호흡부호 보기
강세부호 보기
장단부호 보기
작은 Iota 보기
모든 부호 보기
Θαρρήσασ οὖν ὁ Σέξστιοσ ἐξῄει τῆσ πολιορκίασ ἐσ μάχην καὶ πεσόντοσ τοῦ Οὐεντιδίου καὶ τοῦ στρατοῦ φεύγοντοσ ὑπ’ ἀναρχίασ, εἵπετο κτείνων τε καὶ ζωγρῶν. καὶ τάδε μαθὼν ὁ Λαίλιοσ διέλυε τὴν τῆσ Κίρτησ πολιορκίαν καὶ ἐχώρει πρὸσ τὸν Κορνιφίκιον. ὁ δὲ Σέξστιοσ ἐπαιρόμενοσ τοῖσ γεγονόσιν ἐπ’ αὐτὸν ἤδη τὸν Κορνιφίκιον ἐσ Ἰτύκην ᾔει καὶ ἀντεστρατοπέδευε μετὰ πλειόνων ὄντι. Λαίλιον δὲ τοῦ Κορνιφικίου μετὰ τῶν ἱππέων πέμψαντοσ ἔσ τινα κατάσκεψιν, ὁ Σέξστιοσ Ἀραβίωνα ἔπεμψεν ἱππομαχεῖν τῷ Λαιλίῳ κατὰ μέτωπον καὶ αὐτὸσ ᾔει μετὰ τῶν εὐζώνων ἐσ τὰ πλάγια τῆσ ἱππομαχίασ καὶ ἐμβαλὼν ἐθορύβει, μέχρι τὸν Λαίλιον οὐχ ἡσσημένον πω δεῖσαι περὶ τῆσ ἀναχωρήσεωσ, μὴ ἀποκλεισθείη, καὶ λόφον ἐν μέσῳ καταλαβεῖν, Ἀραβίωνα δὲ ἀρτώμενον αὐτοῦ κτεῖναί τε πολλοὺσ καὶ τὸν λόφον περικυκλῶσαι. ὁρῶν δὲ ταῦτα ὁ Κορνιφίκιοσ ἐξῄει τῷ πλέονι στρατῷ, βοηθήσων τῷ Λαιλίῳ· καὶ τοῦδε μὲν ὁ Σέξστιοσ ὄπισθεν γενόμενοσ ἐξήπτετο συντρέχων, καὶ αὐτὸν ἐπιστρεφόμενοσ ὁ Κορνιφίκιοσ ἀπεμάχετο μάλα κακοπαθῶσ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기