헬라어 문장 검색 - Αππιαν́ΤηεΞιϝί4́09́

(아피아노스, The Civil Wars, book 4, chapter 9)

Τάρσοσ μὲν δὴ καὶ Λαοδίκεια τοιάδε ἐπεπόνθεσαν, Κάσσιοσ δὲ καὶ Βροῦτοσ συμβολήσαντεσ ἀλλήλοιν, Βρούτῳ μὲν ἐδόκει τὴν στρατιὰν ἁλίσαντε χωρεῖν ἐπὶ τὸ μεῖζον ἔργον ἐσ Μακεδονίαν· τέλη τε γὰρ ἤδη τοῖσ πολεμίοισ ἐσ τεσσαράκοντα εἶναι στρατοῦ καὶ αὐτῶν διεληλυθέναι τὸν Ιὄνιον ὀκτώ· Κασσίῳ δὲ ἐδόκει τῶν μὲν πολεμίων ἔτι περιορᾶν ὡσ τριφθησομένων ἐν σφίσιν ἐξ ἀπορίασ διὰ τὸ πλῆθοσ, Ῥοδίουσ δὲ καὶ Λυκίουσ ἐξελεῖν, εὔνουσ τε ὄντασ ἐκείνοισ καὶ ναυτικὸν ἔχοντασ, ἵνα μὴ κατὰ νώτου σφίσι γίγνωνται παρὰ τὸ ἔργον. ἐπεὶ δὲ ἔδοξεν ὧδε, ἐχώρουν Βροῦτοσ μὲν ἐπὶ Λυκίουσ, Κάσσιοσ δὲ ἐπὶ Ῥοδίουσ, τεθραμμένοσ τε ἐν αὐτῇ καὶ πεπαιδευμένοσ τὰ Ἑλληνικά. ὡσ δὲ κρατίστοισ τὰ ναυτικὰ ἀνδράσι συνοισόμενοσ ἐσ μάχην, τὰσ ἰδίασ ναῦσ ἐπεσκεύαζε καὶ ἀνεπλήρου καὶ ἐγύμναζεν ἐν Μύνδῳ. Ῥοδίων δὲ οἱ μὲν ἐν λόγῳ μᾶλλον ὄντεσ ἐδεδοίκεσαν Ῥωμαίοισ μέλλοντεσ ἐσ χεῖρασ ἰέναι, ὁ δὲ λεὼσ ἐμεγαλοφρονεῖτο, ἐπεί οἱ καὶ παλαιῶν ἔργων πρὸσ οὐχ ὁμοίουσ ἄνδρασ ἐμνημόνευον.

ναῦσ τε καθεῖλκον τὰσ ἀρίστασ σφῶν τρεῖσ καὶ τριάκοντα. καὶ τάδε πράσσοντεσ ἔπεμπόν τινασ ἐσ Μύνδον ὅμωσ, οἳ τὸν Κάσσιον ἠξίουν μήτε Ῥόδου καταφρονεῖν, πόλεωσ ἀμυναμένησ ἀεὶ τοὺσ καταφρονήσαντασ, μήτε συνθηκῶν, αἳ Ῥοδίοισ εἰσὶ καὶ Ῥωμαίοισ, ὅπλα μὴ φέρειν ἐπὶ ἀλλήλουσ· εἰ δέ τι περὶ συμμαχίασ ἐπιμέμφοιτο, ἐθέλειν παρὰ τῆσ Ῥωμαίων βουλῆσ πυθέσθαι, καὶ κελευούσησ ἔφασαν συμμαχήσειν. Οἱ μὲν δὴ τοιάδε μάλιστα ἔλεγον, ὁ δὲ τὰ μὲν ἄλλα τὸν πόλεμον ἀντὶ λόγων ἔφη κρινεῖν, τὰσ δὲ συνθήκασ κελεύειν ὅπλα μὴ φέρειν ἐπ’ ἀλλήλουσ, καὶ ἐπενηνοχέναι Ῥοδίουσ Κασσίῳ, Δολοβέλλᾳ συμμαχοῦντασ, κελεύειν δὲ ἀλλήλοισ συμμαχεῖν, Κασσίῳ δὲ δεομένῳ εἰρωνεύεσθαι τὰ περὶ τῆσ Ῥωμαίων βουλῆσ, φευγούσησ καὶ ἁλωμένησ ἐν τῷ παρόντι διὰ τοὺσ ἐν ἄστει τυράννουσ, οἳ δώσουσι μὲν αὐτοὶ δίκασ, δώσουσι δὲ καὶ Ῥόδιοι τὰ ἐκείνων προτιμῶντεσ, ἢν μὴ θᾶσσον ἀνέχωνται τῶν κελευομένων. ὧδε μὲν ὁ Κάσσιοσ αὐτοὺσ ἠμείψατο, καὶ οἱ εὖ φρονοῦντεσ Ῥοδίων μᾶλλον ἐδεδοίκεσαν· τὸ δὲ πλῆθοσ ἐδημαγώγουν Ἀλέξανδρόσ τε καὶ Μνασέασ ἀναμιμνήσκοντεσ, ὅτι καὶ Μιθριδάτησ πλέοσι ναυσὶν ἐπιπλεύσειε τῇ Ῥόδῳ καὶ Δημήτριοσ ἔτι πρὸ τοῦ Μιθριδάτου. Οἱ μὲν δὴ τὸν Ἀλέξανδρον ἐκ τούτων εἵλοντο σφίσι πρυτανεύειν, ἥπερ ἐστὶν ἀρχὴ παρ’ αὐτοῖσ μάλιστα αὐτοκράτωρ, καὶ ναυαρχεῖν Μνασέαν, ἔπεμπον δ’ ὅμωσ ἐσ τὸν Κάσσιον ἔτι πρεσβευτὴν Ἀρχέλαον, ὃσ ἐν Ῥόδῳ τὰ Ἑλληνικὰ διδάσκαλοσ γεγένητο τῷ Κασσίῳ, δεησόμενον ἤδη τόνδε τοῦ Κασσίου λιπαρέστερον· καὶ ἐδεῖτο, τῆσ δεξιᾶσ λαβόμενοσ, ὡσ γνωρίμου.

"μὴ πόλιν ἀναστήσῃσ Ἑλληνίδα φιλέλλην ἀνήρ, μὴ Ῥόδον φιλελεύθεροσ ἀνήρ· μηδὲ αἰσχύνῃσ ἀξίωμα Δώριον, οὐχ ἡσσημένον, ἐξ οὗ γεγόναμεν, μηδὲ ἐκλάθῃ καλῆσ ἱστορίασ ἧσ ἔμαθεσ ἐν Ῥόδῳ τε καὶ ἐν Ῥώμῃ, ἐν Ῥόδῳ μέν, ὅσα Ῥόδιοι κατὰ πόλεισ καὶ πρὸσ βασιλέασ, ἄλλουσ τε καὶ τοὺσ μάλιστα ἀμάχουσ δόξαντασ εἶναι, Δημήτριον καὶ Μιθριδάτην, ὑπὲρ ἐλευθερίασ ἔπραξαν, ὑπὲρ ἧσ δὴ καὶ σὺ φῂσ τάδε κάμνειν· ἐν Ῥώμῃ δέ, ὅσα ὑμῖν αὐτοῖσ καθ’ ἑτέρων καὶ κατ’ Ἀντιόχου τοῦ μεγάλου συνεμαχήσαμεν, ὧν εἰσὶν ὑπὲρ ἡμῶν ἀνάγραπτοι στῆλαι παρ’ ὑμῖν. "Τάδε μὲν δὴ καὶ γένουσ ἕνεκα καὶ ἀξιώσεωσ ἡμῶν καὶ τύχησ ἐσ τὸ νῦν ἀδουλώτου καὶ συμμαχίασ καὶ προαιρέσεωσ ἐσ ὑμᾶσ, ὦ Ῥωμαῖοι, λελέχθω· πρὸσ σὲ δέ, ὦ Κάσσιε, καὶ αἰδώσ τισ ἔστιν ἐξαίρετοσ ἔσ τε τὴν πόλιν καὶ τὴν ἐν αὐτῇ τροφήν τέ σου καὶ παίδευσιν καὶ διατριβὴν καὶ ἑστίαν, ἣν ᾤκησασ, καὶ τοὐμὸν διδασκαλεῖον αὐτὸ καὶ ἐμέ, ἐλπίσαντα μὲν ἐσ ἕτερα τούτοισ ποτὲ ἐναβρυνεῖσθαι, νῦν δὲ ὑπὲρ τῆσ πατρίδοσ αὐτὰ δαπανῶντα, ἵνα μηδ’ αὐτή σοι πολεμεῖν ἀναγκάζηται πεπαιδευμένῳ τε ὑφ’ αὑτῆσ καὶ τεθραμμένῳ μηδὲ γένηται δυοῖν ὑπ’ ἀνάγκησ θάτερον, ἢ Ῥοδίουσ ἀποθανεῖν πάντωσ ἢ Κάσσιον ἡσσᾶσθαι.

συμβουλεύω δὲ ἐπὶ τῇ παρακλήσει, τοιῶνδέ σε ὑπὲρ τῆσ Ῥωμαίων πολιτείασ ἁπτόμενον ἔργων θεοὺσ ἡγεμόνασ αἰεὶ ποιεῖσθαι παντὸσ ἔργου. θεοὺσ δ’ ὠμόσατε, ὅτε ἡμῖν ἔναγχοσ διὰ Γαϊού Καίσαροσ συνετίθεσθε καὶ σπονδὰσ ἐπὶ τοῖσ ὁρ́κοισ ἐσπένδετε καὶ δεξιὰσ ἐτίθεσθε, αἳ καὶ παρὰ πολεμίοισ ἰσχύουσιν, οὐ παρὰ φίλοισ καὶ τροφεῦσιν; φείδου δὲ ἐπὶ τοῖσ θεοῖσ καὶ δόξησ τῆσ κατὰ ἀνθρώπουσ· ὡσ οὐδέν ἐστι συνθηκῶν παραβάσεωσ μᾶλλον, ὃ τοὺσ ἁμαρτάνοντασ ἀπίστουσ ἐσ ἅπαντα ποιεῖ καὶ φίλοισ καὶ πολεμίοισ. Ταῦτ’ εἰπὼν ὁ πρεσβύτησ οὐ μεθίετο τῆσ χειρόσ, ἀλλ’ ἐπεδάκρυεν αὐτῇ, ὡσ ἐρυθριᾶσαι μὲν ἐπὶ τῷ σχήματι τὸν Κάσσιον καὶ παθεῖν τι ὑπὸ αἰδοῦσ, ὑφελόντα δὲ ὅμωσ εἰπεῖν·

"εἰ μὲν οὐ συνεβούλευσασ Ῥοδίοισ μὴ ἀδικεῖν με, σύ με ἠδίκεισ· εἰ δὲ διδάσκων οὐκ ἔπεισασ, ἀμυνῶ σοι. ἠδικούμην δὲ δή που σαφῶσ τὸ μὲν πρῶτον ἀδίκημα συμμαχίαν αἰτῶν καὶ παρορώμενοσ ὑπὸ τῶν παιδευσάντων καὶ θρεψάντων, τὸ δὲ ἑξῆσ προτιμώντων μου Δολοβέλλαν, ὃν οὐκ ἐπαίδευσαν οὐδὲ ἀνέθρεψαν, τὸ δὲ ἀνιαρότερον, ἐμοῦ μὲν καὶ Βρούτου καὶ ὅσων ὁρᾶτε ἀπὸ τῆσ βουλῆσ ἀρίστων ἀνδρῶν φευγόντων τυραννίδα καὶ τὴν πατρίδα ἐλευθερούντων, ὦ Ῥόδιοι φιλελεύθεροι, Δολοβέλλα δὲ αὐτὴν καταδουλοῦντοσ ἑτέροισ, οἷσ δὴ καὶ ὑμεῖσ εὔνωσ ἔχοντεσ ὑποκρίνεσθε ἐξίστασθαι τοῖσ ἐμφυλίοισ ἡμῶν. ἔστι δὲ ἐμφύλια μέν, εἰ καὶ ἡμεῖσ δυναστείασ ὠρεγόμεθα, πόλεμοσ δὲ σαφὴσ τὸ γιγνόμενόν ἐστι δημοκρατίασ πρὸσ μοναρχίαν. καὶ δημοκρατίαν ἀβοήθητον καταλείπετε οἱ παρακαλοῦντεσ ὑπὲρ αὐτονομίασ· φιλίαν τε Ῥωμαίοισ προφέροντεσ οὐκ ἐλεεῖτε ἀκρίτουσ ἐπὶ θανάτῳ καὶ δημεύσει προγραφομένουσ, ἀλλ’ ὑποκρίνεσθε πεύσεσθαι τῆσ βουλῆσ τῆσ ταῦτα πασχούσησ καὶ οὐδὲ ἀμύνειν ἑαυτῇ πω δυναμένησ. ἡ δ’ ὑμῖν ἤδη προαπεκρίνατο, ἐν οἷσ ἐψηφίσατο τοὺσ ἀμφὶ τὴν ἑώ πάντασ ἀμύνειν ἐμοί τε καὶ Βρούτῳ. Σὺ δέ, εἰ μέν ποτε ἡμῖν περικτωμένοισ τι συνεπράξατε, ὧν εὐεργεσίασ καὶ μισθοὺσ ἀντικεκόμισθέ που, καταλογίζῃ, ὅτι δὲ ἡμῖν ἐσ τὴν ἐλευθερίαν καὶ σωτηρίαν ἀδικουμένοισ οὐ συμμαχεῖτε, ἐπιλανθάνῃ·

οὓσ εἰκὸσ ἦν, εἰ καὶ μηδὲν ἡμῖν ἐσ ἀλλήλουσ ὑπῆρχεν, ἀλλὰ νῦν ἄρχειν ἐθελοντὰσ ὑπερμαχῆσαι τῆσ Ῥωμαίων δημοκρατίασ, Δωριέασ ὄντασ. οἳ δ’ ἀντὶ τοιούτων ἔργων καὶ λογισμῶν συνθήκασ ἡμῖν προφέρετε, γενομένασ μὲν ὑμῖν καὶ τάσδε πρὸσ Γάιον Καίσαρα, τῆσδε τῆσ μοναρχίασ ἡγεμόνα· λέγουσι δ’ ὅμωσ αἱ συνθῆκαι Ῥωμαίουσ καὶ Ῥοδίουσ ἐν ταῖσ χρείαισ ἀλλήλοισ ἀμύνειν. ἀμύνατε οὖν ἐσ τὰ μέγιστα κινδυνεύουσι Ῥωμαίοισ. Κάσσιοσ ὑμῖν ἐστιν ὁ τὰσ συνθήκασ τάσδε προφέρων καὶ ἐπὶ συμμαχίαν καλῶν, Ῥωμαῖοσ ἀνὴρ καὶ Ῥωμαίων στρατηγόσ, ὥσ φησι τὸ ψήφισμα τῆσ βουλῆσ, ἐν ᾧ πάντασ ὑπακούειν ἡμῖν ἔταξε τοὺσ τοῦ Ιὀνίου πέραν. τὰ δ’ αὐτὰ καὶ Βροῦτοσ ὑμῖν προτείνει ψηφίσματα καὶ Πομπήιοσ, τὴν θάλασσαν ὑπὸ τῆσ βουλῆσ ἐπιτετραμμένοσ, τὰσ δ’ ἱκετείασ ἐπὶ τοῖσ ψηφίσμασι καὶ οἵδε πάντεσ, ὅσοι φεύγουσιν ἀπὸ τῆσ βουλῆσ, οἱ μὲν ἐσ ἐμὲ καὶ Βροῦτον, οἱ δ’ ἐσ Πομπήιον. ἔστι δὲ δή που τὸ συγκείμενον, Ῥωμαίοισ Ῥοδίουσ βοηθεῖν, κἂν καθ’ ἕνα χρῄζωσιν. εἰ δὲ οὔτε στρατηγοὺσ ἡμᾶσ οὔτε Ῥωμαίουσ ἔτι, ἀλλὰ φυγάδασ ἢ ξένουσ ἢ κατακρίτουσ, ὡσ οἱ προγράψαντεσ λέγουσιν, ἡγεῖσθε, οὐ πρὸσ ἡμᾶσ ἐστιν ὑμῖν ἔτι, ἀλλὰ πρὸσ Ῥωμαίουσ, ὦ Ῥόδιοι, τὰ συγκείμενα· ἡμεῖσ δὲ ξένοι καὶ ἀλλότριοι τῶν συνθηκῶν ὄντεσ πολεμήσομεν ὑμῖν, ἢν μὴ ἐσ πάντα κατακούητε. " Τοιαῦτα μὲν ὁ Κάσσιοσ ἐπειρωνευσάμενοσ τὸν Ἀρχέλαον ἀπέλυεν, Ἀλέξανδροσ δὲ καὶ Μνασέασ, οἱ Ῥοδίων ἡγούμενοι, ταῖσ τριάκοντα καὶ τρισὶ ναυσὶν ἀνήγοντο ἐπὶ Κάσσιον ἐσ Μύνδον ὡσ προκαταπλήξοντεσ τῷ ἐπίπλῳ· καί τί που καὶ κούφωσ εἶχον ἐλπίδοσ, ὅτι καὶ Μιθριδάτῃ ἐσ Μύνδον ἐπιπλεύσαντεσ ἐδόκουν ἐσ τὸ τοῦ πολέμου τέλοσ εὐτυχῆσαι.

εἰρεσίᾳ δὲ ἐσ ἐπίδειξιν χρώμενοι τήν τε πρώτην ἡμέραν ηὐλίσαντο ἐν Κνίδῳ καὶ τῆσ ἐπιούσησ ἐπεφαίνοντο τοῖσ ἀμφὶ τὸν Κάσσιον ἐκ τοῦ πελάγουσ. οἱ δὲ θαυμάσαντεσ ἀντανήγοντο, καὶ τὸ ἔργον ἦν ἑκατέρωθεν ἰσχύοσ τε καὶ δυνάμεωσ· Ῥόδιοι μὲν γὰρ ναυσὶ κούφαισ διεξέπλεόν τε τοὺσ πολεμίουσ ὀξέωσ καὶ περιέπλεον καὶ ἐπανόδοισ ἐχρῶντο, Ῥωμαῖοι δὲ ἐπὶ νεῶν βαρυτέρων, ὅτε συμπλακεῖεν, ἀπὸ βαρυτέρασ ῥύμησ ἐπεβάρουν ὥσπερ ἐν πεζομαχίᾳ. τοῦ δὲ Κασσίου πλήθει νεῶν τὰσ πολεμίασ περιλαβόντοσ, οἱ μὲν Ῥόδιοι περιπλεῖν ἔτι καὶ διεκπλεῖν οὐκ ἐδύναντο, ἐμβάλλουσι δ’ αὐτοῖσ μόνον ἐκ τοῦ μετώπου καὶ ἀναχωροῦσιν ἡ μὲν ἐμπειρία διέφθαρτο ὑπὸ τῆσ στενοχωρίασ κεκυκλευμένοισ, αἱ δὲ ἐμβολαὶ καὶ ἀποσιμώσεισ ἐσ βαρυτέρασ τὰσ Ῥωμαίων ναῦσ ἀσθενεῖσ ἐγίγνοντο, Ῥωμαίοισ δ’ ἦσαν ἐσ κουφοτέρασ εὔτονοι, μέχρι Ῥόδιαι μὲν τρεῖσ αὐτοῖσ ἀνδράσιν ἐλήφθησαν καὶ δύο ἀνερράγησάν τε καὶ κατέδυσαν καὶ αἱ λοιπαὶ βεβλαμμέναι διέφυγον ἐσ τὴν Ῥόδον, αἱ δὲ Ῥωμαίων ἅπασαι μὲν ἐπανῆλθον ἐσ Μύνδον, ἐπεσκευάζοντο δὲ καὶ τούτων αἱ πλέονεσ βλαβεῖσαι. Τοῦτο μὲν δὴ τῆσ ἐν Μύνδῳ Ῥωμαίων τε καὶ Ῥοδίων ναυμαχίασ τέλοσ ἦν, καὶ αὐτὴν γιγνομένην ὁ Κάσσιοσ ἀπὸ ὄρουσ καθεώρα·

καὶ τάδε Ῥοδίων οἱ συνετώτεροι καθεώρων, καὶ Φάννιοσ αὐτοῖσ καὶ Λέντλοσ διελέγοντο. ὡσ δὲ ἐπεσκεύασε τὰ σκάφη, διέπλευσεν ἐσ Λώρυμα, Ῥοδίων τι φρούριον ἐν τῇ περαίᾳ, καὶ τὸ πεζὸν ἐσ τὴν Ῥόδον διεβίβαζεν ἐπὶ ὁλκάδων ὑπὸ Φαννίῳ τε καὶ Λέντλῳ. αὐτὸσ δὲ ἐπέπλει ταῖσ ὀγδοήκοντα ναυσὶν ἐσκευασμέναισ ἐσ τὸ φοβερώτατον καὶ περιστήσασ τῇ Ῥόδῳ τὸ πεζὸν ὁμοῦ καὶ τὸ ναυτικὸν ἡσύχαζεν ὡσ ἐνδωσόντων τι τῶν πολεμίων. οἱ δὲ ἐπανήχθησαν μὲν αὖθισ εὐθαρσῶσ, δύο δὲ καὶ τότε ναῦσ ἀποβαλόντεσ συνεκλείσθησαν. καὶ ἀναδραμόντεσ ἐπὶ τὰ τείχη πάντα τε ὅπλων ἐπλήρουν καὶ ἀπεμάχοντο ὁμοῦ τοὺσ περὶ τὸν Φάννιον ἀπὸ τῆσ γῆσ ἐνοχλοῦντασ καὶ τὸν Κάσσιον τοῖσ πρὸσ θαλάσσῃ τείχεσι τὸ ναυτικὸν οὐκ ἀνέτοιμον ἐσ τειχομαχίαν ἐπαγαγόντα· ἐλπίζων γάρ τι τοιοῦτον ἐπεφέρετο πύργουσ ἐπτυγμένουσ, οἳ τότε ἀνίσταντο. Ῥόδοσ μὲν δὴ δύο πείραισ καμοῦσα ἔκ τε γῆσ καὶ θαλάσσησ ἐπολιορκεῖτο· καὶ οὐδέν, ὡσ ἐν ἔργῳ ταχεῖ καὶ ἀδοκήτῳ, παρεσκεύαστο αὐτοῖσ ἐσ πολιορκίαν. ὅθεν ἦν εὔδηλον ἁλώσεσθαι τάχιστα τὴν πόλιν ἢ χερσὶν ἢ λιμῷ· Γιγνομένων δ’ ἔτι τούτων ἄφνω Κάσσιοσ ἦν ἐν μέσῃ τῇ πόλει μετ’ ἐπιλέκτου στρατοῦ, βίασ μὲν οὐδεμιᾶσ φανείσησ οὐδὲ κλιμάκων ἔργου.

εἴκαζον δὲ οἱ πολλοί, καὶ δοκεῖ γενέσθαι, τοὺσ χαρίεντασ αὐτῷ τῶν πολιτῶν ὑπανοῖξαι πυλίδασ ἐλέῳ τῆσ πόλεωσ καὶ προμηθείᾳ τροφῶν. Ὧδε μὲν ἑαλώκει Ῥόδοσ, καὶ Κάσσιοσ ἐν αὐτῇ προυκάθητο ἐπὶ βήματοσ καὶ δόρυ τῷ βήματι παρεστήσατο ὡσ ἐπὶ δοριαλώτῳ. ἀτρεμεῖν τε κελεύσασ τὸν στρατὸν ἀκριβῶσ καὶ θάνατον ἐπικηρύξασ, εἴ τισ ἁρπάσειεν ἢ βιάσαιτό τι, αὐτὸσ ἐξ ὀνόματοσ ἐκάλει Ῥοδίων ἐσ πεντήκοντα ἄνδρασ καὶ ἀχθέντασ ἐκόλαζε θανάτῳ· ἑτέροισ δέ, ἀμφὶ τοὺσ πέντε καὶ εἴκοσιν, οὐχ εὑρεθεῖσι φυγὴν ἐπέταττεν. χρήματα δὲ ὅσα ἦν ἢ χρυσὸσ ἢ ἄργυροσ ἐν ἱεροῖσ τε καὶ δημοσίοισ, πάντα συλήσασ ἐκέλευσε καὶ τὸν ἰδιωτικὸν ἐκφέρειν τοὺσ κεκτημένουσ εἰσ ἡμέραν ῥητήν· καὶ ἐπεκήρυξε τοῖσ μὲν ἐπικρύψασι θάνατον, τοῖσ δὲ μηνύσασι δεκάτην, δούλοισ δὲ καὶ ἐλευθερίαν. οἱ δ’ ἐν μὲν ἀρχῇ πολλοὶ συνέκρυψαν, οὐκ ἐσ τέλοσ ἐλπίζοντεσ ἀφίξεσθαι τὴν ἀπειλήν· διδομένων δὲ τῶν γερῶν καὶ κολαζομένων τῶν μηνυομένων ἔδεισάν τε καὶ προσθεσμίαν ἑτέραν λαβόντεσ οἱ μὲν ἐκ γῆσ ἀνώρυσσον, οἱ δὲ ἐκ φρεάτων ἀνίμων, οἱ δὲ ἐξέφερον ἐκ τάφων πολὺ πλέονα τῶν προτέρων. Αἱ μὲν δὴ Ῥοδίων συμφοραὶ τοιαίδε ἦσαν, καὶ Λεύκιοσ Οὐᾶροσ αὐτοῖσ μετὰ φρουρᾶσ ὑπελέλειπτο·

ὁ δὲ Κάσσιοσ ἡδόμενοσ τῇ ταχυεργίᾳ τῆσ ἁλώσεωσ καὶ τῷ πλήθει τῶν χρημάτων ἐπέταττεν ὅμωσ καὶ τοῖσ ἄλλοισ ἔθνεσι τῆσ Ἀσίασ ἅπασι φόρουσ ἐτῶν δέκα συμφέρειν. καὶ οἱ μὲν ἐπράσσοντο συντόνωσ, ἐξαγγέλλεται δὲ αὐτῷ Κλεοπάτρα μέλλουσα διαπλεῖν μεγάλῳ στόλῳ καὶ παρασκευῇ βαρυτάτῃ πρὸσ Καίσαρά τε καὶ Ἀντώνιον· τὰ γὰρ ἐκείνων αἱρουμένη καὶ τέωσ διὰ τὸν πρότερον Καίσαρα, τότε μᾶλλον ᾑρεῖτο διὰ τὸν ἐκ Κασσίου φόβον. ὁ δὲ Μοῦρκον μετά τε ὁπλιτῶν ἀρίστου τέλουσ καὶ τοξοτῶν τινων ἐπὶ νεῶν ἑξήκοντα καταφράκτων ἐσ Πελοπόννησον ἔπεμπε ναυλοχεῖν περὶ Ταίναρον, . . . περισυράμενοσ ἐκ τῆσ Πελοποννήσου λείαν, ὅσην ἔφθασε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 4, chapter 9

(아피아노스, The Civil Wars, book 4, chapter 9)

상위

목록

SEARCH

MENU NAVIGATION