Appian, The Civil Wars, book 4, chapter 16 8:

(아피아노스, The Civil Wars, book 4, chapter 16 8:)

Ἐνοχλούντων δὲ αὐτῷ καὶ τῶν ἡγεμόνων καὶ κελευόντων νῦν μὲν ἀποχρήσασθαι τοῦ στρατοῦ τῇ προθυμίᾳ, τάχα τι λαμπρὸν ἐργασομένου, ἢν δ’ ἀντιπίπτῃ τι παρὰ τὴν μάχην, ἐπανιέναι πάλιν ἐσ τὰ τείχη καὶ προβάλλεσθαι τὰ αὐτὰ χαρακώματα, χαλεπήνασ ὁ Βροῦτοσ τοῖσδε μάλιστα ἡγεμόσιν οὖσι καὶ περιαλγήσασ, ὅτι τὸν αὐτόν οἱ κίνδυνον ἐπικείμενοι συμφέρονται τῷ στρατῷ κουφόνωσ, ἀμφίβολον καὶ ὀξεῖαν τύχην προτιθέντι νίκησ ἀκινδύνου, εἶξεν ἐπ’ οἰκείῳ καὶ σφῶν ἐκείνων ὀλέθρῳ, τοσόνδε ἐπιμεμψάμενοσ αὐτοῖσ· "ἐοίκαμεν ὡσ Πομπήιοσ Μάγνοσ πολεμήσειν, οὐ στρατηγοῦντεσ ἔτι μᾶλλον ἢ στρατηγούμενοι. " καί μοι δοκεῖ τόδε μόνον ἐξειπεῖν, ἐπικρύπτων, ὃ ἐδεδοίκει μάλιστα, μὴ ὁ στρατὸσ οἱᾶ τοῦ πάλαι Καίσαροσ γεγονὼσ ἀγανακτήσειέ τε καὶ μεταβάλοιτο· ὅπερ ἐξ ἀρχῆσ αὐτόσ τε καὶ Κάσσιοσ ὑφορώμενοι ἐσ οὐδὲν ἔργον αὐτοῖσ πρόφασιν ἀγανακτήσεωσ ἐπὶ σφίσιν ἐνεδίδουν.

일치하는 문장이 없습니다.

SEARCH

MENU NAVIGATION