Appian, The Civil Wars, book 4, chapter 12 11:

(아피아노스, The Civil Wars, book 4, chapter 12 11:)

Ἀναβοησάντων δὲ πάντων "ἰώμεν" καὶ εὐθὺσ ἄγειν ἀξιούντων, ἡσθεὶσ ὁ Κάσσιοσ τῇ προθυμίᾳ κατεκήρυξεν αὖθισ σιωπὴν καὶ αὖθισ ἔλεγε· "θεοὶ μέν, ὅσοι πολέμων δικαίων δεσπόται, τῆσ πίστεωσ ὑμᾶσ, ὦ συστρατιῶται, καὶ προθυμίασ ἀμείβοιντο· τὰ δ’ ἐσ ἀνθρωπίνην στρατηγῶν πρόνοιαν ὅτι καὶ πλέονα καὶ ἀμείνονά ἐστιν ἡμῖν ἢ τοῖσ πολεμίοισ, μάθετε οὕτωσ. τέλη μὲν ὁπλιτῶν ἴσα αὐτοῖσ ἀντεπάγομεν, πολλὰ καὶ ἐπὶ τῶν χρειῶν ἄλλα πολλαχοῦ καταλιπόντεσ· ἱππεῦσι δὲ καὶ ναυσὶ πολὺ προύχομεν καὶ συμμάχοισ βασιλεῦσί τε καὶ ἔθνεσι τοῖσ μέχρι Μήδων καὶ Παρθυαίων. καὶ ἡμῖν μὲν ἐκ μετώπου μόνον εἰσὶ πολέμιοι, ἡμεῖσ δ’ αὐτῶν καὶ κατὰ νώτου Πομπήιόν τε ὁμογνώμονα ἡμῖν ἔχομεν ἐν Σικελίᾳ, καὶ Μοῦρκοσ ἐν τῷ Ιὀνίῳ καὶ Αἠνόβαρβοσ στόλῳ πολλῷ καὶ ὑπηρεσίᾳ δαψιλεῖ καὶ δύο τέλεσι στρατοῦ καὶ τοξόταισ αἰεὶ διαπλέοντεσ ἐνοχλοῦσι πολλά, καθαρευούσησ πολεμίων ἡμῖν τῆσ ὄπισθεν γῆσ καὶ θαλάσσησ. χρήματά γε μήν, ἅ τινεσ καλοῦσι νεῦρα πολέμου, τοῖσ μὲν οὐκ ἔστιν, οὐδ’ ἀπέδωκάν πω τὰ ὑπεσχημένα τῷ στρατῷ, οὐδὲ κατὰ δόξαν ἀπήντησε τὰ τῶν προγραφῶν, οὐδενὸσ τῶν ἐπιεικῶν ὠνουμένου χωρία ἐπίφθονα· οὐδ’ ἑτέρωθεν εὐποροῦσι, τετρυμένησ στάσεσι καὶ ἐσφοραῖσ καὶ προγραφαῖσ τῆσ Ἰταλίασ. ἡμῖν δὲ ἐκ πολλῆσ φροντίδοσ καὶ τὰ παρόντα ἐστὶ δαψιλῆ, ὡσ αὐτίκα ὑμῖν ἄλλα χαρίσασθαι, καὶ ἕτερα πολλὰ ἐπὶ τούτοισ ἀπὸ τῶν ὄπισθεν ἐθνῶν προσοδεύεται συμφερόμενα.

일치하는 문장이 없습니다.

SEARCH

MENU NAVIGATION