헬라어 문장 검색 - Αππιαν́ΤηεΞιϝί2́15́

(아피아노스, The Civil Wars, book 2, chapter 15)

Τοῦτο μὲν δὴ καὶ τῷ περὶ Λιβύην Καίσαροσ πολέμῳ τέλοσ ἐγίγνετο, αὐτὸσ δ’ ἐπανελθὼν ἐσ Ῥώμην ἐθριάμβευε τέσσαρασ ὁμοῦ θριάμβουσ, ἐπί τε Γαλάταισ, ὧν δὴ πολλὰ καὶ μέγιστα ἔθνη προσέλαβε καὶ ἀφιστάμενα ἄλλα ἐκρατύνατο, καὶ Ποντικὸν ἐπὶ Φαρνάκει καὶ Λιβυκὸν ἐπὶ Λιβύων τοῖσ συμμαχήσασι τῷ Σκιπίωνι· ἔνθα καὶ Ιὄβα παῖσ, Ιὄβασ ὁ συγγραφεύσ, βρέφοσ ὢν ἔτι παρήγετο. παρήγαγε δέ τινα καὶ τῆσ ἀνὰ τὸν Νεῖλον ναυμαχίασ θρίαμβον Αἰγύπτιον, μεταξὺ τοῦ Γαλατῶν καὶ Φαρνάκουσ. τὰ δὲ Ῥωμαίων φυλαξάμενοσ ἄρα, ὡσ ἐμφύλια οὐκ ἐοικότα τε αὑτῷ καὶ Ῥωμαίοισ αἰσχρὰ καὶ ἀπαίσια, ἐπιγράψαι θριάμβῳ, παρήνεγκεν ὅμωσ αὐτῶν ἐν τοῖσδε τὰ παθήματα ἅπαντα καὶ τοὺσ ἄνδρασ ἐν εἰκόσι καὶ ποικίλαισ γραφαῖσ, χωρίσ γε Πομπηίου· τοῦτον γὰρ δὴ μόνον ἐφυλάξατο δεῖξαι, σφόδρα ἔτι πρὸσ πάντων ἐπιποθούμενον. ὁ δὲ δῆμοσ ἐπὶ μὲν τοῖσ οἰκείοισ κακοῖσ, καίπερ δεδιώσ, ἔστενε, καὶ μάλιστα, ὅτε ἴδοι Λεύκιόν τε Σκιπίωνα τὸν αὐτοκράτορα πλησσόμενον ἐσ τὰ στέρνα ὑφ’ ἑαυτοῦ καὶ μεθιέμενον ἐσ τὸ πέλαγοσ, ἢ Πετρήιον ἐπὶ διαίτῃ διαχρώμενον ἑαυτόν, ἢ Κάτωνα ὑφ’ ἑαυτοῦ διασπώμενον ὡσ θηρίον· Ἀχιλλᾷ δ’ ἐφήσθησαν καὶ Ποθεινῷ καὶ τὴν Φαρνάκουσ φυγὴν ἐγέλασαν. Χρήματα δ’ ἐν τοῖσ θριάμβοισ φασὶ παρενεχθῆναι μυριάδασ ἓξ καὶ ἥμισυ ταλάντων καὶ στεφάνουσ δύο καὶ εἴκοσι καὶ δισχιλίουσ ἐπὶ τοῖσ ὀκτακοσίοισ ἀπὸ χρυσοῦ, ἕλκοντασ ἐσ δισμυρίασ καὶ δεκατέσσαρασ καὶ τετρακοσίασ λίτρασ.

ἀφ’ ὧν εὐθὺσ ἐπὶ τῷ θριάμβῳ διένειμε, τὰ ὑπεσχημένα πάνθ’ ὑπερβάλλων, στρατιώτῃ μὲν ἀνὰ πεντακισχιλίασ δραχμὰσ Ἀττικάσ, λοχαγῷ δ’ αὐτοῦ τὸ διπλάσιον καὶ χιλιάρχῃ καὶ ἱππάρχῃ τὸ ἔτι διπλάσιον καὶ τοῖσ δημόταισ ἑκάστῳ μνᾶν Ἀττικήν. ἐπέδωκε δὲ καὶ θέασ ποικίλασ ἵππων τε καὶ μουσικῆσ καὶ πεζομαχίασ ἀνδρῶν χιλίων πρὸσ ἑτέρουσ χιλίουσ καὶ ἱππομαχίαν διακοσίων πρὸσ ἴσουσ καὶ ἀναμὶξ ἄλλων πεζῶν τε καὶ ἱππέων ἀγῶνα ἐλεφάντων τε μάχην εἴκοσι πρὸσ εἴκοσι καὶ ναυμαχίαν ἐρετῶν τετρακισχιλίων, ἐπιβεβηκότων ἐσ μάχην χιλίων ἑκατέρωθεν. ἀνέστησε καὶ τῇ Γενετείρᾳ τὸν νεών, ὥσπερ εὔξατο μέλλων ἐν Φαρσάλῳ μαχεῖσθαι· καὶ τέμενοσ τῷ νεῲ περιέθηκεν, ὃ Ῥωμαίοισ ἔταξεν ἀγορὰν εἶναι, οὐ τῶν ὠνίων, ἀλλ’ ἐπὶ πράξεσι συνιόντων ἐσ ἀλλήλουσ, καθὰ καὶ Πέρσαισ ἦν τισ ἀγορὰ ζητοῦσιν ἢ μανθάνουσι τὰ δίκαια. Κλεοπάτρασ τε εἰκόνα καλὴν τῇ θεῷ παρεστήσατο, ἣ καὶ νῦν συνέστηκεν αὐτῇ. τὸ δὲ τοῦ δήμου πλῆθοσ ἀναγραψάμενοσ ἐσ ἥμισυ λέγεται τῶν πρὸ τοῦδε τοῦ πολέμου γενομένων εὑρεῖν· ἐσ τοσοῦτο καθεῖλεν ἡ τῶνδε φιλονικία τὴν πόλιν. Αὐτὸσ δὲ ἤδη τέταρτον ὑπατεύων ἐπὶ τὸν νέον Πομπήιον ἐστράτευεν ἐσ Ἰβηρίαν, ὅσπερ αὐτῷ λοιπὸσ ἦν ἔτι πόλεμοσ ἐμφύλιοσ, οὐκ εὐκαταφρόνητοσ·

τῶν τε γὰρ ἀρίστων ὅσοι διεπεφεύγεσαν ἐκ Λιβύησ, ἐκεῖ συνέδραμον, καὶ στρατὸσ ὁ μὲν ἐξ αὐτῆσ Λιβύησ τε καὶ Φαρσάλου τοῖσ ἡγεμόσι συνῆλθεν, ὁ δὲ ἐξ Ἰβήρων τε καὶ Κελτιβήρων, ἔθνουσ ἀλκίμου καὶ χαίροντοσ ἀεὶ μάχαισ. πολὺσ δὲ καὶ δούλων ὅμιλοσ ἐστρατεύετο τῷ Πομπηίῳ· καὶ τέταρτον ἔτοσ εἶχον ἐν τοῖσ γυμνασίοισ καὶ γνώμην ἕτοιμον ἀγωνίσασθαι μετὰ ἀπογνώσεωσ. ᾧ δὴ καὶ μάλιστα σφαλεὶσ ὁ Πομπήιοσ οὐκ ἀνεβάλλετο τὴν μάχην, ἀλλ’ εὐθὺσ ἐλθόντι τῷ Καίσαρι συνεμάχετο, καίτοι τῶν πρεσβυτέρων αὐτῷ παραινούντων ἐκ πείρασ ὧν ἀμφί τε Φάρσαλον καὶ Λιβύην ἐπεπόνθεσαν, ἐκτρίβειν τῷ χρόνῳ τὸν Καίσαρα καὶ ἐσ ἀπορίαν ὡσ ἐν ἀλλοτρίᾳ γῇ περιφέρειν. ὁ δὲ Καῖσαρ ἧκε μὲν ἀπὸ Ῥώμησ ἑπτὰ καὶ εἴκοσιν ἡμέραισ, βαρυτάτῳ στρατῶ μακροτάτην ὁδὸν ἐπελθών· δέοσ δ’ οἱο͂ν οὐ πρότερον ἐνέπιπτεν αὐτοῦ τῷ στρατῷ κατὰ δόξαν τῶν πολεμίων τοῦ τε πλήθουσ καὶ ἀσκήσεωσ καὶ ἀπογνώσεωσ. Δι’ ἃ καὶ ὁ Καῖσαρ αὐτὸσ ἐβράδυνεν, ἔστε πού τι αὐτῷ κατασκεπτομένῳ προσπελάσασ ὁ Πομπήιοσ ὠνείδισεν ἐσ δειλίαν.

καὶ τὸ ὄνειδοσ οὐκ ἐνεγκὼν ὁ Καῖσαρ ἐξέτασσε παρὰ πόλιν Κορδύβην, σύνθημα καὶ τότε δοὺσ Ἀφροδίτην· ἔδωκε δὲ καὶ ὁ Πομπήιοσ Εὐσέβειαν. ὡσ δὲ καὶ συνιόντων ἤδη τοῦ Καίσαροσ στρατοῦ τὸ δέοσ ἥπτετο καὶ ὄκνοσ ἐπεγίγνετο τῷ φόβῳ, θεοὺσ πάντασ ὁ Καῖσαρ ἱκέτευε, τὰσ χεῖρασ ἐσ τὸν οὐρανὸν ἀνίσχων, μὴ ἑνὶ πόνῳ τῷδε πολλὰ καὶ λαμπρὰ ἔργα μιῆναι, καὶ τοὺσ στρατιώτασ ἐπιθέων παρεκάλει τό τε κράνοσ τῆσ κεφαλῆσ ἀφαιρῶν ἐσ πρόσωπον ἐδυσώπει καὶ προύτρεπεν. οἱ δὲ οὐδ’ ὥσ τι μετέβαλλον ἀπὸ τοῦ δέουσ, ἑώσ ὁ Καῖσαρ αὐτὸσ ἁρπάσασ τινὸσ ἀσπίδα καὶ τοῖσ ἀμφ’ αὐτὸν ἡγεμόσιν εἰπών· "ἔσται τοῦτο τέλοσ ἐμοί τε τοῦ βίου καὶ ὑμῖν τῶν στρατειῶν," προύδραμε τῆσ τάξεωσ ἐσ τοὺσ πολεμίουσ ἐπὶ τοσοῦτον, ὡσ μόνουσ αὐτῶν ἀποσχεῖν δέκα πόδασ καὶ διακόσια αὐτῷ δόρατα ἐπιβληθῆναι καὶ τούτων τὰ μὲν αὐτὸν ἐκκλῖναι, τὰ δὲ ἐσ τὴν ἀσπίδα ἀναδέξασθαι. τότε γὰρ δὴ τῶν τε ἡγεμόνων προθέων ἕκαστοσ ἵστατο παρ’ αὐτόν, καὶ ὁ στρατὸσ ἅπασ ἐμπεσὼν μετὰ ὁρμῆσ ὅλην ἠγωνίζετο τὴν ἡμέραν, προύχων τε καὶ ἡττώμενοσ αἰεὶ παρὰ μέροσ, μέχρισ ἐσ ἑσπέραν μόλισ ἐνίκησεν, ὅτε καὶ φασὶν αὐτὸν εἰπεῖν, ὅτι πολλάκισ μὲν ἀγωνίσαιτο περὶ νίκησ, νῦν δὲ καὶ περὶ ψυχῆσ. Φόνου δὲ πολλοῦ γενομένου καὶ φυγῆσ τῶν Πομπηίου στρατιωτῶν ἐσ τὴν Κορδύβην, ὁ μὲν Καῖσαρ, ἵνα μὴ διαφυγόντεσ οἱ πολέμιοι πάλιν ἐσ μάχην παρασκευάσαιντο, ἐκέλευε τὸν στρατὸν ἐκτειχίσαι τὴν Κορδύβην, οἱ δὲ κάμνοντεσ τοῖσ γεγονόσι τά τε σώματα καὶ τὰ ὅπλα τῶν ἀνῃρημένων ἐπεφορουν ἀλλήλοισ καὶ δόρασιν αὐτὰ διαπηγνύντεσ ἐσ τὴν γῆν ἐπὶ τοιοῦδε τείχουσ ηὐλίσαντο.

τῆσ δ’ ἐπιούσησ ἑάλω μὲν ἡ πόλισ, τῶν δὲ ἡγεμόνων τοῦ Πομπηίου Σκάπλασ μὲν νήσασ πυρὰν ἑαυτὸν ἐνέπρησεν, Οὐάρου δὲ καὶ Λαβιηνοῦ καὶ ἑτέρων ἀνδρῶν ἐπιφανῶν ἐκομίσθησαν αἱ κεφαλαὶ Καίσαρι. Πομπήιοσ δ’ αὐτὸσ διέφυγε μὲν ἀπὸ τῆσ ἥττησ σὺν ἑκατὸν καὶ πεντήκοντα ἱππεῦσιν ἐπὶ Καρθαίασ, ἔνθα αὐτῷ νεῶν στόλοσ ἦν, καὶ παρῆλθεν ἐσ τὰ νεώρια λαθὼν ὥσ τισ ἰδιώτησ, φορείῳ κομιζόμενοσ· ὁρῶν δὲ καὶ τούτουσ ἀπογιγνώσκοντασ ἑαυτῶν ἔδεισε περὶ ἐκδόσεωσ καὶ ἔφευγεν αὖθισ, ἐπιβαίνων σκάφουσ. ἐμπλακέντα δ’ αὐτοῦ τὸν πόδα καλῳδίῳ, κόπτων τισ τὸ καλώδιον ξιφιδίῳ, τὸν ταρσὸν ἔτεμεν ἀντὶ τοῦ καλωδίου τοῦ ποδόσ· καὶ διαπλεύσασ ἔσ τι χωρίον ἐθεραπεύετο. ζητούμενοσ δὲ κἀνταῦθα ἔφευγε διὰ δυσβάτου καὶ ἀκανθώδουσ ὁδοῦ, τὸ τραῦμα περικεντούμενοσ, μέχρι κάμνων ὑπό τι δένδρον ἐκαθέζετο καὶ τῶν ζητητῶν ἐπιπεσόντων οὐκ ἀγεννῶσ αὐτοὺσ ἀμυνόμενοσ κατεκόπη. τοῦδε μὲν δὴ τὴν κεφαλὴν ὁ Καῖσαρ ἐνεχθεῖσάν οἱ προσέταξέ τινι θάψαι, καὶ ὁ πόλεμοσ ἑνὶ ἔργῳ καὶ ὅδε παρὰ δόξαν ἐλέλυτο· τοὺσ δ’ ἐξ αὐτοῦ διαφυγόντασ ἤθροιζεν ὁ τοῦδε τοῦ Πομπηίου νεώτεροσ ἀδελφόσ, Πομπήιοσ μὲν καὶ ὅδε ὤν, Σέξστοσ δὲ καλούμενοσ τῷ προτέρῳ τῶν ὀνομάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 2, chapter 15

(아피아노스, The Civil Wars, book 2, chapter 15)

상위

목록

SEARCH

MENU NAVIGATION