헬라어 텍스트

Plutarch, Dion, chapter 36

(플루타르코스, Dion, chapter 36)

ἀλλὰ Τίμαιοσ οὐκ ἄδικον λαβὼν πρόφασιν τὴν ὑπὲρ τῆσ τυραννίδοσ τοῦ Φιλίστου σπουδὴν καὶ πίστιν ἐμπίπλαται τῶν κατ’ αὐτοῦ βλασφημιῶν, ᾧ τοὺσ μὲν ἀδικηθέντασ τότε συγγνωστόν ἐστιν ἴσωσ ἄχρι τῆσ εἰσ ἀναίσθητον ὀργῆσ χαλεποὺσ γενέσθαι, τοὺσ δὲ ὕστερον συγγράφοντασ τὰ πεπραγμένα καὶ τῷ μὲν βίῳ μὴ λυπηθέντασ αὐτοῦ, τῷ δὲ λόγῳ χρωμένουσ, ἡ δόξα παραιτεῖται μὴ μεθ’ ὕβρεωσ μηδὲ μετὰ βωμολοχίασ ὀνειδίζειν τὰσ συμφοράσ, ὢν οὐδὲν ἀπέχει καὶ τὸν ἄριστον ἀνδρῶν ἐκ τύχησ μετασχεῖν. οὐ μὴν οὐδὲ Ἔφοροσ ὑγιαίνει τὸν Φίλιστον ἐγκωμιάζων, ὃσ, καίπερ ὢν δεινότατοσ ἀδίκοισ πράγμασι καὶ πονηροῖσ ἤθεσιν εὐσχήμονασ αἰτίασ περιβαλεῖν καὶ λόγουσ ἔχοντασ κόσμον ἐξευρεῖν, αὐτὸσ αὑτὸν οὐ δύναται πάντα μηχανώμενοσ ἐξελέσθαι τῆσ γραφῆσ, ὡσ οὐ φιλοτυραννότατοσ ἀνθρώπων γένοιτο καὶ μάλιστα πάντων ἀεὶ ζηλώσασ καὶ θαυμάσασ τρυφὴν καὶ δύναμιν καὶ πλούτουσ καὶ γάμουσ τοὺσ τῶν τυράννων·

ἀλλὰ γὰρ Φιλίστου μὲν ὁ μήτε τὰσ πράξεισ ἐπαινῶν μήτε τὰσ τύχασ ὀνειδίζων ἐμμελέστατοσ.