헬라어 문장 검색 - ΑριστόΡηετορί3́08́

(아리스토텔레스, 수사학, Book 3, chapter 8)

τὸ δὲ σχῆμα τῆσ λέξεωσ δεῖ μήτε ἔμμετρον εἶναι μήτε ἄρρυθμον· τὸ μὲν γὰρ ἀπίθανον πεπλάσθαι γὰρ δοκεῖ, καὶ ἅμα καὶ ἐξίστησι· προσέχειν γὰρ ποιεῖ τῷ ὁμοίῳ, πότε πάλιν ἥξει· ὥσπερ οὖν τῶν κηρύκων προλαμβάνουσι τὰ παιδία τὸ "τίνα αἱρεῖται ἐπίτροπον ὁ ἀπελευθερούμενοσ; "Κλέωνα" · τὸ δὲ ἄρρυθμον ἀπέραντον, δεῖ δὲ πεπεράνθαι μέν, μὴ μέτρῳ δέ·

ἀηδὲσ γὰρ καὶ ἄγνωστον τὸ ἄπειρον. περαίνεται δὲ ἀριθμῷ πάντα· ὁ δὲ τοῦ σχήματοσ τῆσ λέξεωσ ἀριθμὸσ ῥυθμόσ ἐστιν, οὗ καὶ τὰ μέτρα τμήματα· διὸ ῥυθμὸν δεῖ ἔχειν τὸν λόγον, μέτρον δὲ μή·

ποίημα γὰρ ἔσται. ῥυθμὸν δὲ μὴ ἀκριβῶσ· τοῦτο δὲ ἔσται ἐὰν μέχρι του ᾖ. τῶν δὲ ῥυθμῶν ὁ μὲν ἡρῷοσ σεμνῆσ ἀλλ’ οὐ λεκτικῆσ ἁρμονίασ δεόμενοσ, ὁ δ’ ἰάμβοσ αὐτή ἐστιν ἡ λέξισ ἡ τῶν πολλῶν διὸ μάλιστα πάντων τῶν μέτρων ἰαμβεῖα φθέγγονται λέγοντεσ, δεῖ δὲ σεμνότητα γενέσθαι καὶ ἐκστῆσαι.

ὁ δὲ τροχαῖοσ κορδακικώτεροσ· δηλοῖ δὲ τὰ τετράμετρα· ἔστι γὰρ τροχερὸσ ῥυθμὸσ τὰ τετράμετρα. λείπεται δὲ παιάν, ᾧ ἐχρῶντο μὲν ἀπὸ Θρασυμάχου ἀρξάμενοι, οὐκ εἶχον δὲ λέγειν τίσ ἦν. ἔστι δὲ τρίτοσ ὁ παιάν, καὶ ἐχόμενοσ τῶν εἰρημένων· τρία γὰρ πρὸσ δύ’ ἐστίν, ἐκείνων δὲ ὁ μὲν ἓν πρὸσ ἕν, ὁ δὲ δύο πρὸσ ἕν, ἔχεται δὲ τῶν λόγων τούτων ὁ ἡμιόλιοσ· οὗτοσ δ’ ἐστὶν ὁ παιάν. οἱ μὲν οὖν ἄλλοι διά τε τὰ εἰρημένα ἀφετέοι, καὶ διότι μετρικοί·

ὁ δὲ παιὰν ληπτέοσ· ἀπὸ μόνου γὰρ οὐκ ἔστι μέτρον τῶν ῥηθέντων ῥυθμῶν, ὥστε μάλιστα λανθάνειν. νῦν μὲν οὖν χρῶνται τῷ ἑνὶ παιᾶνι καὶ ἀρχόμενοι <καὶ τελευτῶντεσ>, δεῖ δὲ διαφέρειν τὴν τελευτὴν τῆσ ἀρχῆσ.

ἔστιν δὲ παιᾶνοσ δύο εἴδη ἀντικείμενα ἀλλήλοισ, ὧν τὸ μὲν ἓν ἀρχῇ ἁρμόττει, ὥσπερ καὶ χρῶνται· οὗτοσ δ’ ἐστὶν οὗ ἄρχει μὲν ἡ μακρά, τελευτῶσιν δὲ τρεῖσ βραχεῖαι, Δαλογενὲσ εἴτε Λυκίαν, καὶ Χρυσεοκόμα Ἕκατε παῖ Διόσ· ἕτεροσ δ’ ἐξ ἐναντίασ, οὗ βραχεῖαι ἄρχουσιν τρεῖσ, ἡ δὲ μακρὰ τελευταία· μετὰ δὲ γᾶν ὕδατά τ’ ὠκεανὸν ἠφάνισε νύξ. οὗτοσ δὲ τελευτὴν ποιεῖ· ἡ γὰρ βραχεῖα διὰ τὸ ἀτελὴσ εἶναι ποιεῖ κολοβόν. ἀλλὰ δεῖ τῇ μακρᾷ ἀποκόπτεσθαι, καὶ δήλην εἶναι τὴν τελευτὴν μὴ διὰ τὸν γραφέα, μηδὲ διὰ τὴν παραγραφήν, ἀλλὰ διὰ τὸν ῥυθμόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 3, chapter 8

(아리스토텔레스, 수사학, Book 3, chapter 8)

상위

목록

SEARCH

MENU NAVIGATION