헬라어 문장 검색 - ΑριστόΡηετορί3́15́

(아리스토텔레스, 수사학, Book 3, chapter 15)

περὶ δὲ διαβολῆσ ἓν μὲν τὸ ἐξ ὧν ἄν τισ ὑπόληψιν δυσχερῆ ἀπολύσαιτο οὐθὲν γὰρ διαφέρει εἴτε εἰπόντοσ τινὸσ εἴτε μή, ὥστε τοῦτο καθόλου· ἄλλοσ τόποσ ὥστε πρὸσ τὰ ἀμφισβητούμενα ἀπαντᾶν, ἢ ὡσ οὐκ ἔστιν, ἢ ὡσ οὐ βλαβερὸν ἢ οὐ τούτῳ, ἢ ὡσ οὐ τηλικοῦτον, ἢ οὐκ ἄδικον ἢ οὐ μέγα, ἢ οὐκ αἰσχρὸν ἢ οὐκ ἔχον μέγεθοσ·

περὶ γὰρ τοιούτων ἡ ἀμφισβήτησισ, ὥσπερ Ἰφικράτησ πρὸσ Ναυσικράτην· ἔφη γὰρ ποιῆσαι ὃ ἔλεγεν καὶ βλάψαι, ἀλλ’ οὐκ ἀδικεῖν. ἢ ἀντικαταλλάττεσθαι ἀδικοῦντα, εἰ βλαβερόν, ἀλλ’ οὖν καλόν, εἰ λυπηρόν, ἀλλ’ ὠφέλιμον, ἤ τι ἄλλο τοιοῦτον. ἄλλοσ τόποσ ὡσ ἐστὶν ἁμάρτημα ἢ ἀτύχημα ἢ ἀναγκαῖον, οἱο͂ν Σοφοκλῆσ ἔφη τρέμειν οὐχ ὡσ ὁ διαβάλλων ἔφη, ἵνα δοκῇ γέρων, ἀλλ’ ἐξ ἀνάγκησ·

οὐ γὰρ ἑκόντι εἶναι αὑτῷ ἔτη ὀγδοήκοντα. καὶ ἀντικαταλλάττεσθαι τὸ οὗ ἕνεκα, ὅτι οὐ βλάψαι ἐβούλετο ἀλλὰ τόδε, καὶ οὐ τοῦτο ὃ διεβάλλετο ποιῆσαι, συνέβη δὲ βλαβῆναι· "δίκαιον δὲ μισεῖν, εἰ ὅπωσ τοῦτο γένηται ἐποίουν. ἄλλοσ, εἰ ἐμπεριείληπται ὁ διαβάλλων, ἢ νῦν ἢ πρότερον, ἢ αὐτὸσ ἢ τῶν ἐγγύσ τισ.

ἄλλοσ, εἰ ἄλλοι ἐμπεριλαμβάνονται οὓσ ὁμολογοῦσιν μὴ ἐνόχουσ εἶναι τῇ διαβολῇ, οἱο͂ν εἰ, ὅτι καθάριοσ, ὁ <δεῖνα> μοιχόσ, καὶ ὁ δεῖνα ἄρα.

ἄλλοσ, εἰ ἄλλουσ διέβαλεν ἢ ἄλλοσ <ἢ> αὐτόσ, ἢ ἄνευ διαβολῆσ ὑπελαμβάνοντο ὥσπερ αὐτὸσ νῦν, οἳ πεφήνασιν οὐκ ἔνοχοι.

ἄλλοσ ἐκ τοῦ ἀντιδιαβάλλειν τὸν διαβάλλοντα·

ἄτοπον γὰρ εἰ ὃσ αὐτὸσ ἄπιστοσ, οἱ τούτου λόγοι ἔσονται πιστοί. ἄλλοσ, εἰ γέγονεν κρίσισ, ὥσπερ Εὐριπίδησ πρὸσ Ὑγιαίνοντα ἐν τῇ ἀντιδόσει κατηγοροῦντα ὡσ ἀσεβήσ, ὅσ γ’ ἐποίησε κελεύων ἐπιορκεῖν, ἡ γλῶσσ’ ὀμώμοχ’, ἡ δὲ φρὴν ἀνώμοτοσ.

ἔφη γὰρ αὐτὸν ἀδικεῖν τὰσ ἐκ τοῦ Διονυσιακοῦ ἀγῶνοσ κρίσεισ εἰσ τὰ δικαστήρια ἄγοντα· ἐκεῖ γὰρ αὐτῶν δεδωκέναι λόγον, ἢ δώσειν εἰ βούλεται κατηγορεῖν. ἄλλοσ ἐκ τοῦ διαβολῆσ κατηγορεῖν, ἡλίκον, καὶ τοῦτο, ὅτι ἄλλασ κρίσεισ ποιεῖ, καὶ ὅτι οὐ πιστεύει τῷ πράγματι.

κοινὸσ δ’ ἀμφοῖν ὁ τόποσ τὸ σύμβολα λέγειν, οἱο͂ν ἐν τῷ Τεύκρῳ ὁ Ὀδυσσεὺσ ὅτι οἰκεῖοσ τῷ Πριάμῳ· ἡ γὰρ Ἡσιόνη ἀδελφή· ὁ δὲ ὅτι ὁ πατὴρ ἐχθρὸσ τῷ Πριάμῳ, ὁ Τελαμών, καὶ ὅτι οὐ κατεῖπε τῶν κατασκόπων. ἄλλοσ τῷ διαβάλλοντι, τὸ ἐπαινοῦντα μικρὸν μακρῶσ ψέξαι μέγα συντόμωσ, ἢ πολλὰ ἀγαθὰ προθέντα, ὃ εἰσ τὸ πρᾶγμα προφέρει ἓν ψέξαι.

τοιοῦτοι δὲ οἱ τεχνικώτατοι καὶ ἀδικώτατοι· τοῖσ ἀγαθοῖσ γὰρ βλάπτειν πειρῶνται, μιγνύντεσ αὐτὰ τῷ κακῷ. κοινὸν δὲ τῷ διαβάλλοντι καὶ τῷ ἀπολυομένῳ, ἐπειδὴ τὸ αὐτὸ ἐνδέχεται πλειόνων ἕνεκα πραχθῆναι, τῷ μὲν διαβάλλοντι κακοηθιστέον ἐπὶ τὸ χεῖρον ἐκλαμβάνοντι, τῷ δὲ ἀπολυομένῳ ἐπὶ τὸ βέλτιον, οἱο͂ν ὅτι ὁ Διομήδησ τὸν Ὀδυσσέα προείλετο, τῷ μὲν ὅτι διὰ τὸ ἄριστον ὑπολαμβάνειν τὸν Ὀδυσσέα, τῷ δ’ ὅτι οὕ, ἀλλὰ διὰ τὸ μόνον μὴ ἀνταγωνιστεῖν ὡσ φαῦλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 3, chapter 15

(아리스토텔레스, 수사학, Book 3, chapter 15)

상위

목록

SEARCH

MENU NAVIGATION