헬라어 문장 검색 - ΑριστόΡηετορί3́12́

(아리스토텔레스, 수사학, Book 3, chapter 12)

δεῖ δὲ μὴ λεληθέναι ὅτι ἄλλη ἑκάστῳ γένει ἁρμόττει λέξισ. οὐ γὰρ ἡ αὐτὴ γραφικὴ καὶ ἀγωνιστική, οὐδὲ δημηγορικὴ καὶ δικανική. ἄμφω δὲ ἀνάγκη εἰδέναι· τὸ μὲν γάρ ἐστιν ἑλληνίζειν ἐπίστασθαι, τὸ δὲ μὴ ἀναγκάζεσθαι κατασιωπᾶν ἄν τι βούληται μεταδοῦναι τοῖσ ἄλλοισ, ὅπερ πάσχουσιν οἱ μὴ ἐπιστάμενοι γράφειν. ἔστι δὲ λέξισ γραφικὴ μὲν ἡ ἀκριβεστάτη, ἀγωνιστικὴ δὲ ἡ ὑποκριτικωτάτη ταύτησ δὲ δύο εἴδη·

ἡ μὲν γὰρ ἠθικὴ ἡ δὲ παθητική· διὸ καὶ οἱ ὑποκριταὶ τὰ τοιαῦτα τῶν δραμάτων διώκουσι, καὶ οἱ ποιηταὶ τοὺσ τοιούτουσ. βαστάζονται δὲ οἱ ἀναγνωστικοί, οἱο͂ν Χαιρήμων ἀκριβὴσ γὰρ ὥσπερ λογογράφοσ, καὶ Λικύμνιοσ τῶν διθυραμβοποιῶν. καὶ παραβαλλόμενοι οἱ μὲν τῶν γραφέων <λόγοι> ἐν τοῖσ ἀγῶσι στενοὶ φαίνονται, οἱ δὲ τῶν ῥητόρων, εὖ λεχθέντεσ, ἰδιωτικοὶ ἐν ταῖσ χερσίν. αἴτιον δ’ ὅτι ἐν τῷ ἀγῶνι ἁρμόττει τὰ ὑποκριτικά· διὸ καὶ ἀφῃρημένησ τῆσ ὑποκρίσεωσ οὐ ποιοῦντα τὸ αὑτῶν ἔργον φαίνεται εὐήθη, οἱο͂ν τά τε ἀσύνδετα καὶ τὸ πολλάκισ τὸ αὐτὸ εἰπεῖν ἐν τῇ γραφικῇ ὀρθῶσ ἀποδοκιμάζεται, ἐν δὲ ἀγωνιστικῇ οὔ, καὶ οἱ ῥήτορεσ χρῶνται· ἔστι γὰρ ὑποκριτική. ἀνάγκη δὲ μεταβάλλειν τὸ αὐτὸ λέγοντασ, ὅπερ ὥσπερ ὁδοποιεῖ τῷ ὑποκρίνεσθαι·

"οὗτόσ ἐστιν ὁ κλέψασ ὑμῶν, οὗτόσ ἐστιν ὁ ἐξαπατήσασ, οὗτοσ ὁ τὸ ἔσχατον προδοῦναι ἐπιχειρήσασ" , οἱο͂ν καὶ Φιλήμων ὁ ὑποκριτὴσ ἐποίει ἔν τε τῇ Ἀναξανδρίδου Γεροντομαχίᾳ, ὅτε λέγοι "Ῥαδάμανθυσ καὶ Παλαμήδησ" , καὶ ἐν τῷ προλόγῳ τῶν Εὐσεβῶν τὸ "ἐγώ" · ἐὰν γάρ τισ τὰ τοιαῦτα μὴ ὑποκρίνηται, γίγνεται "ὁ τὴν δοκὸν φέρων" . καὶ τὰ ἀσύνδετα ὡσαύτωσ·

"ἦλθον, ἀπήντησα, ἐδεόμην· ἀνάγκη γὰρ ὑποκρίνεσθαι καὶ μὴ ὡσ ἓν λέγοντα τῷ αὐτῷ ἤθει καὶ τόνῳ εἰπεῖν. ἔτι ἔχει ἴδιόν τι τὰ ἀσύνδετα· ἐν ἴσῳ γὰρ χρόνῳ πολλὰ δοκεῖ εἰρῆσθαι· ὁ γὰρ σύνδεσμοσ ἓν ποιεῖ τὰ πολλά, ὥστε ἐὰν ἐξαιρεθῇ, δῆλον ὅτι τοὐναντίον ἔσται τὸ ἓν πολλά. ἔχει οὖν αὔξησιν· "ἦλθον, διελέχθην, ἱκέτευσα" πολλὰ δοκεῖ, "ὑπερεῖδεν ὅσα εἶπον" . τοῦτο δὲ βούλεται ποιεῖν καὶ Ὅμηροσ ἐν τῷ Νιρεὺσ αὖ Σύμηθεν,Νιρεὺσ Ἀγλαί̈ησ,Νιρεὺσ ὃσ κάλλιστοσ. περὶ οὗ γὰρ πολλὰ λέγεται, ἀνάγκη καὶ πολλάκισ εἰρῆσθαι· εἰ οὖν καὶ πολλάκισ, καὶ πολλὰ δοκεῖ, ὥστε ηὔξηκεν, ἅπαξ μνησθείσ, διὰ τὸν παραλογισμόν, καὶ μνήμην πεποίηκεν, οὐδαμοῦ ὕστερον αὐτοῦ λόγον ποιησάμενοσ. ἡ μὲν οὖν δημηγορικὴ λέξισ καὶ παντελῶσ ἐοίκεν τῇ σκιαγραφίᾳ·

ὅσῳ γὰρ ἂν πλείων ᾖ ὁ ὄχλοσ, πορρώτερον ἡ θέα, διὸ τὰ ἀκριβῆ περίεργα καὶ χείρω φαίνεται ἐν ἀμφοτέροισ· ἡ δὲ δικανικὴ ἀκριβεστέρα. ἔτι δὲ μᾶλλον ἡ <ἐν> ἑνὶ κριτῇ· ἐλάχιστον γὰρ ἔνεστι ῥητορικῆσ· εὐσύνοπτον γὰρ μᾶλλον τὸ οἰκεῖον τοῦ πράγματοσ καὶ τὸ ἀλλότριον, καὶ ὁ ἀγὼν ἄπεστιν, ὥστε καθαρὰ ἡ κρίσισ. διὸ οὐχ οἱ αὐτοὶ ἐν πᾶσιν τούτοισ εὐδοκιμοῦσιν ῥήτορεσ· ἀλλ’ ὅπου μάλιστα ὑπόκρισισ, ἐνταῦθα ἥκιστα ἀκρίβεια ἔνι. τοῦτο δὲ ὅπου φωνῆσ, καὶ μάλιστα ὅπου μεγάλησ. ἡ μὲν οὖν ἐπιδεικτικὴ λέξισ γραφικωτάτη· τὸ γὰρ ἔργον αὐτῆσ ἀνάγνωσισ· δευτέρα δὲ ἡ δικανική.

τὸ δὲ προσδιαιρεῖσθαι τὴν λέξιν, ὅτι ἡδεῖαν δεῖ εἶναι καὶ μεγαλοπρεπῆ, περίεργον· τί γὰρ μᾶλλον ἢ σώφρονα καὶ ἐλευθέριον καὶ εἴ τισ ἄλλη ἤθουσ ἀρετή; τὸ δὲ ἡδεῖαν εἶναι ποιήσει δηλονότι τὰ εἰρημένα, εἴπερ ὀρθῶσ ὡρ́ισται ἡ ἀρετὴ τῆσ λέξεωσ· τίνοσ γὰρ ἕνεκα δεῖ σαφῆ καὶ μὴ ταπεινὴν εἶναι ἀλλὰ πρέπουσαν; ἄν τε γὰρ ἀδολεσχῇ, οὐ σαφήσ, οὐδὲ ἂν σύντομοσ, ἀλλὰ δῆλον ὅτι τὸ μέσον ἁρμόττει. καὶ τὸ ἡδεῖαν τὰ εἰρημένα ποιήσει, ἂν εὖ μιχθῇ, τὸ εἰωθὸσ καὶ <τὸ> ξενικόν, καὶ ὁ ῥυθμόσ, καὶ τὸ πιθανὸν ἐκ τοῦ πρέποντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 3, chapter 12

(아리스토텔레스, 수사학, Book 3, chapter 12)

상위

목록

SEARCH

MENU NAVIGATION