호흡부호 보기
강세부호 보기
장단부호 보기
작은 Iota 보기
모든 부호 보기
ἔτι ὁ Ποσειδώνιοσ διηγούμενοσ καὶ τὸν Λουερνίου τοῦ Βιτύιτοσ πατρὸσ πλοῦτον τοῦ ὑπὸ ̔ Ῥωμαίων καθαιρεθέντοσ, φησὶ δημαγωγοῦντα αὐτὸν τοὺσ ὄχλουσ ἐν ἁρ́ματι φέρεσθαι διὰ τῶν πεδίων καὶ διασπείρειν χρυσὸν καὶ ἄργυρον ταῖσ ἀκολουθούσαισ τῶν Κελτῶν μυριάσι φράγμα τε ποιεῖν δωδεκαστάδιον τετράγωνον, ἐν ᾧ πληροῦν μὲν ληνοὺσ πολυτελοῦσ πόματοσ, παρασκευάζειν δὲ τοσοῦτο βρωμάτων πλῆθοσ ὥστε ἐφ’ ἡμέρασ πλείονασ ἐξεῖναι τοῖσ βουλομένοισ εἰσερχομένοισ τῶν παρασκευασθέντων ἀπολαύειν, ἀδιαλείπτωσ διακονουμένουσ. ἀφορίσαντοσ δ’ αὐτοῦ προθεσμίαν ποτὲ τῆσ θοίνησ ἀφυστερήσαντά τινα τῶν.
βαρβάρων ποιητὴν ἀφικέσθαι καὶ συναντήσαντα μετὰ ᾠδῆσ ὑμνεῖν αὐτοῦ τὴν ὑπεροχήν, ἑαυτὸν δ’ ἀποθρηνεῖν ὅτι ὑστέρηκε, τὸν δὲ τερφθέντα θυλάκιον αἰτῆσαι χρυσίου καὶ ῥῖψαι αὐτῷ παρατρέχοντι. ἀνελόμενον δ’ ἐκεῖνον πάλιν ὑμνεῖν λέγοντα διότι τὰ ἴχνη τῆσ γῆσ ἐφ’ ἧσ ἁρματηλατεῖ χρυσὸν καὶ εὐεργεσίασ ἀνθρώποισ φέρει.
ταῦτα μὲν οὖν ἐν τῇ τρίτῃ καὶ εἰκοστῇ ἱστόρησεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기