헬라어 문장 검색 - Αππιαν́ΤηεΞιϝί2́21́

(아피아노스, The Civil Wars, book 2, chapter 21)

Οὕτω μὲν δὴ Γάιοσ Καῖσαρ ἐτελεύτησεν ἐν ἡμέραισ αἷσ καλοῦσιν εἰδοῖσ Μαρτίαισ, Ἀνθεστηριῶνοσ μάλιστα μέσου, ἥν τινα ἡμέραν αὐτὸν ὁ μάντισ οὐ περιοίσειν προύλεγεν· ὁ δ’ ἐπισκώπτων αὐτὸν ἔφη περὶ τὴν ἑώ· "πάρεισιν αἱ εἰδοί. " καὶ ὁ μὲν οὐδὲν καταπλαγεὶσ ἀπεκρίνατο· "ἀλλὰ οὐ παρεληλύθασιν," ὁ δὲ καὶ τοιῶνδε προαγορεύσεων αὐτῷ σὺν τοσῷδε τοῦ μάντεωσ θάρσει γενομένων καὶ σημείων ὧν προεῖπον ἑτέρων ὑπεριδὼν προῆλθε καὶ ἐτελεύτησεν, ἔτοσ ἄγων ἕκτον ἐπὶ πεντήκοντα, ἀνὴρ ἐπιτυχέστατοσ ἐσ πάντα καὶ δαιμόνιοσ καὶ μεγαλοπράγμων καὶ εἰκότωσ ἐξομοιούμενοσ Ἀλεξάνδρῳ. ἄμφω γὰρ ἐγενέσθην φιλοτιμοτάτω τε πάντων καὶ πολεμικωτάτω καὶ τὰ δόξαντα ἐπελθεῖν ταχυτάτω πρόσ τε κινδύνουσ παραβολωτάτω καὶ τοῦ σώματοσ ἀφειδεστάτω καὶ οὐ στρατηγίᾳ πεποιθότε μᾶλλον ἢ τόλμῃ καὶ τύχῃ. ὧν ὁ μὲν ἄνυδρόν τε πολλὴν ἐσ Ἄμμωνοσ ὥδευεν ὡρ́ᾳ καύματοσ, καὶ τὸν Παμφύλιον κόλπον τῆσ θαλάσσησ ἀνακοπείσησ διέτρεχε δαιμονίωσ, καὶ τὸ πέλαγοσ αὐτῷ τοῦ δαίμονοσ κατέχοντοσ, ἔστε παρέλθοι, καὶ καθ’ ὁδὸν ὁδεύοντι ὑόντοσ. ἀπλώτου τε θαλάσσησ ἐν Ἰνδοῖσ ἀπεπείρασε, καὶ ἐπὶ κλίμακα πρῶτοσ ἀνέβη καὶ ἐσ πολεμίων τεῖχοσ ἐσήλατο μόνοσ καὶ τρισκαίδεκα τραύματα ὑπέστη. καὶ ἀήττητοσ αἰεὶ γενόμενοσ ἑνὶ σχεδὸν ἢ δύο ἔργοισ ἕκαστον πόλεμον ἐξήνυσε, τῆσ μὲν Εὐρώπησ πολλὰ βάρβαρα ἑλὼν καὶ τὴν Ἑλλάδα χειρωσάμενοσ, δυσαρκτότατον ἔθνοσ καὶ φιλελεύθερον καὶ οὐδενὶ πρὸ αὐτοῦ πλην Φιλίππῳ κατ’ εὐπρέπειαν ἐσ ἡγεμονίαν πολέμου δόξασαν ὑπακούειν ἐπ’ ὀλίγον· τὴν δὲ Ἀσίαν σχεδὸν εἰπεῖν ὅλην ἐπέ δραμε. καὶ ὡσ λόγῳ τὴν Ἀλεξάνδρου τύχην καὶ δύναμιν εἰπεῖν, ὅσην εἶδε γῆν, ἐκτήσατο καὶ περὶ τῆσ λοιπῆσ ἐνθυμούμενόσ τε καὶ διανοούμενοσ ἀπέθανε. Καίσαρι δὲ ἥ τε Ιὄνιοσ θάλασσα εἶξε, χειμῶνοσ μέσου πλωτὴ καὶ εὔδιοσ γενομένη, καὶ τὸν ἑσπέριον ὠκεανὸν ἐπὶ Βρεττανοὺσ διέπλευσεν οὔπω γενόμενον ἐν πείρα, κρημνοῖσ τε τῶν Βρεττανῶν τοὺσ κυβερνήτασ ἐποκέλλοντασ ἐκέλευε τὰσ ναῦσ περιαγνύναι.

καὶ πολέμουσ ἄλλουσ καὶ ὅδε διανοούμενοσ ἀνῃρέθη. καὶ πρὸσ ἄλλον κλύδωνα μόνοσ ἐν σκάφει σμικρῷ νυκτὸσ ἐβιάζετο καὶ τὸν κυβερνήτην ἐκέλευε προχέαι τὰ ἱστία καὶ θαρρεῖν τῇ Καίσαροσ τύχῃ μᾶλλον ἢ τῇ θαλάσσῃ. ἔσ τε πολεμίουσ προεπήδησε μόνοσ ἐκ πάντων δεδιότων πολλάκισ, καὶ τριακοντάκισ αὐτὸσ ἐν Κελτοῖσ μόνοισ παρετάξατο, μέχρι τετρακόσια αὐτῶν ἐχειρώσατο ἔθνη, οὕτω δή τι Ῥωμαίοισ ἐπίφοβα, ὡσ νόμῳ τῷ περὶ ἀστρατείασ ἱερέων καὶ γερόντων ἐγγραφῆναι ’πλὴν εἰ μὴ Κελτικὸσ πόλεμοσ ἐπίοι’. τότε δὲ καὶ γέροντασ καὶ ἱερέασ στρατεύεσθαι. περί τε τὴν Ἀλεξάνδρειαν πολεμῶν καὶ ἀποληφθεὶσ ἐπὶ γεφύρασ μόνοσ καὶ κακοπαθῶν τὴν πορφύραν ἀπέρριψε καὶ ἐσ τὴν θάλασσαν ἐξήλατο καὶ ζητούμενοσ ὑπὸ τῶν πολεμίων ἐν τῷ μυχῷ διενήχετο λανθάνων ἐπὶ πολύ, μόνην ἐκ διαστήματοσ ἀνίσχων τὴν ἀναπνοήν, μέχρι φιλίᾳ νηὶ προσπελάσασ ὤρεξε τὰσ χεῖρασ καὶ ἑαυτὸν ἔδειξε καὶ περιεσώθη. Ἐσ δὲ τὰ ἐμφύλια τάδε ἢ διὰ δέοσ, καθάπερ αὐτὸσ ἔλεγεν, ἢ ἀρχῆσ ἐπιθυμίᾳ συμπεσών, στρατηγοῖσ τοῖσ καθ’ αὑτὸν ἀρίστοισ συνηνέχθη καὶ στρατοῖσ πολλοῖσ τε καὶ μεγάλοισ, οὐ βαρβάρων ἔτι, ἀλλὰ Ῥωμαίων ἀκμαζόντων μάλιστα εὐπραξίαισ καὶ τύχαισ· καὶ ἁπάντων ἐκράτησε, διὰ μιᾶσ καὶ ὅδε πείρασ ἑκάστων ἢ διὰ δύο, οὐ μὴν ἀηττήτου καθάπερ Ἀλεξάνδρῳ τοῦ στρατοῦ γενομένου, ἐπεὶ καὶ ὑπὸ Κελτῶν ἡττῶντο λαμπρῶσ, ὅθ’ ἡ μεγάλη σφᾶσ συμφορὰ κατέλαβε Κόττα καὶ Τιτυρίου στρατηγούντων, καὶ ἐν Ἰβηρίᾳ Πετρήιοσ αὐτοὺσ καὶ Ἀφράνιοσ συνέκλεισαν οἱᾶ πολιορκουμένουσ, ἔν τε Δυρραχίῳ καὶ Λιβύῃ λαμπρῶσ ἔφευγον καὶ ἐν Ἰβηρίᾳ Πομπήιον τὸν νέον κατεπλάγησαν. ὁ δὲ Καῖσαρ αὐτὸσ ἦν ἀκατάπληκτοσ καὶ ἐσ παντὸσ πολέμου τέλοσ ἀήττητοσ· τήν τε Ῥωμαίων ἰσχύν, γῆσ ἤδη καὶ θαλάσσησ ἐκ δύσεων ἐπὶ τὸν ποταμὸν Εὐφράτην κρατοῦσαν, ἐχειρώσατο βίᾳ καὶ φιλανθρωπίᾳ πολὺ βεβαιότερον καὶ πολὺ ἐγκρατέστερον Σύλλα βασιλέα τε αὑτὸν ἀπέφηνεν ἀκόντων, εἰ καὶ τὴν προσηγορίαν οὐκ ἐδέχετο. Συνέβη δ’ αὐτοῖσ καὶ τὰ στρατόπεδα ὁμοίωσ πρόθυμα μὲν ἐσ ἄμφω καὶ μετὰ εὐνοίασ γενέσθαι καὶ ἐσ μάχασ θηριώδεσιν ἐοικότα, δυσπειθῆ δὲ πολλάκισ ἑκατέρῳ καὶ πολυστασίαστα διὰ τοὺσ πόνουσ.

ἀποθανόντασ γε μὴν ὁμοίωσ ὠδύραντο καὶ ἐπεπόθησαν καὶ θείων τιμῶν ἠξίωσαν. ἐγένοντο δὲ καὶ τὰ σώματα εὐφυεῖσ ἄμφω καὶ καλοί. καὶ τὸ γένοσ ἐκ Διὸσ ἤστην ἑκάτεροσ, ὁ μὲν Αἰακίδησ τε καὶ Ἡρακλείδησ, ὁ δὲ ἀπ’ Ἀγχίσου τε καὶ Ἀφροδίτησ. φιλονικότεροι δὲ τοῖσ ἐξερίζουσιν ὄντεσ ταχύτατοι πρὸσ διαλύσεισ ἦσαν καὶ συγγνώμονεσ τοῖσ ἁλοῦσιν, ἐπὶ δὲ τῇ συγγνώμῃ καὶ εὐεργέται καὶ οὐδὲν ἢ κρατῆσαι μόνον ἐνθυμούμενοι. Καὶ τάδε μὲν ἐσ τοσοῦτον συγκεκρίσθω, καίπερ οὐκ ἐξ ἴσησ δυνάμεωσ ἐπὶ τὴν ἀρχὴν ὁρμήσαντοσ αὐτῶν ἑκατέρου, ἀλλὰ τοῦ μὲν ἐκ βασιλείασ ἠσκημένησ ὑπὸ Φιλίππῳ, τοῦ δ’ ἐξ ἰδιωτείασ, εὐγενοῦσ μὲν καὶ περιφανοῦσ, χρημάτων δὲ πάνυ ἐνδεοῦσ. Ἐγένοντο δὲ καὶ σημείων τῶν ἐπὶ σφίσιν ἑκάτεροσ ὑπερόπτησ καὶ τοῖσ μάντεσι τὴν τελευτὴν προειποῦσιν οὐκ ἐχαλέπηναν, καὶ τὰ σημεῖα αὐτὰ ὅμοιά τε πολλάκισ καὶ ἐσ τὸ ὅμοιον ἀμφοῖν συνηνέχθη·

ἐγένετο γὰρ ἑκατέρῳ δὶσ ἄλοβα, καὶ τὰ μὲν πρῶτα κίνδυνον σφαλερὸν ὑπέδειξεν, Ἀλεξάνδρῳ μὲν ἐν Ὀξυδράκαισ, ἐπὶ τὸ τῶν ἐχθρῶν τεῖχοσ ἀναβάντι πρὸ τῶν Μακεδόνων, καὶ τῆσ κλίμακοσ συντριβείσησ ἀποληφθέντι τε ἄνω, καὶ ὑπὸ τόλμησ ἐσ τὸ ἐντὸσ ἐπὶ τοὺσ πολεμίουσ ἐξαλομένῳ καὶ πληγέντι τὰ στέρνα χαλεπῶσ καὶ ἐσ τὸν τράχηλον ὑπέρῳ βαρυτάτῳ, καὶ πίπτοντι ἤδη καὶ περισωθέντι μόλισ ὑπὸ τῶν Μακεδόνων ἀναρρηξάντων τὰσ πύλασ ὑπὸ δέουσ, Καίσαρι δὲ ἐν Ἰβηρίᾳ, τοῦ στρατοῦ περιφόβου τε ὄντοσ ἐπὶ Πομπηίῳ τῷ νέῳ καὶ ὀκνοῦντοσ ἐσ μάχην ἰέναι, προδραμόντι πάντων ἐσ τὸ μεταίχμιον καὶ διακόσια ἀναδεξαμένῳ δόρατα ἐσ τὴν ἀσπίδα, μέχρι καὶ τόνδε ὁ στρατὸσ ἐπιδραμὼν ὑπὸ αἰδοῦσ καὶ φόβου περιέσωσεν. οὕτω μὲν αὐτοῖσ τὰ πρῶτα ἄλοβα ἐσ κίνδυνον ἦλθε θανάτου, τὰ δεύτερα δὲ ἐσ τὸν θάνατον αὐτόν. Πειθαγόρασ τε γὰρ ὁ μάντισ Ἀπολλοδώρῳ δεδοικότι Ἀλέξανδρόν τε καὶ Ἡφαιστίωνα θυόμενοσ εἶπε μὴ δεδιέναι, ἐκποδὼν γὰρ ἀμφοτέρουσ αὐτίκα ἔσεσθαι· καὶ τελευτήσαντοσ εὐθὺσ Ἡφαιστίωνοσ ὁ Ἀπολλόδωροσ ἔδεισε, μή τισ ἐπιβουλὴ γένοιτο κατὰ τοῦ βασιλέωσ, καὶ ἐξήνεγκεν αὐτῷ τὰ μαντεύματα. ὁ δὲ ἐπεμειδίασε καὶ Πειθαγόραν αὐτὸν ἤρετο, ὅ τι λέγοι τὸ σημεῖον· τοῦ δὲ εἰπόντοσ, ὅτι τὰ ὕστατα λέγει, αὖθισ ἐπεμειδίασε καὶ ἐπῄνεσεν ὅμωσ Ἀπολλόδωρόν τε τῆσ εὐνοίασ καὶ τὸν μάντιν τῆσ παρρησίασ. Καίσαρι δ’ ἐσ τὸ ἔσχατον βουλευτήριον ἐσιόντι, καθά μοι πρὸ βραχέοσ εἴρηται, τὰ αὐτὰ σημεῖα γίγνεται·

καὶ χλευάσασ ἔφη τοιαῦτά οἱ καὶ περὶ Ἰβηρίαν γεγονέναι. τοῦ δὲ μάντεωσ εἰπόντοσ καὶ τότε αὐτὸν κινδυνεῦσαι καὶ νῦν ἐπιθανατώτερον ἔχειν τὸ σημεῖον, ἐνδούσ τι πρὸσ τὴν παρρησίαν ἐθύετο ὅμωσ αὖθισ, μέχρι βραδυνόντων αὐτῷ τῶν ἱερῶν δυσχεράνασ ἐσῆλθε καὶ ἀνῃρέθη. τὸ δ’ αὐτὸ καὶ Ἀλεξάνδρῳ συνέπεσεν. ἐπανιόντα γὰρ ἐξ Ἰνδῶν ἐσ Βαβυλῶνα μετὰ τοῦ στρατοῦ καὶ πλησιάζοντα ἤδη παρεκάλουν οἱ Χαλδαῖοι τὴν εἴσοδον ἐπισχεῖν ἐν τῷ παρόντι. τοῦ δὲ τὸ ἰαμβεῖον εἰπόντοσ, ὅτι "μάντισ ἄριστοσ, ὅστισ εἰκάζει καλῶσ," δεύτερα γοῦν οἱ Χαλδαῖοι παρεκάλουν μὴ ἐσ δύσιν ὁρῶντα μετὰ τῆσ στρατιᾶσ ἐσελθεῖν, ἀλλὰ περιοδεῦσαι καὶ τὴν πόλιν λαβεῖν πρὸσ ἥλιον ἀνίσχοντα. ὁ δ’ ἐσ τοῦτο μὲν ἐνδοῦναι λέγεται καὶ ἐπιχειρῆσαι περιοδεῦσαι, λίμνῃ δὲ καὶ ἕλει δυσχεραίνων καταφρονῆσαι καὶ τοῦ δευτέρου μαντεύματοσ καὶ ἐσελθεῖν ἐσ δύσιν ὁρῶν. ἐσελθών γε μὴν καὶ πλέων κατὰ τὸν Εὐφράτην ἐπὶ ποταμὸν Παλλακότταν, ὃσ τὸν Εὐφράτην ὑπολαμβάνων ἐσ ἕλη καὶ λίμνασ ἐκφέρει καὶ κωλύει τὴν Ἀσσυρίδα γῆν ἄρδειν,‐‐ἐπινοοῦντα δὴ τοῦτον διατειχίσαι τὸν ποταμὸν καὶ ἐπὶ τοῦτο ἐκπλέοντά φασιν ἐπιτωθάσαι τοῖσ Χαλδαίοισ, ὅτι σῶοσ ἐσ Βαβυλῶνα ἐσέλθοι τε καὶ ἐκπλέοι. ἔμελλε δ’ ἐπανελθὼν αὐτίκα ἐν αὐτῇ τεθνήξεσθαι. ἐπετώθασε δὲ καὶ ὁ Καῖσαρ ὅμοια. τοῦ γὰρ μάντεωσ αὐτῷ τὴν ἡμέραν τῆσ τελευτῆσ προειπόντοσ, ὅτι μὴ περιοίσει τὰσ Μαρτίασ εἰδούσ, ἐλθούσησ τῆσ ἡμέρασ ἔφη, τὸν μάντιν χλευάζων, ὅτι πάρεισιν αἱ εἰδοί· καὶ ἐν αὐταῖσ ὅμωσ ἀπέθανεν. οὕτω μὲν δὴ καὶ σημεῖα τὰ περὶ σφῶν ἐχλεύασαν ὁμοίωσ, καὶ τοῖσ προειποῦσιν αὐτὰ μάντεσιν οὐκ ἐχαλέπηναν, καὶ ἑάλωσαν ὅμωσ ὑπὸ τῷ λόγῳ τῶν μαντευμάτων. Ἐγένοντο δὲ καὶ ἐσ ἐπιστήμην τῆσ ἀρετῆσ, τῆσ τε πατρίου καὶ Ἑλληνικῆσ καὶ ξένησ, φιλόκαλοι, τὰ μὲν Ἰνδῶν Ἀλέξανδροσ ἐξετάζων τοὺσ Βραχμᾶνασ, οἳ δοκοῦσιν Ἰνδῶν εἶναι μετεωρολόγοι τε καὶ σοφοὶ καθὰ Περσῶν οἱ Μάγοι, τὰ δὲ Αἰγυπτίων ὁ Καῖσαρ, ὅτε ἐν Αἰγύπτῳ γενόμενοσ καθίστατο Κλεοπάτραν.

ὅθεν ἄρα καὶ τῶν εἰρηνικῶν πολλὰ Ῥωμαίοισ διωρθώσατο καὶ τὸν ἐνιαυτὸν ἀνώμαλον ἔτι ὄντα διὰ τοὺσ ἔσθ’ ὅτε μῆνασ ἐμβολίμουσ ̔κατὰ γὰρ σελήνην αὐτοῖσ ἠριθμεῖτὀ ἐσ τὸν τοῦ ἡλίου δρόμον μετέβαλεν, ὡσ ἦγον Αἰγύπτιοι. συνέβη δὲ αὐτῷ καὶ τῶν ἐσ τὸ σῶμα ἐπιβουλευσάντων μηδένα διαφυγεῖν, ἀλλὰ τῷ παιδὶ δοῦναι δίκην ἀξίαν, καθάπερ Ἀλεξάνδρῳ τοὺσ Φίλιππον ἀνελόντασ. ὅπωσ δὲ ἔδοσαν, αἱ ἑξῆσ βίβλοι δεικνύουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 2, chapter 21

(아피아노스, The Civil Wars, book 2, chapter 21)

상위

목록

SEARCH

MENU NAVIGATION