헬라어 문장 검색 - Αππιαν́ΤηεΞιϝί4́12́07́

(아피아노스, The Civil Wars, book 4, chapter 12 7:)

"Νῦν μὲν γὰρ ὡσ ἔχουσιν, ἴστε. προγράφονται χωρὶσ δίκησ, καὶ τὰ ὄντα αὐτοῖσ δημεύεται, καὶ κτείνονται χωρὶσ καταδίκησ ἐν οἰκίαισ, ἐν στενωποῖσ, ἐν ἱεροῖσ, ὑπὸ στρατιωτῶν, ὑπὸ θεραπόντων, ὑπὸ ἐχθρῶν, ἐκ μυχῶν ἀνασπώμενοι καὶ διωκόμενοι πανταχῇ, τῶν νόμων τὸν ἐθέλοντα φεύγειν ἐώντων. ἐσ δὲ τὴν ἀγοράν, ἐσ ἣν οὐδενὸσ πολεμίου κεφαλήν, ἀλλὰ ὅπλα μόνα καὶ ἔμβολα νεῶν ἐφέρομεν, ὑπάτων ἄρτι καὶ στρατηγῶν καὶ δημάρχων καὶ ἀγορανόμων καὶ ἱππέων κεφαλαὶ πρόκεινται· καὶ γέρα τούτων ἐστὶ τῶν κακῶν ὡρισμένα. τοῦτο γὰρ ἐπανάστασίσ τίσ ἐστι πάντων, ὅσα τέωσ ἦν ὕπουλα, καὶ ἀνδρολήψια αἰφνίδια καὶ μύση ποικίλα γυναικῶν τε καὶ υἱῶν καὶ ἀπελευθέρων καὶ οἰκετῶν. ἐσ τοσοῦτον ἤδη καὶ τοὺσ τρόπουσ ἡ πόλισ ἐπιτέτριπται. καὶ τῶνδε τοῖσ πονηροῖσ ἡγεμόνεσ εἰσὶν οἱ τρεῖσ ἄνδρεσ, αὐτοὶ πρὸ τῶν ἄλλων ἀδελφοὺσ καὶ θείουσ καὶ ἐπιτρόπουσ προγράψαντεσ. λέγεταί ποτε πρὸσ τῶν ἀγριωτάτων βαρβάρων ἡ πόλισ ἁλῶναι· καὶ οὐδενὸσ ἀπέτεμνον οἱ Κελτοὶ κεφαλὰσ οὐδὲ ἐνύβριζον ἀνῃρημένοισ οὐδὲ πολεμοῦσιν ἔτι λαθεῖν ἢ φυγεῖν ἐφθόνουν. οὐδ’ αὐτοί πω πόλιν οὐδεμίαν ὧν δορὶ ἐλάβομεν, τοιαῦτα διεθήκαμεν οὐδὲ ἑτέρουσ ἐπυθόμεθα διαθεῖναι, οἱᾶ νῦν οὐκ ἰδιῶτισ πόλισ, ἀλλ’ ἡγεμονὶσ ἀδικεῖται πρὸσ τῶν αὐτὴν ἁρμόσαι καὶ διορθῶσαι τὰ κοινὰ κεχειροτονημένων. τί τοιοῦτον εἰργάσατο Ταρκύνιοσ; ὃν διὰ μιᾶσ γυναικὸσ ὕβριν, ἐξ ἔρωτοσ γενομένην, βασιλέα τε ὄντα ἐξέβαλον καὶ βασιλεύεσθαι διὰ ἓν ἔργον οὐκέτι ὑπέστησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 4, chapter 12 7:

(아피아노스, The Civil Wars, book 4, chapter 12 7:)

상위

목록

SEARCH

MENU NAVIGATION