Appian, The Civil Wars, book 4, chapter 4 11:

(아피아노스, The Civil Wars, book 4, chapter 4 11:)

Λεύκιοσ δὲ ὁ Ἀσινίου τοῦ ὑπατεύοντοσ τότε πενθερόσ, φεύγων διὰ θαλάσσησ, οὐ φέρων τοῦ χειμῶνοσ τὴν ἀηδίαν ἔρριψεν ἑαυτὸν εἰσ τὸ πέλαγοσ. Καισέννιον δὲ οἱ διώκοντεσ, ὑποφεύγοντά τε καὶ βοῶντα οὐ προγεγράφθαι, ἀλλὰ διὰ τὰ χρήματα ἐπιβουλεύεσθαι πρὸσ αὐτῶν, ἐπὶ τὸν πίνακα ἀγαγόντεσ ἀναγινώσκειν ἑαυτοῦ τὸ ὄνομα ἐκέλευον καὶ ἀναγινώσκοντα ἔκτειναν. Αἰμίλιοσ δὲ ἀγνοῶν, ὅτι προγέγραπται, διωκόμενον ἄλλον ἰδὼν ἤρετο τὸν λοχαγὸν τὸν διώκοντα, τίσ ὁ προγεγραμμένοσ εἰή· καὶ ὁ λοχαγὸσ τὸν Αἰμίλιον γνωρίσασ "σὺ κἀκεῖνοσ" εἶπε καὶ τοὺσ δύο ἀπέκτεινε. Κίλλων δὲ ἐκ τοῦ βουλευτηρίου προϊὼν καὶ Δέκιοσ, ἐπεὶ τοῖσ πίναξιν ἐπύθοντο σφῶν τὰ ὀνόματα προσγεγράφθαι, οὔπω τινὸσ ἐπιόντοσ αὐτοῖσ, ἔφευγον ἀκόσμωσ διὰ πυλῶν, καὶ αὐτοὺσ τοῖσ ἀπαντῶσι τῶν λοχαγῶν αὐτὸσ ὁ δρόμοσ ἐμήνυσεν. Ἰκέλιοσ δέ, ὃσ ἐπὶ Βρούτῳ τε καὶ Κασσίῳ δικάζων, Καίσαροσ τοῖσ δικαστηρίοισ μετὰ στρατιᾶσ ἐφεστῶτοσ καὶ τῶν ἄλλων δικαστῶν κρύφα τὴν καταδικάζουσαν φερόντων, μόνοσ τὴν ἀπολύουσαν ἤνεγκε φανερῶσ, ἐκλαθόμενοσ τῆσ μεγαλόφρονοσ ἐλευθεριότητοσ, νεκρὸν σῶμα ἐκκομιζόμενον ὑποστὰσ τοῖσ φέρουσι συνεβάσταζε τὸ λέχοσ. ἰδόντων δὲ τῶν φρουρούντων τὰσ πύλασ, ὅτι πλεονάζουσιν οἱ νεκροφόροι παρὰ τὸ σύνηθεσ ἑνὶ ἀνδρί, καὶ τοὺσ μὲν φέροντασ οὐχ ὑπονοούντων, τὸ δὲ λέχοσ ἐρευνωμένων, μὴ νεκρόν τισ ὑποκρίνοιτο, οἱ νεκροφόροι τὸν Ἰκέλιον ἤλεγχον οὐχ ὁμότεχνον σφίσιν ὄντα, ἐπιγνωσθέντα τε οἱ σφαγεῖσ ἀπέκτειναν.

일치하는 문장이 없습니다.

SEARCH

MENU NAVIGATION