Appian, The Civil Wars, book 4, chapter 6 16:

(아피아노스, The Civil Wars, book 4, chapter 6 16:)

Κικέρων δὲ ὁ Κικέρωνοσ προαπέσταλτο μὲν ὑπὸ τοῦ πατρὸσ ἐσ τὴν Ἑλλάδα, τοιάδε ἔσεσθαι προσδοκῶντοσ· ἀπὸ δὲ τῆσ Ἑλλάδοσ ἐσ Βροῦτον καὶ μετὰ Βροῦτον ἀποθανόντα ἐσ Πομπήιον ἐλθὼν τιμῆσ παρ’ ἑκατέρῳ καὶ στρατηγίασ ἠξιοῦτο. ἐπὶ δὲ ἐκείνοισ αὐτὸν ὁ Καῖσαρ ἐσ ἀπολογίαν τῆσ Κικέρωνοσ ἐκδόσεωσ ἱερέα τε εὐθὺσ ἀπέφηνε καὶ ὕπατον οὐ πολὺ ὕστερον καὶ Συρίασ στρατηγόν· καὶ τὴν Ἀντωνίου περὶ Ἄκτιον συμφορὰν ἐπισταλεῖσαν ὑπὸ τοῦ Καίσαροσ ὁ Κικέρων ὅδε ὑπατεύων ἀνέγνω τε τῷ δήμῳ καὶ προύθηκεν ἐπὶ τοῦ βήματοσ, ἔνθα πρότερον ἡ τοῦ πατρὸσ αὐτοῦ προύκειτο κεφαλή. Ἄππιοσ δὲ διένειμε τοῖσ θεράπουσιν τὰ ὄντα καὶ μετ’ αὐτῶν ἐσ Σικελίαν ἔπλει. χειμῶνοσ δὲ ἐπιλαβόντοσ ἐπιβουλεύοντεσ οἱ θεράποντεσ τοῖσ χρήμασιν ἐσ σκάφοσ ἐνέθεντο τὸν Ἄππιον, ὡσ ἐσ ἀσφαλεστέραν ἐλπίδα μεταφέροντεσ. καὶ συνέβη τῷ μὲν ἐκ παραλόγου διαπλεῦσαι, τοῖσ δὲ ἀπολέσθαι τῆσ νεὼσ διαλυθείσησ. Πούπλιοσ δὲ ὁ ταμίασ Βρούτου, τῶν ἀμφὶ τὸν Ἀντώνιον αὐτὸν πειθόντων προδοῦναι Βροῦτον οὐκ ἀνασχόμενοσ, διὰ τόδε καὶ προεγράφη. καὶ κατήχθη καὶ Καίσαρι φίλοσ ἐγίγνετο καὶ ἐπιόντι ποτὲ τῷ Καίσαρι προύθηκεν εἰκόνασ Βρούτου καὶ ἐπῃνέθη καὶ ἐπὶ τῷδε ὑπὸ τοῦ Καίσαροσ.

일치하는 문장이 없습니다.

SEARCH

MENU NAVIGATION