헬라어 문장 검색 - Αππιαν́ΤηεΞιϝί4́15́01́

(아피아노스, The Civil Wars, book 4, chapter 15 1:)

Κάσσιοσ δὲ ἐξ οὗ τῶν διατειχισμάτων ἐξέωστο καὶ οὐδὲ ἐσελθεῖν ἔτι εἶχεν ἐσ τὸ στρατόπεδον, ἀνέδραμεν ἐσ τὸν Φιλίππων λόφον καὶ τὰ γιγνόμενα ἐφεώρα. οὐκ ἀκριβῶσ δὲ αὐτὰ διὰ τὸν κονιορτὸν οὐδὲ πάντα ὁρῶν, ἀλλ’ ἢ τὸ στρατόπεδον ἑαυτοῦ μόνον εἰλημμένον, ἐκέλευσε Πινδάρῳ τῷ ὑπασπιστῇ προσπεσεῖν οἱ καὶ διαφθεῖραι. διαμέλλοντοσ δ’ ἔτι τοῦ Πινδάρου προσέθει τισ ἀγγέλλων Βροῦτον ἐπὶ θάτερα νικᾶν καὶ τὸ στρατόπεδον τῶν πολεμίων πορθεῖν. ὁ δὲ τούτῳ μὲν τοσόνδε ἀπεκρίνατο· "νικῴησ, λέγε αὐτῷ, παντελῆ νίκην," ἐσ δὲ τὸν Πίνδαρον ἐπιστραφείσ, "τί βραδύνεισ; ἔφη, "τί τῆσ ἐμῆσ αἰσχύνησ με οὐκ ἀπαλλάσσεισ; Πίνδαροσ μὲν δὴ δεσπότην, ὑπέχοντα τὴν σφαγήν, διεχρήσατο. καί τισιν οὕτωσ ἀποθανεῖν δοκεῖ Κάσσιον. ἕτεροι δὲ αὐτὸν οἰόνται, προσιόντων ἐσ εὐαγγέλιον ἱππέων Βρούτου, νομίσαντα εἶναι πολεμίουσ, πέμψαι τὸ ἀκριβὲσ εἰσόμενον Τιτίνιον· τὸν δὲ τῶν ἱππέων ὡσ Κασσίου φίλον περισχόντων τε σὺν ἡδονῇ καὶ ἐπὶ τῷδε καὶ ἀλαλαξάντων μέγα, τὸν Κάσσιον ἡγούμενον ἐσ ἐχθροὺσ ἐμπεσεῖν Τιτίνιον τοῦτο φάναι· "περιεμένομεν φίλον ἁρπαζόμενον ἰδεῖν," καὶ ἔσ τινα σκηνὴν ὑποχωρῆσαι μετὰ τοῦ Πινδάρου καὶ τὸν Πίνδαρον οὐκέτι φανῆναι. διὸ καὶ νομίζουσί τινεσ οὔπω κεκελευσμένον ἐργάσασθαι. Κασσίῳ μὲν δὴ τέλοσ ἦν τοῦ βίου κατὰ τὴν αὐτοῦ Κασσίου γενέθλιον ἡμέραν, ὧδε τῆσ μάχησ γενέσθαι συμπεσούσησ, καὶ Τιτίνιοσ ὡσ βραδύνασ ἑαυτὸν ἔκτεινε·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 4, chapter 15 1:

(아피아노스, The Civil Wars, book 4, chapter 15 1:)

상위

목록

SEARCH

MENU NAVIGATION