ ὑπὸ τῆσ μέθησ ὁπότε τι τῶν ἀγομένων θεασαίμεθα πάντεσ ἐξενήφομεν, ὀρθοὶ τὸ δὴ λεγόμενον ἀνιστάμενοι. "ἔναττον οὖν οἱ παῖδεσ εἰσ τὰσ εὐτυχεῖσ σπυρίδασ, ἑώσ ἐσάλπισε τὸ εἰωθὸσ τοῦ τελευταίου δείπνου σημεῖον οὕτω γὰρ τὸ Μακεδονικὸν οἶσθα ἔθοσ ἐν ταῖσ πολυανθρώποισ εὐωχίαισ γινόμενον. "καὶ ὁ Κάρανοσ ἄρξασ πότου μικροῖσ ἐκπώμασι περισοβεῖν ἐκέλευε τοῖσ παισίν, ἐπίνομεν οὖν εὐμαρῶσ ὥσπερ ἀντίδοτον ἐκ τῆσ προτέρασ ἀκρατοποσίασ λαμβάνοντεσ, ἐν τούτῳ δὲ ὁ γελωτοποιὸσ εἰσῆλθε Μανδρογένησ, ἐκείνου Στράτωνοσ τοῦ Ἀττικοῦ, ὥσ φασιν, ἀπόγονοσ καὶ πολλοὺσ κατέρρηξεν ἡμῖν γέλωτασ· "καὶ μετὰ ταῦτα ὠρχεῖτο μετὰ τῆσ γυναικὸσ ἔτη οὔσησ ὑπὲρ τὰ ὀγδοήκοντα. "καὶ τελευταῖαι ἐπεισῆλθον ἐπιδόρπιαι τράπεζαι, τραγήματὰ τ’ ἐν πλεκτοῖσ ἐλεφαντίνοισ ἐπεδόθη πᾶσι καὶ πλακοῦντεσ ἕκαστα γένη, Κρητικῶν καὶ τῶν σῶν, ἑταῖρε Λυγκεῦ, Σαμιακῶν καὶ Ἀττικῶν αὐταῖσ ταῖσ ἰδίαισ τῶν πεμμάτων θήκαισ. "μετὰ δὲ ταῦτα ἐξαναστάντεσ ἀπηλλαττόμεθα νήφοντεσ νὴ τοὺσ θεοὺσ διὰ τὸν φόβον τοῦ πλούτου ὃν ἐλάβομεν. "σὺ δὲ μᾶλλον,1 ἐν Ἀθήναισ μένων, εὐδαιμονίζεισ τὰσ Θεοφράστου θέσεισ ἀκούων, θύμα καὶ εὔζωμα καὶ τοὺσ καλοὺσ ἐσθίων στρεπτούσ, Λήναια καὶ Χύτρουσ θεωρῶν. ἡμεῖσ δ’ ἐκ τοῦ Καράνου δείπνου πλοῦτον ἀντὶ μερίδων εὐωχηθέντεσ νῦν ζητοῦμεν οἱ μὲν οἰκίασ, οἱ δὲ ἀγρούσ, οἱ δὲ ἀνδράποδ’ ὠνήσασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 4, book 4, chapter 2 3:

(아테나이오스, The Deipnosophists, Book 4, book 4, chapter 2 3:)

상위

목록

SEARCH

MENU NAVIGATION