호흡부호 보기
강세부호 보기
장단부호 보기
작은 Iota 보기
모든 부호 보기
περαιουμένων αὐτῶν. ἐν ᾧ καιρῷ πάντασ ἄρδην ἀπολέσθαι συνέβη τοὺσ περὶ τὸν Ἀννίβαν, εἰ μὴ δεδιότεσ ἀκμὴν ἐπὶ ποσὸν καὶ προορώμενοι τὸ μέλλον τὰ μὲν σκευοφόρα καὶ τοὺσ ἱππεῖσ εἶχον ἐν τῇ πρωτοπορείᾳ, τοὺσ δ’ ὁπλίτασ ἐπὶ τῆσ οὐραγίασ. τούτων δ’ ἐφεδρευόντων ἔλαττον συνέβη γενέσθαι τὸ πάθοσ·
οὗτοι γὰρ ἔστεξαν τὴν ἐπιφορὰν τῶν βαρβάρων. οὐ μὴν ἀλλὰ καὶ τούτου συγκυρήσαντοσ πολύ τι πλῆθοσ καὶ τῶν ἀνδρῶν καὶ τῶν ὑποζυγίων καὶ τῶν ἵππων διεφθάρη.
οὕτωσ ὥστ’ ἀναγκασθῆναι τὸν Ἀννίβαν μετὰ τῆσ ἡμισείασ δυνάμεωσ νυκτερεῦσαι περί τι λευκόπετρον ὀχυρὸν χωρὶσ τῶν ἵππων καὶ τῶν ὑποζυγίων, ἐφεδρεύοντα τούτοισ, ἑώσ ἐν ὅλῃ τῇ νυκτὶ ταῦτα μόλισ ἐξεμηρύσατο τῆσ χαράδρασ.
τῇ δ’ ἐπαύριον τῶν πολεμίων χωρισθέντων, συνάψασ τοῖσ ἱππεῦσι καὶ τοῖσ ὑποζυγίοισ προῆγε πρὸσ τὰσ ὑπερβολὰσ τὰσ ἀνωτάτω τῶν Ἄλπεων, ὁλοσχερεῖ μὲν οὐδενὶ περιπίπτων ἔτι συστήματι τῶν βαρβάρων, κατὰ μέρη δὲ καὶ κατὰ τόπουσ παρενοχλούμενοσ ὑπ’ αὐτῶν·
ὧν οἱ μὲν ἀπὸ τῆσ οὐραγίασ, οἱ δ’ ἀπὸ τῆσ πρωτοπορείασ ἀπέσπων τῶν σκευοφόρων ἔνια, προσπίπτοντεσ εὐκαίρωσ.
μεγίστην δ’ αὐτῷ παρείχετο χρείαν τὰ θηρία· καθ’ ὃν γὰρ ἂν τόπον ὑπάρχοι τῆσ πορείασ ταῦτα, πρὸσ τοῦτο τὸ μέροσ οὐκ ἐτόλμων οἱ πολέμιοι προσιέναι, τὸ παράδοξον ἐκπληττόμενοι τῆσ τῶν ζῴων φαντασίασ.
ἐναταῖοσ δὲ διανύσασ εἰσ τὰσ ὑπερβολὰσ αὐτοῦ κατεστρατοπέδευσε καὶ δύ’ ἡμέρασ προσέμεινε, βουλόμενοσ ἅμα μὲν ἀναπαῦσαι τοὺσ διασῳζομένουσ, ἅμα δὲ προσδέξασθαι τοὺσ ἀπολειπομένουσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기