헬라어 텍스트

Polybius, Histories, book 3, chapter 19

(폴리비오스, Histories, book 3, chapter 19)

βασιν τῶν ὑπεναντίων. ἅμα δὲ τῷ συμμῖξαι γινομένησ ἰσχυρᾶσ τῆσ συμπλοκῆσ προσεβοήθουν ἀεὶ πλείουσ τῶν ἐκ τῆσ πόλεωσ· τέλοσ δὲ πάντεσ ἐξεχύθησαν εἰσ τὸν κίνδυνον. τῶν δὲ Ῥωμαίων οἱ τῆσ νυκτὸσ ἀποβάντεσ εἰσ τὸν καιρὸν τοῦτον συνῆψαν, διὰ τόπων ἀδήλων ποιούμενοι τὴν πορείαν.

καὶ καταλαβόμενοι μεταξὺ τῆσ πόλεωσ καὶ τοῦ λιμένοσ λόφον ἐρυμνὸν διέκλεισαν ἀπὸ τῆσ πόλεωσ τοὺσ ἐκβεβοηθηκότασ.

οἱ δὲ περὶ τὸν Δημήτριον συννοήσαντεσ τὸ γεγονὸσ τοῦ μὲν διακωλύειν τοὺσ ἀποβαίνοντασ ἀπέστησαν, συναθροίσαντεσ δὲ σφᾶσ αὐτοὺσ καὶ παρακαλέσαντεσ ὡρ́μησαν, κρίναντεσ ἐκ παρατάξεωσ διακινδυνεύειν πρὸσ τοὺσ ἐπὶ τὸν λόφον.

οἱ δὲ Ῥωμαῖοι θεωροῦντεσ τὴν ἔφοδον τῶν Ἰλλυριῶν ἐνεργὸν καὶ συντεταγμένην ἀντέπεσαν ταῖσ σπείραισ καταπληκτικῶσ.

ἅμα δὲ τοῖσ προειρημένοισ οἱ πεποιημένοι τὴν ἀπόβασιν ἀπὸ τῶν πλοίων, συνορῶντεσ τὸ γινόμενον, προσέκειντο κατόπιν·

καὶ πανταχόθεν προσπίπτοντεσ θόρυβον καὶ ταραχὴν οὐ μικρὰν ἐν τοῖσ Ἰλλυριοῖσ κατεσκεύαζον. ἐξ οὗ τῶν μὲν κατὰ πρόσωπον τῶν δὲ κατὰ νώτου πονούντων, τέλοσ οἱ περὶ τὸν Δημήτριον ἐτράπησαν·

καὶ τινὲσ μὲν αὐτῶν ἔφυγον ὡσ πρὸσ τὴν πόλιν, οἱ δὲ πλείουσ ἀνοδίᾳ κατὰ τῆσ νήσου διεσπάρησαν. ὁ δὲ Δημήτριοσ ἔχων ἑτοίμουσ λέμβουσ πρὸσ τὸ συμβαῖνον ἔν τισι τόποισ ἐρήμοισ ὑφορμοῦντασ ἐπὶ τούτουσ ἐποιήσατο τὴν ἀποχώρησιν.

ἀνὴρ θράσοσ μὲν καὶ τόλμαν κεκτημένοσ, ἀλόγιστον δὲ ταύτην καὶ τελέωσ ἄκριτον.

διὸ καὶ τὴν καταστροφὴν παραπλησίαν αὐτῷ συνέβη γενέσθαι τῇ κατὰ τὸν ὅλον βίον προαιρέσει.

καταλαβέσθαι γὰρ ἐγχειρήσασ μετὰ τῆσ Φιλίππου γνώμησ τὴν τῶν Μεσσηνίων πόλιν εἰκῇ καὶ παραβόλωσ ἐν αὐτῷ τῷ τῆσ πράξεωσ καιρῷ διεφθάρη·

περὶ ὧν ἡμεῖσ τὰ κατὰ μέροσ, ὅταν ἐπὶ τοὺσ καιροὺσ ἔλθωμεν, διασαφήσομεν. ὁ δὲ στρατηγὸσ τῶν Ῥωμαίων Αἰμίλιοσ τὴν μὲν Φάρον εὐθέωσ ἐξ ἐφόδου παραλαβὼν κατέσκαψε, τῆσ δὲ λοιπῆσ Ἰλλυρίδοσ ἐγκρατὴσ γενόμενοσ καὶ πάντα διατάξασ κατὰ τὴν αὑτοῦ προαίρεσιν μετὰ ταῦτα ληγούσησ ἤδη τῆσ θερείασ εἰσ τὴν Ῥώμην ἐπανῆλθεν καὶ τὴν εἴσοδον ἐποιήσατο μετὰ θριάμβου καὶ τῆσ ἁπάσησ εὐδοξίασ.

ἐδόκει γὰρ οὐ μόνον ἐπιδεξίωσ, ἔτι δὲ μᾶλλον ἀνδρωδῶσ κεχρῆσθαι τοῖσ πράγμασιν.