Appian, The Civil Wars, book 4, chapter 9 9:

(아피아노스, The Civil Wars, book 4, chapter 9 9:)

Γιγνομένων δ’ ἔτι τούτων ἄφνω Κάσσιοσ ἦν ἐν μέσῃ τῇ πόλει μετ’ ἐπιλέκτου στρατοῦ, βίασ μὲν οὐδεμιᾶσ φανείσησ οὐδὲ κλιμάκων ἔργου. εἴκαζον δὲ οἱ πολλοί, καὶ δοκεῖ γενέσθαι, τοὺσ χαρίεντασ αὐτῷ τῶν πολιτῶν ὑπανοῖξαι πυλίδασ ἐλέῳ τῆσ πόλεωσ καὶ προμηθείᾳ τροφῶν. Ὧδε μὲν ἑαλώκει Ῥόδοσ, καὶ Κάσσιοσ ἐν αὐτῇ προυκάθητο ἐπὶ βήματοσ καὶ δόρυ τῷ βήματι παρεστήσατο ὡσ ἐπὶ δοριαλώτῳ. ἀτρεμεῖν τε κελεύσασ τὸν στρατὸν ἀκριβῶσ καὶ θάνατον ἐπικηρύξασ, εἴ τισ ἁρπάσειεν ἢ βιάσαιτό τι, αὐτὸσ ἐξ ὀνόματοσ ἐκάλει Ῥοδίων ἐσ πεντήκοντα ἄνδρασ καὶ ἀχθέντασ ἐκόλαζε θανάτῳ· ἑτέροισ δέ, ἀμφὶ τοὺσ πέντε καὶ εἴκοσιν, οὐχ εὑρεθεῖσι φυγὴν ἐπέταττεν. χρήματα δὲ ὅσα ἦν ἢ χρυσὸσ ἢ ἄργυροσ ἐν ἱεροῖσ τε καὶ δημοσίοισ, πάντα συλήσασ ἐκέλευσε καὶ τὸν ἰδιωτικὸν ἐκφέρειν τοὺσ κεκτημένουσ εἰσ ἡμέραν ῥητήν· καὶ ἐπεκήρυξε τοῖσ μὲν ἐπικρύψασι θάνατον, τοῖσ δὲ μηνύσασι δεκάτην, δούλοισ δὲ καὶ ἐλευθερίαν. οἱ δ’ ἐν μὲν ἀρχῇ πολλοὶ συνέκρυψαν, οὐκ ἐσ τέλοσ ἐλπίζοντεσ ἀφίξεσθαι τὴν ἀπειλήν· διδομένων δὲ τῶν γερῶν καὶ κολαζομένων τῶν μηνυομένων ἔδεισάν τε καὶ προσθεσμίαν ἑτέραν λαβόντεσ οἱ μὲν ἐκ γῆσ ἀνώρυσσον, οἱ δὲ ἐκ φρεάτων ἀνίμων, οἱ δὲ ἐξέφερον ἐκ τάφων πολὺ πλέονα τῶν προτέρων.

일치하는 문장이 없습니다.

SEARCH

MENU NAVIGATION