헬라어 문장 검색 - ΑριστόΡηετορί3́10́

(아리스토텔레스, 수사학, Book 3, chapter 10)

ἐπεὶ δὲ διώρισται περὶ τούτων, πόθεν λέγεται τὰ ἀστεῖα καὶ τὰ εὐδοκιμοῦντα λεκτέον. ποιεῖν μὲν οὖν ἐστὶν τοῦ εὐφυοῦσ ἢ τοῦ γεγυμνασμένου, δεῖξαι δὲ τῆσ μεθόδου ταύτησ. εἴπωμεν οὖν καὶ διαριθμησώμεθα·

ἀρχὴ δ’ ἔστω ἡμῖν αὕτη. τὸ γὰρ μανθάνειν ῥᾳδίωσ ἡδὺ φύσει πᾶσιν ἐστί, τὰ δὲ ὀνόματα σημαίνει τι, ὥστε ὅσα τῶν ὀνομάτων ποιεῖ ἡμῖν μάθησιν, ἥδιστα. αἱ μὲν οὖν γλῶτται ἀγνῶτεσ, τὰ δὲ κύρια ἴσμεν· ἡ δὲ μεταφορὰ ποιεῖ τοῦτο μάλιστα· ὅταν γὰρ εἴπῃ τὸ γῆρασ καλάμην, ἐποίησεν μάθησιν καὶ γνῶσιν διὰ τοῦ γένουσ· ἄμφω γὰρ ἀπηνθηκότα. ποιοῦσιν μὲν οὖν καὶ αἱ τῶν ποιητῶν εἰκόνεσ τὸ αὐτό·

διόπερ ἂν εὖ, ἀστεῖον φαίνεται. ἔστιν γὰρ ἡ εἰκών, καθάπερ εἴρηται πρότερον, μεταφορὰ διαφέρουσα προθέσει· διὸ ἧττον ἡδύ, ὅτι μακροτέρωσ· καὶ οὐ λέγει ὡσ τοῦτο ἐκεῖνο· οὐκοῦν οὐδὲ ζητεῖ τοῦτο ἡ ψυχή. ἀνάγκη δὴ καὶ λέξιν καὶ ἐνθυμήματα ταῦτ’ εἶναι ἀστεῖα ὅσα ποιεῖ ἡμῖν μάθησιν ταχεῖαν·

διὸ οὔτε τὰ ἐπιπόλαια τῶν ἐνθυμημάτων εὐδοκιμεῖ ἐπιπόλαια γὰρ λέγομεν τὰ παντὶ δῆλα, καὶ ἃ μηδὲν δεῖ ζητῆσαι, οὔτε ὅσα εἰρημένα ἀγνοοῦμεν, ἀλλ’ ὅσων ἢ ἅμα λεγομένων ἡ γνῶσισ γίνεται, καὶ εἰ μὴ πρότερον ὑπῆρχεν, ἢ μικρὸν ὑστερίζει ἡ διάνοια· γίγνεται γὰρ οἱο͂ν μάθησισ, ἐκείνων δὲ οὐδετέρου. κατὰ μὲν οὖν τὴν διάνοιαν τοῦ λεγομένου τὰ τοιαῦτα εὐδοκιμεῖ τῶν ἐνθυμημάτων, κατὰ δὲ τὴν λέξιν τῷ μὲν σχήματι, ἐὰν ἀντικειμένωσ λέγηται, οἱο͂ν "καὶ τὴν τοῖσ ἄλλοισ κοινὴν εἰρήνην νομιζόντων τοῖσ αὑτῶν ἰδίοισ πόλεμον" ·

ἀντίκειται πόλεμοσ εἰρήνῃ· τοῖσ δ’ ὀνόμασιν, ἐὰν ἔχῃ μεταφοράν, καὶ ταύτην μήτ’ ἀλλοτρίαν, χαλεπὸν γὰρ συνιδεῖν, μήτ’ ἐπιπόλαιον, οὐδὲν γὰρ ποιεῖ πάσχειν.

ἔτι εἰ πρὸ ὀμμάτων ποιεῖ· ὁρᾶν γὰρ δεῖ τὰ πραττόμενα μᾶλλον ἢ μέλλοντα. δεῖ ἄρα τούτων στοχάζεσθαι τριῶν, μεταφορᾶσ ἀντιθέσεωσ ἐνεργείασ. τῶν δὲ μεταφορῶν τεττάρων οὐσῶν εὐδοκιμοῦσι μάλιστα αἱ κατ’ ἀναλογίαν, ὥσπερ Περικλῆσ ἔφη τὴν νεότητα τὴν ἀπολομένην ἐν τῷ πολέμῳ οὕτωσ ἠφανίσθαι ἐκ τῆσ πόλεωσ ὥσπερ εἴ τισ τὸ ἐάρ ἐκ τοῦ ἐνιαυτοῦ ἐξέλοι.

καὶ Λεπτίνησ περὶ Λακεδαιμονίων, οὐκ ἂν περιιδεῖν τὴν Ἑλλάδα ἑτερόφθαλμον γενομένην. καὶ Κηφισόδοτοσ, σπουδάζοντοσ Χάρητοσ εὐθύνασ δοῦναι περὶ τὸν Ὀλυνθιακὸν πόλεμον, ἠγανάκτει, φάσκων εἰσ πνῖγμα τὸν δῆμον ἄγχοντα τὰσ εὐθύνασ πειρᾶσθαι δοῦναι. καὶ παρακαλῶν ποτὲ τοὺσ Ἀθηναίουσ εἰσ Εὔβοιαν ἐπισιτισαμένουσ ἔφη δεῖν ἐξιέναι τὸ Μιλτιάδου ψήφισμα. καὶ Ἰφικράτησ σπεισαμένων Ἀθηναίων πρὸσ Ἐπίδαυρον καὶ τὴν παραλίαν ἠγανάκτει, φάσκων αὐτοὺσ τὰ ἐφόδια τοῦ πολέμου παρῃρῆσθαι. καὶ Πειθόλαοσ τὴν πάραλον ῥόπαλον τοῦ δήμου, Σηστὸν δὲ τηλίαν τοῦ Πειραιέωσ. καὶ Περικλῆσ τὴν Αἴγιναν ἀφελεῖν ἐκέλευσε, τὴν λήμην τοῦ Πειραιέωσ. καὶ Μοιροκλῆσ οὐθὲν ἔφη πονηρότεροσ εἶναι, ὀνομάσασ τινὰ τῶν ἐπιεικῶν· ἐκεῖνον μὲν γὰρ ἐπιτρίτων τόκων πονηρεύεσθαι, αὐτὸσ δὲ ἐπιδεκάτων. καὶ τὸ Ἀναξανδρίδου ἰαμβεῖον ὑπὲρ τῶν θυγατέρων πρὸσ τὸν γάμον ἐγχρονιζουσῶν ὑπερήμεροί μοι τῶν γάμων αἱ παρθένοι. καὶ τὸ Πολυεύκτου εἰσ ἀποπληκτικόν τινα Σπεύσιππον, τὸ μὴ δύνασθαι ἡσυχίαν ἄγειν ὑπὸ τῆσ τύχησ ἐν πεντεσυρίγγῳ νόσῳ δεδεμένον. καὶ Κηφισόδοτοσ τὰσ τριήρεισ ἐκάλει μύλωνασ ποικίλουσ, ὁ Κύων δὲ τὰ καπηλεῖα τὰ Ἀττικὰ φιδίτια· Αἰσίων δέ, ὅτι εἰσ Σικελίαν τὴν πόλιν ἐξέχεαν· τοῦτο γὰρ μεταφορὰ καὶ πρὸ ὀμμάτων. καὶ "ὥστε βοῆσαι τὴν Ἑλλάδα" , καὶ τοῦτο τρόπον τινὰ μεταφορὰ καὶ πρὸ ὀμμάτων. καὶ ὥσπερ Κηφισόδοτοσ εὐλαβεῖσθαι ἐκέλευεν μὴ πολλὰσ ποιήσωσιν τὰσ συνδρομάσ ἐκκλησίασ. καὶ Ἰσοκράτησ πρὸσ τοὺσ συντρέχοντασ ἐν ταῖσ πανηγύρεσιν. καὶ οἱο͂ν ἐν τῷ ἐπιταφίῳ, διότι ἄξιον ἦν ἐπὶ τῷ τάφῳ τῷ τῶν ἐν Σαλαμῖνι τελευτησάντων κείρασθαι τὴν Ἑλλάδα ὡσ συγκαταθαπτομένησ τῇ ἀρετῇ αὐτῶν τῆσ ἐλευθερίασ· εἰ μὲν γὰρ εἶπεν ὅτι ἄξιον δακρῦσαι συγκαταθαπτομένησ τῆσ ἀρετῆσ, μεταφορὰ καὶ πρὸ ὀμμάτων, τὸ δὲ "τῇ ἀρετῇ τῆσ ἐλευθερίασ" ἀντίθεσίν τινα ἔχει. καὶ ὡσ Ἰφικράτησ εἶπεν "ἡ γὰρ ὁδόσ μοι τῶν λόγων διὰ μέσων τῶν Χάρητι πεπραγμένων ἐστίν" μεταφορὰ κατ’ ἀναλογίαν, καὶ τὸ διὰ μέσου πρὸ ὀμμάτων ποιεῖ. καὶ τὸ φάναι παρακαλεῖν τοὺσ κινδύνουσ τοῖσ κινδύνοισ βοηθήσοντασ, πρὸ ὀμμάτων <καὶ> μεταφορά. καὶ Λυκολέων ὑπὲρ Χαβρίου "οὐδὲ τὴν ἱκετηρίαν αἰσχυνθέντεσ αὐτοῦ, τὴν εἰκόνα τὴν χαλκῆν" · μεταφορὰ γὰρ ἐν τῷ παρόντι, ἀλλ’ οὐκ ἀεί, ἀλλὰ πρὸ ὀμμάτων· κινδυνεύοντοσ γὰρ αὐτοῦ ἱκετεύει ἡ εἰκών, τὸ "ἔμψυχον δὴ ἄψυχον" , τὸ ὑπόμνημα τῶν τῆσ πόλεωσ ἔργων. καὶ "πάντα τρόπον μικρὸν φρονεῖν μελετῶντεσ" · τὸ γὰρ μελετᾶν αὔξειν τι ἐστίν. καὶ ὅτι "τὸν νοῦν ὁ θεὸσ φῶσ ἀνῆψεν ἐν τῇ ψυχῇ" · ἄμφω γὰρ δηλοῖ τι. "οὐ γὰρ διαλυόμεθα τοὺσ πολέμουσ ἀλλ’ ἀναβαλλόμεθα" · ἄμφω γάρ ἐστιν μέλλοντα, καὶ ἡ ἀναβολὴ καὶ ἡ τοιαύτη εἰρήνη. καὶ τὸ τὰσ συνθήκασ φάναι τρόπαιον εἶναι πολὺ κάλλιον τῶν ἐν τοῖσ πολέμοισ γινομένων· τὰ μὲν γὰρ ὑπὲρ μικρῶν καὶ μιᾶσ τύχησ, αὗται δ’ ὑπὲρ παντὸσ τοῦ πολέμου· ἄμφω γὰρ νίκησ σημεῖα. καὶ ὅτι αἱ πόλεισ τῷ ψόγῳ τῶν ἀνθρώπων μεγάλασ εὐθύνασ διδόασιν· ἡ γὰρ εὔθυνα βλάβη τισ δικαία ἐστίν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 3, chapter 10

(아리스토텔레스, 수사학, Book 3, chapter 10)

상위

목록

SEARCH

MENU NAVIGATION