호흡부호 보기
강세부호 보기
장단부호 보기
작은 Iota 보기
모든 부호 보기
Ἀννίβασ μὲν οὖν τοιούτοισ χρησάμενοσ λογισμοῖσ καὶ διελθὼν ἐκ τῆσ Σαυνίτιδοσ τὰ στενὰ κατὰ τὸν Ἐριβιανὸν καλούμενον λόφον κατεστρατοπέδευσε παρὰ τὸν Ἄθυρνον ποταμόν, ὃσ σχεδὸν δίχα διαιρεῖ τὰ προειρημένα πεδία. καὶ τὴν μὲν παρεμβολὴν ἐκ τοῦ πρὸσ Ῥώμην μέρουσ εἶχε, ταῖσ δὲ προνομαῖσ πᾶν ἐπιτρέχων ἐπόρθει τὸ πεδίον ἀδεῶσ.
Φάβιοσ δὲ κατεπέπληκτο μὲν τὴν ἐπιβολὴν καὶ τόλμαν τῶν ὑπεναντίων, τοσούτῳ δὲ μᾶλλον ἐπὶ τῶν κεκριμένων ἔμενεν.
ὁ δὲ συνάρχων αὐτοῦ Μάρκοσ καὶ πάντεσ οἱ κατὰ τὸ στρατόπεδον χιλίαρχοι καὶ ταξίαρχοι νομίζοντεσ ἐν καλῷ τοὺσ πολεμίουσ ἀπειληφέναι, σπεύδειν ᾤοντο δεῖν καὶ συνάπτειν εἰσ τὰ πεδία καὶ μὴ περιορᾶν τὴν ἐπιφανεστάτην χώραν δῃουμένην.
εἰσ δὲ τὸ πεδίον οὐ καθίει τὴν δύναμιν, εὐλαβούμενοσ τοὺσ ὁλοσχερεῖσ κινδύνουσ διά τε τὰσ προειρημένασ αἰτίασ καὶ διὰ τὸ προφανῶσ ἱπποκρατεῖν παρὰ πολὺ τοὺσ ὑπεναντίουσ.
ἐγίνετο πρὸσ ἀναζυγήν, βουλόμενοσ μὴ καταφθεῖραι τὴν λείαν, ἀλλ’ εἰσ τοιοῦτον ἀπερείσασθαι τόπον, ἐν ᾧ δυνήσεται ποιήσασθαι καὶ τὴν παραχειμασίαν, ἵνα μὴ μόνον κατὰ τὸ παρὸν εὐωχίαν ἀλλὰ συνεχῶσ δαψίλειαν ἔχῃ τῶν ἐπιτηδείων τὸ στρατόπεδον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기