헬라어 문장 검색 - Αρριαν́Αναβασί1́02́

(아리아노스, Anabasis, book 1, chapter 1)

Λέγεται δὴ Φίλιπποσ μὲν τελευτῆσαι ἐπὶ ἄρχοντοσ Πυθοδήλου Ἀθήνησι· παραλαβόντα δὲ τὴν βασιλείαν Ἀλέξανδρον, παῖδα ὄντα Φιλίππου, ἐσ Πελοπόννησον παρελθεῖν· εἶναι δὲ τότε ἀμφὶ τὰ εἴκοσιν ἔτη Ἀλέξανδρον. ἐνταῦθα ξυναγαγόντα τοὺσ Ἕλληνασ, ὅσοι ἐντὸσ Πελοποννήσου ἦσαν, αἰτεῖν παῤ αὐτῶν τὴν ἡγεμονίαν τῆσ ἐπὶ τοὺσ Πέρσασ στρατιᾶσ, ἥντινα Φιλίππῳ ἤδη ἔδοσαν·

καὶ αἰτήσαντα λαβεῖν παῤ ἑκάστων πλὴν Λακεδαιμονίων· Λακεδαιμονίουσ δὲ ἀποκρίνασθαι μὴ εἶναί σφισι πάτριον ἀκολουθεῖν ἄλλοισ, ἀλλ̓ αὐτοὺσ ἄλλων ἐξηγεῖσθαι. νεωτερίσαι δὲ ἄττα καὶ τῶν Ἀθηναίων τὴν πόλιν. ἀλλὰ Ἀθηναίουσ γε τῇ πρώτῃ ἐφόδῳ Ἀλεξάνδρου ἐκπλαγέντασ καὶ πλείονα ἔτι τῶν Φιλίππῳ δοθέντων Ἀλεξάνδρῳ εἰσ τιμὴν συγχωρῆσαι.

ἐπανελθόντα δὲ ἐσ Μακεδονίαν ἐν παρασκευῇ εἶναι τοῦ ἐσ τὴν Ἀσίαν στόλου. Ἅμα δὲ τῷ ἦρι ἐλαύνειν ἐπὶ Θρᾴκησ, ἐσ Τριβαλλοὺσ καὶ Ἰλλυριούσ, ὅτι τε νεωτερίζειν ἐπύθετο Ἰλλυριούσ τε καὶ Τριβαλλούσ, καὶ ἅμα ὁμόρουσ ὄντασ οὐκ ἐδόκει ὑπολείπεσθαι ὅτι μὴ πάντῃ ταπεινωθέντασ οὕτω μακρὰν ἀπὸ τῆσ οἰκείασ στελλόμενον.

ὁρμηθέντα δὴ ἐξ Ἀμφιπόλεωσ ἐμβαλεῖν εἰσ Θρᾴκην τὴν τῶν αὐτονόμων καλουμένων Θρᾳκῶν, Φιλίππουσ πόλιν ἐν ἀριστερᾷ ἔχοντα καὶ τὸν Ὄρβηλον τὸ ὄροσ.

διαβὰσ δὲ τὸν Νέστον ποταμὸν λέγουσιν, ὅτι δεκαταῖοσ ἀφίκετο ἐπὶ τὸ ὄροσ τὸν Αἶμον. καὶ ἐνταῦθα ἀπήντων αὐτῷ κατὰ τὰ στενὰ τῆσ ἀνόδου τῆσ ἐπὶ τὸ ὄροσ τῶν τε % ἐμπόρων πολλοὶ ὡπλισμένοι καὶ οἱ Θρᾷκεσ οἱ αὐτόνομοι, παρεσκευασμένοι εἴργειν τοῦ πρόσω κατειληφότεσ τὴν ἄκραν τοῦ Αἴμου τὸν στόλον, παῤ ἣν ἦν τῷ στρατεύματι ἡ πάροδοσ.

ξυναγαγόντεσ δὲ ἁμάξασ καὶ προβαλόμενοι πρὸ σφῶν ἅμα μὲν χάρακι ἐχρῶντο ταῖσ ἁμάξαισ ἐσ τὸ ἀπομάχεσθαι ἀπ̓ αὐτῶν, εἰ βιάζοιντο, ἅμα δὲ ἐν νῷ εἶχον ἐπαφιέναι ἀνιοῦσιν ᾗ ἀποτομώτατον τοῦ ὄρουσ ἐπὶ τὴν φάλαγγα τῶν Μακεδόνων τὰσ ἁμάξασ.

γνώμην δὲ πεποίηντο ὅτι ὅσῳ πυκνοτέρᾳ τῇ φάλαγγι καταφερόμεναι συμμίξουσιν αἱ ἅμαξαι, τοσῷδε μᾶλλόν τι διασκεδάσουσιν αὐτὴν βίᾳ ἐμπεσοῦσαι. Ἀλεξάνδρῳ δὲ βουλὴ γίγνεται ὅπωσ ἀσφαλέστατα ὑπερβαλεῖ τὸ ὄροσ·

καὶ ἐπειδὴ ἐδόκει διακινδυνευτέα, οὐ γὰρ εἶναι ἄλλῃ τὴν πάροδον, παραγ %5 γέλλει τοῖσ ὁπλίταισ, ὁπότε καταφέροιντο κατὰ τοῦ ὀρθίου αἱ ἅμαξαι, ὅσοισ μὲν ὁδὸσ πλατεῖα οὖσα παρέχοι λῦσαι τὴν τάξιν, τούτουσ δὲ διαχωρῆσαι, ὡσ δἰ αὐτῶν ἐκπεσεῖν τὰσ ἁμάξασ· ὅσοι δὲ περικαταλαμβάνοιντο, ξυννεύσαντασ, τοὺσ δὲ καὶ πεσόντασ ἐσ γῆν, συγκλεῖσαι ἐσ ἀκριβὲσ τὰσ ἀσπίδασ, τοῦ κατ̓ αὐτῶν φερομένασ τὰσ ἁμάξασ καὶ τῇ ῥύμῃ κατὰ τὸ εἰκὸσ ὑπερπηδώσασ ἀβλαβῶσ ἐπελθεῖν.

καὶ οὕτω ξυνέβη ὅπωσ παρῄνεσέ τε Ἀλέξανδροσ καὶ εἴκασεν. οἱ μὲν γὰρ διέσχον τὴν φάλαγγα, αἱ δ̓ ὑπὲρ τῶν ἀσπίδων ἐπικυλισθεῖσαι ὀλίγα ἔβλαψαν·

ἀπέθανε δὲ οὐδεὶσ ὑπὸ ταῖσ ἁμάξαισ. ἔνθα δὴ οἱ Μακεδόνεσ θαρσήσαντεσ, ὅτι ἀβλαβεῖσ αὐτοῖσ, ἃσ μάλιστα ἐδεδίεσαν, αἱ ἅμαξαι ἐγένοντο, σὺν βοῇ ἐσ τοὺσ Θρᾷκασ ἐνέβαλον. Ἀλέξανδροσ δὲ τοὺσ τοξότασ μὲν ἀπὸ τοῦ δεξιοῦ κέρωσ πρὸ τῆσ ἄλλησ φάλαγγοσ, ὅτι ταύτῃ εὐπορώτερα ἦν, ἐλθεῖν ἐκέλευσε καὶ ἐκτοξεύειν ἐσ τοὺσ Θρᾷκασ ὅπῃ προσφέροιντο·

αὐτὸσ δὲ ἀναλαβὼν τὸ ἄγημα καὶ τοὺσ ὑπασπιστὰσ καὶ τοὺσ Ἀγριᾶνασ κατὰ τὸ εὐώνυμον ἦγεν. ἔνθα δὴ οἱ τοξόται βάλλοντεσ τοὺσ προεκθέοντασ τῶν Θρᾳκῶν ἀνέστελλον·

καὶ ἡ φάλαγξ προσμίξασα οὐ χαλεπῶσ ἐξέωσεν ἐκ τῆσ χώρασ ἀνθρώπουσ ψιλοὺσ καὶ κακῶσ ὡπλισμένουσ βαρβάρουσ, ὥστε Ἀλέξανδρον ἀπὸ τοῦ εὐωνύμου ἐπάγοντα οὐκέτι ἐδέξαντο, ἀλλὰ ῥίψαντεσ ὡσ ἑκάστοισ προὐχώρει τὰ ὅπλα κατὰ τοῦ ὄρουσ ἔφυγον. καὶ ἀπέθανον μὲν αὐτῶν ἐσ χιλίουσ καὶ πεντακοσίουσ, ζῶντεσ δὲ ἄνδρεσ μὲν ὀλίγοι ἐλήφθησαν δἰ ὠκύτητα καὶ τῆσ χώρασ ἐμπειρίαν, γυναῖκεσ δὲ ὅσαι ξυνείποντο αὐτοῖσ ἑάλωσαν πᾶσαι, καὶ τὰ παιδάρια καὶ ἡ λεία πᾶσα ἑάλω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 1

(아리아노스, Anabasis, book 1, chapter 1)

상위

목록

SEARCH

MENU NAVIGATION