Appian, The Civil Wars, book 4, chapter 3 5:

(아피아노스, The Civil Wars, book 4, chapter 3 5:)

Καὶ τάδε ἐγίγνετο οὐκ ἐν ἰδιώτιδι πόλει οὐδὲ ἐν ἀσθενεῖ καὶ σμικρῷ βασιλείῳ, ἀλλὰ τὴν δυνατωτάτην καὶ τοσούτων ἐθνῶν καὶ γῆσ καὶ θαλάσσησ ἡγεμονίδα διέσειεν ὁ θεόσ, ἐκ πολλοῦ ἄρα ἐσ τὴν νῦν καθιστάμενοσ εὐταξίαν. ἐγένετο μὲν οὖν τοιάδε ἕτερα ἐν αὐτῇ κατά τε Σύλλαν καὶ ἔτι πρὸ ἐκείνου Γάιον Μάριον, ὧν ὁμοίωσ τὰ γνωριμώτατα τῶν κακῶν ἐν τοῖσ περὶ ἐκείνων ἀνελεξάμην, καὶ προσῆν ἐκείνοισ ἀταφία· ταῦτα δὲ ἀξιώσει τε τῶν τριῶν ἀνδρῶν καὶ τοῦ ἑνὸσ αὐτῶν μάλιστα ἀρετῇ καὶ τύχῃ, τὴν ἀρχὴν συστησαμένου τε ἐσ ἕδραν ἀσφαλῆ καὶ γένοσ καὶ ὄνομα τὸ νῦν ἄρχον ἀφ’ ἑαυτοῦ καταλιπόντοσ, ἐπιφανέστερα. ὧν τὰ λαμπρὰ καὶ τὰ χείρω γενόμενα ἐν μνήμῃ τε μᾶλλον ὄντα, ὅτι καὶ τελευταῖα γέγονεν, ἐπελεύσομαι νῦν, οὐ πάντα οὑ̓ γὰρ ἀξιαφήγητον ἀναίρεσισ ἁπλῆ καὶ φυγὴ ἢ τῶν τριῶν ἀνδρῶν τισι συγγνόντων ὕστερον ἐπάνοδοσ ἢ ἐπανελθόντων ἀφανὴσ καταβίωσισ̓, ἀλλ’ ὅσα παραλογώτατα ὄντα μάλιστα ἂν ἐκπλήξειε καὶ πιστεύειν ποιήσειε τοῖσ προλεγομένοισ. πολλὰ δέ ἐστι, καὶ πολλοὶ Ῥωμαίων ἐν πολλαῖσ βίβλοισ αὐτὰ συνέγραψαν ἐφ’ ἑαυτῶν· ὀλίγα δὲ ἐγὼ καθ’ ἑκάστην ἰδέαν, ἐσ πίστιν ἑκάστησ καὶ ἐσ εὐδαιμόνισμα τῶν νῦν παρόντων, ἐπὶ κεφαλαίου διὰ τὸ μῆκοσ ἀναγράψω.

일치하는 문장이 없습니다.

SEARCH

MENU NAVIGATION