헬라어 문장 검색 - Αρριαν́Αναβασί1́25́

(아리아노스, Anabasis, book 1, chapter 24)

Τῶν Μακεδόνων δὲ ἔστιν οἳ συνεστρατευμένοι Ἀλεξάνδρῳ ἦσαν νεωστὶ πρὸ τῆσ στρατιᾶσ γεγαμηκότεσ· καὶ τούτων ἔγνω οὐκ ἀμελητέα εἶναί οἱ Ἀλέξανδροσ, ἀλλ̓ ἐκπέμπει γὰρ αὐτοὺσ ἐκ Καρίασ διαχειμάσοντασ ἐν Μακεδονίᾳ ἅμα ταῖσ γυναιξίν, ἐπιτάξασ αὐτοῖσ Πτολεμαῖόν τε τὸν Σελεύκου, ἕνα τῶν σωματοφυλάκων τῶν βασιλικῶν, καὶ τῶν στρατηγῶν Κοῖνόν τε τὸν Πολεμοκράτουσ καὶ Μελέαγρον τὸν Νεοπτολέμου, ὅτι καὶ αὐτοὶ τῶν νεογάμων ἦσαν, προστάξασ, ἐπειδὰν αὐτοί τε ἐπανίωσι καὶ τοὺσ μετὰ σφῶν ἐκπεμφθέντασ ἐπαναγάγωσι, καταλέξαι ἱππέασ τε καὶ πεζοὺσ ἐκ τῆσ χώρασ ὅσουσ πλείστουσ. καὶ τῷ ἔργῳ τῷδε, εἴπερ τινὶ ἄλλῳ, εὐδοκίμησε παρὰ Μακεδόσιν Ἀλέξανδροσ.

ἔπεμψε δὲ καὶ Κλέανδρον τὸν Πολεμοκράτουσ ἐπὶ ξυλλογῇ στρατιωτῶν εἰσ Πελοπόννησον. Παρμενίωνα δὲ πέμπει ἐπὶ Σάρδεων, δοὺσ αὐτῷ τῶν τε ἑταίρων ἱππαρχίαν καὶ τοὺσ Θετταλοὺσ ἱππέασ καὶ τοὺσ ἄλλουσ ξυμμάχουσ καὶ τὰσ ἁμάξασ ἄγειν·

καὶ κελεύει προϊέναι ἀπὸ Σάρδεων ἐπὶ Φρυγίαν. αὐτὸσ δὲ ἐπὶ Λυκίασ τε καὶ Παμφυλίασ ᾔει, ὡσ τῆσ παραλίου κρατήσασ ἀχρεῖον καταστῆσαι τοῖσ πολεμίοισ τὸ ναυτικόν. καὶ πρῶτον μὲν ἐν παρόδῳ Ὕπαρνα, χωρίον ὀχυρόν, φυλακὴν ἔχον ξένουσ μισθοφόρουσ, ἐξ ἐφόδου ἔλαβεν·

οἱ δ̓ ἐκ τῆσ ἄκρασ ξένοι ὑπόσπονδοι ἐξῆλθον. ἔπειτα εἰσβαλὼν εἰσ Λυκίαν Τελμισσέασ μὲν ὁμολογίᾳ προσηγάγετο, περάσασ δὲ τὸν Ξάνθον ποταμὸν Πίναρα καὶ Ξάνθον τὴν πόλιν καὶ Πάταρα ἐνδοθέντα ἔλαβε καὶ ἄλλα ἐλάττω πολίσματα ἐσ τριάκοντα. Ταῦτα καταπράξασ ἐν ἀκμῇ ἤδη τοῦ χειμῶνοσ ἐσ τὴν Μιλυάδα καλουμένην χώραν ἐσβάλλει, ἥ ἐστι μὲν τῆσ μεγάλησ Φρυγίασ, ξυνετέλει δὲ ἐσ τὴν Λυκίαν τότε, οὕτωσ ἐκ βασιλέωσ μεγάλου τεταγμένον.

καὶ ἐνταῦθα Φασηλιτῶν πρέσβεισ ἧκον περὶ φιλίασ τε καὶ χρυσῷ στεφάνῳ στεφανῶσαι Ἀλέξανδρον· καὶ ὑπὲρ τῶν αὐτῶν ἐπικηρυκευόμενοι ἐπρέσβευον Λυκίων τῶν κάτω οἱ πολλοί. Ἀλέξανδροσ δὲ Φασηλίτασ τε καὶ Λυκίουσ παραδοῦναι τὰσ πόλεισ τοῖσ ἐπὶ τοῦτο στελλομένοισ ἐκέλευσε·

καὶ παρεδόθησαν ξύμπασαι. αὐτὸσ δὲ ὀλίγον ὕστερον ἐσ τὴν Φασηλίδα παραγενόμενοσ συνεξαιρεῖ αὐτοῖσ φρούριον ὀχυρόν, ἐπιτετειχισμένον τῇ χώρᾳ πρὸσ Πισιδῶν, ὅθεν ὁρμώμενοι οἱ βάρβαροι πολλὰ ἔβλαπτον τῶν Φασηλιτῶν τοὺσ τὴν γῆν ἐργαζομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 24

(아리아노스, Anabasis, book 1, chapter 24)

상위

목록

SEARCH

MENU NAVIGATION