헬라어 문장 검색 - Αππιαν́ΤηεΞιϝί4́10́08́

(아피아노스, The Civil Wars, book 4, chapter 10 8:)

Τῷ δ’ αὐτῷ χρόνῳ καὶ Λέντλοσ ἐπιπεμφθεὶσ Ἀνδριάκῃ Μυρέων ἐπινείῳ τήν τε ἅλυσιν ἔρρηξε τοῦ λιμένοσ καὶ ἐσ Μύρα ἀνῄει. Μυρέων δέ, ἃ προσέτασσε, δεχομένων χρηματισάμενοσ ὁμοίωσ ἐσ Βροῦτον ἐπανῄει. καὶ τὸ κοινὸν τὸ Λυκίων ἐσ Βροῦτον ἐπρέσβευε, συμμαχήσειν τε ὑπισχνούμενοι καὶ ἐσοίσειν, ὅσα δύναιντο. ὁ δὲ αὐτοῖσ ἐσφοράσ τε ἐπέβαλε καὶ Ξανθίων τοὺσ ἐλευθέρουσ ἀπεδίδου τῇ πόλει καὶ τὸ ναυτικὸν τὸ Λυκίων ἅμα ταῖσ ἄλλαῖσ ναυσὶν ἐκέλευε περιπλεῖν ἐσ Ἄβυδον, ἔνθα καὶ τὸ πεζὸν αὐτὸσ ἦγε καὶ Κάσσιον ἐξ Ιὠνίασ ἀνέμενεν, ὡσ ἐσ Σηστὸν ὁμοῦ διαβαλοῦντεσ. Μοῦρκοσ δὲ ἐν Πελοποννήσῳ ναυλοχῶν Κλεοπάτραν, ἐπειδὴ ἔμαθεν αὐτὴν ὑπὸ χειμῶνοσ ἀμφὶ τῇ Λιβύῃ βλαβεῖσαν καὶ τὰ ναυάγια εἶδε μέχρι τῆσ Λακωνικῆσ ἐκφερόμενα καὶ σὺν ἀρρωστίᾳ μόλισ αὐτὴν ἐσ τὰ ἑαυτῆσ ἐπανιοῦσαν, ἵνα μὴ δι’ ἀπραξίασ εἰή μετὰ τοσοῦδε στόλου, διέπλευσεν ἐπὶ Βρεντεσίου καὶ ἐσ τὴν ἐπικειμένην τῷ λιμένι νῆσον ὁρμισάμενοσ ἐκώλυε τὴν ὑπόλοιπον τῶν πολεμίων στρατιὰν ἢ ἀγορὰν ἐσ Μακεδονίαν περαιοῦσθαι. καὶ αὐτὸν ὁ Ἀντώνιοσ ἀπεμάχετο ναυσὶ μακραῖσ, ὅσαισ εἶχεν, ὀλίγαισ· ἀπεμάχετο δὲ καὶ πύργοισ, οὓσ ἐπῆγεν ἐπὶ σχεδιῶν, ὅτε τὸν στρατὸν ὁλκάσιν ἐκπέμποι κατὰ μέρη, πνεῦμα ἀπὸ τῆσ γῆσ πολὺ φυλάσσων, ἵνα μὴ καταλαμβάνοιντο ὑπὸ τοῦ Μούρκου. κακοπαθῶν δὲ ἐκάλει Καίσαρα, Πομπηίῳ Σέξστῳ κατὰ Σικελίαν περὶ αὐτῆσ Σικελίασ ναυμαχοῦντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 4, chapter 10 8:

(아피아노스, The Civil Wars, book 4, chapter 10 8:)

상위

목록

SEARCH

MENU NAVIGATION