Appian, The Civil Wars, book 4, chapter 16 12:

(아피아노스, The Civil Wars, book 4, chapter 16 12:)

Ἤδη δὲ τῆσ ἡμέρασ ἀμφὶ τήνδε τὴν παρασκευὴν ἐσ ἐνάτην ὡρ́αν δεδαπανημένησ αἰετοὶ δύο ἐσ τὸ μεταίχμιον συμπεσόντεσ ἀλλήλοισ ἐπολέμουν· καὶ οἱ τοῦ Καίσαροσ τότε μάλιστα τοῦ παρηγγελμένου σφίσιν ἐγκρατῶσ ἐχόμενοι τὰσ πύλασ προελάμβανον σφόδρα ἐπικινδύνωσ ἁ̓́νωθέν τε γὰρ ἐβάλλοντο καὶ ἐκ τοῦ μετώποὐ, μέχρι πολλοὺσ ἐσδραμεῖν ἐκώλυσαν, οἳ διέφυγον ἐπί τε τὴν θάλασσαν καὶ ἐσ τὰ ὄρη διὰ τοῦ ποταμοῦ τοῦ Ζυγάκτου. καὶ ἦν σιγὴ βαθυτάτη. φυγόντοσ δὲ τοῦ κατὰ Βροῦτον βοή τε παρὰ τῶν πολεμίων ὀξεῖα ἠγέρθη καὶ τὰ σημεῖα ἑκατέρωθεν ἐπῇρτο, καὶ ἔφοδοσ ἦν σοβαρά τε καὶ ἀπηνήσ. τοξευμάτων μὲν δὴ καὶ λίθων ἢ ἀκοντισμάτων ὀλίγον αὐτοῖσ ἐδέησε πολέμου νόμῳ, ἐπεὶ οὐδὲ τῇ ἄλλῃ τέχνῃ καὶ τάξει τῶν ἔργων ἐχρῶντο, ἀλλὰ γυμνοῖσ τοῖσ ξίφεσι συμπλεκόμενοι ἔκοπτόν τε καὶ ἐκόπτοντο καὶ ἀλλήλουσ ἐξώθουν ἀπὸ τῆσ τάξεωσ, οἱ μὲν περὶ σωτηρίασ μᾶλλον ἢ νίκησ, οἱ δὲ περὶ νίκησ καὶ παρηγορίασ στρατηγοῦ βεβιασμένου. φόνοσ δὲ ἦν καὶ στόνοσ πολύσ, καὶ τὰ μὲν σώματα αὐτοῖσ ὑπεξεφέρετο, ἕτεροι δὲ ἀντικαθίσταντο ἐκ τῶν ἐπιτεταγμένων. οἱ στρατηγοὶ δὲ σφᾶσ, περιθέοντεσ καὶ ὁρώμενοι πανταχοῦ, ταῖσ τε ὁρμαῖσ ἀνέφερον καὶ παρεκάλουν πονοῦντασ ἔτι προσπονῆσαι καὶ τοὺσ κεκμηκότασ ἐνήλλασσον, ὥστε ὁ θυμὸσ αἰεὶ τοῖσ ἐπὶ τοῦ μετώπου καινὸσ ἦν. Τέλοσ δὲ οἱ τοῦ Καίσαροσ, εἴτε διὰ δέοσ τοῦ λιμοῦ, εἴτε δι’ αὐτοῦ Καίσαροσ εὐτυχίαν οὑ̓ γὰρ ἐπίμεμπτοί γε ἦσαν οὐδὲ οἱ Βρούτειοἰ, τὴν φάλαγγα τῶν ἐχθρῶν ἐκίνουν, ὥσπερ τι μηχάνημα τῶν βαρυτάτων ἀνατρέποντεσ. οἱ δ’ ἀνεωθοῦντο μὲν ἐπὶ πόδασ ἐσ τὸ ὀπίσω βάδην ἔτι καὶ μετὰ φρονήματοσ· ὡσ δὲ αὐτοῖσ καὶ ἡ σύνταξισ ἤδη παρελέλυτο, ὀξύτερον ὑπεχώρουν καί, τῶν ἐπιτεταγμένων σφίσι δευτέρων καὶ τρίτων συνυποχωρούντων, μισγόμενοι πάντεσ ἀλλήλοισ ἀκόσμωσ ἐθλίβοντο ὑπὸ σφῶν καὶ τῶν πολεμίων ἀπαύστωσ αὐτοῖσ ἐπικειμένων, ἑώσ ἔφευγον ἤδη σαφῶσ.

일치하는 문장이 없습니다.

SEARCH

MENU NAVIGATION