호흡부호 보기
강세부호 보기
장단부호 보기
작은 Iota 보기
모든 부호 보기
Λυγκεὺσ δ’ ἐν Κενταύρῳ διαπαίζων τὰ Ἀττικὰ δεῖπνά φησι· μάγειρ’, ὁ θύων ἐστὶ δειπνίζων τ’ ἐμὲ Ῥόδιοσ, ἐγὼ δ’ ὁ κεκλημένοσ Περίνθιοσ. οὐδέτεροσ ἡμῶν ἥδεται τοῖσ Ἀττικοῖσ δείπνοισ. ἀηδία γάρ ἐστιν Ἀττικὴ ὥσπερ ξενική· παρέθηκε πίνακα γὰρ μέγαν ἔχοντα μικροὺσ πέντε πινακίσκουσ ἄνω·
τούτων ὁ μὲν ἔχει σκόροδον, ὁ δ’ ἐχίνουσ δύο, ὁ δὲ θρυμματίδα γλυκεῖαν, ὁ δὲ κόγχασ δέκα, ὁ δ’ ἀντακαίου μικρόν, ἐν ὅσῳ δ’ ἐσθίω, ἕτεροσ ἐκεῖν’, ἐν ὅσῳ δ’ ἐκεῖνοσ, τοῦτ’ ἐγὼ ἠφάνισα. βούλομαι δὲ γ’, ὦ βέλτιστε σύ, κἀκεῖνο καὶ τοῦτ’, ἀλλ’ ἀδύνατα βούλομαι οὔτε στόματα γὰρ οὔτε χεῖρασ πέντ’ ἔχω. ὄψιν μὲν οὖν ἔχει τὰ τοιαῦτα ποικίλην, ἀλλ’ οὐδέν ἐστι τοῦτο πρὸσ τὴν γαστέρα·
κατέπασα γὰρ τὸ χεῖλοσ, οὐκ ἐνέπλησα δέ. τί οὖν ἔχεισ; β. ὄστρεια πολλά. α. πίνακά μοι τούτων παραθήσεισ αὐτὸν ἐφ’ ἑαυτοῦ μέγαν. ἔχεισ ἐχίνουσ; β. ἕτεροσ ἔσται σοι πίναξ· αὐτὸσ γὰρ αὐτὸν ἐπριάμην ὀκτὼ ὀβολῶν. α. ὀψάριον αὐτὸ τοῦτο παραθήσεισ μόνον. Δρομέασ δ’ ὁ παράσιτοσ ἐρωτήσαντόσ τινοσ αὐτόν, ὥσ φησιν ὁ Δελφὸσ Ἡγήσανδροσ, πότερον ἐν ἄστει γίνεται βελτίω δεῖπνα ἢ ἐν Χαλκίδι, τὸ προοίμιον εἶπε τῶν ἐν Χαλκίδι δείπνων χαριέστερον εἶναι τῆσ ἐν ἄστει παρασκευῆσ, τὸ πλῆθοσ τῶν ὀστρέων καὶ τὴν ποικιλίαν προοίμιον εἰπὼν δείπνου.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기