호흡부호 보기
강세부호 보기
장단부호 보기
작은 Iota 보기
모든 부호 보기
εἰσ ὄγκον δὲ τῆσ λέξεωσ συμβάλλεται τάδε, τὸ λόγῳ χρῆσθαι ἀντ’ ὀνόματοσ, οἱο͂ν μὴ κύκλον, ἀλλ’ ἐπίπεδον τὸ ἐκ τοῦ μέσου ἴσον· εἰσ δὲ συντομίαν τὸ ἐναντίον, ἀντὶ τοῦ λόγου ὄνομα. καὶ ἐὰν αἰσχρὸν ἢ ἀπρεπέσ, ἐὰν μὲν ἐν τῷ λόγῳ ᾖ <τὸ> αἰσχρόν, τοὔνομα λέγειν, ἐὰν δ’ ἐν τῷ ὀνόματι, τὸν λόγον.
καὶ μεταφορᾷ δηλοῦν καὶ τοῖσ ἐπιθέτοισ, εὐλαβούμενον τὸ ποιητικόν.
καὶ τὸ ἓν πολλὰ ποιεῖν, ὅπερ οἱ ποιηταὶ ποιοῦσιν·
ἑνὸσ ὄντοσ λιμένοσ ὅμωσ λέγουσι λιμένασ εἰσ Ἀχαϊκούσ καὶ δέλτου μὲν αἵδε πολύθυροι διαπτυχαί. καὶ μὴ ἐπιζευγνύναι, ἀλλ’ ἑκατέρῳ ἑκάτερον, "τῆσ γυναικὸσ τῆσ ἡμετέρασ" ·
ἐὰν δὲ συντόμωσ, τοὐναντίον, "τῆσ ἡμετέρασ γυναικόσ" . καὶ μετὰ συνδέσμου λέγειν·
ἐὰν δὲ συντόμωσ, ἄνευ μὲν συνδέσμου, μὴ ἀσύνδετα δέ, οἱο͂ν "πορευθεὶσ καὶ διαλεχθείσ" , "πορευθεὶσ διελέχθην" . καὶ τὸ Ἀντιμάχου χρήσιμον, ἐξ ὧν μὴ ἔχει λέγειν, ὃ ἐκεῖνοσ ποιεῖ ἐπὶ τοῦ Τευμησσοῦ, ἔστι τισ ἠνεμόεισ ὀλίγοσ λόφοσ·
αὔξεται γὰρ οὕτωσ εἰσ ἄπειρον. ἔστι δὲ τοῦτο καὶ ἐπὶ ἀγαθῶν καὶ κακῶν, ὅπωσ οὐκ ἔχει, ὁποτέρωσ ἂν ᾖ χρήσιμον, ὅθεν καὶ τὰ ὀνόματα οἱ ποιηταὶ φέρουσιν, τὸ ἄχορδον καὶ τὸ ἄλυρον μέλοσ· ἐκ τῶν στερήσεων γὰρ ἐπιφέρουσιν· εὐδοκιμεῖ γὰρ τοῦτο ἐν ταῖσ μεταφοραῖσ λεγόμενον ταῖσ ἀνάλογον, οἱο͂ν τὸ φάναι τὴν σάλπιγγα ἱέναι μέλοσ ἄλυρον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기