헬라어 문장 검색 - Πλυταρ́Διον́34́

(플루타르코스, Dion, chapter 34)

ἦν δέ τισ Σῶσισ, ἄνθρωποσ ἐκ πονηρίασ καὶ θρασύτητοσ εὐδοκιμῶν παρὰ τοῖσ Συρακουσίοισ, περιουσίαν ἡγουμένοισ ἐλευθερίασ τὸ μέχρι τοιούτων ἀνεῖσθαι τὴν παρρησίαν. οὗτοσ ἐπιβουλεύων Δίωνι πρῶτον μὲν ἐκκλησίασ οὔσησ ἀναστὰσ πολλὰ τοὺσ Συρακουσίουσ ἐλοιδόρησεν, εἰ μὴ συνιᾶσιν ὡσ ἐμπλήκτου καὶ μεθυούσησ ἀπηλλαγμένοι τυραννίδοσ ἐγρηγορότα καὶ νήφοντα δεσπότην εἰλήφασιν· ἔπειτα φανερὸν τοῦ Δίωνοσ ἐχθρὸν ἀναδείξασ ἑαυτόν τότε μὲν ἐκ τῆσ ἀγορᾶσ ἀπῆλθε, τῇ δ’ ὑστεραίᾳ γυμνὸσ ὤφθη διὰ τῆσ πόλεωσ θέων ἀνάπλεωσ αἵματοσ τὴν κεφαλὴν καὶ τὸ πρόσωπον, ὡσ δή τινασ φεύγων διώκοντασ.

ἐμβαλὼν δὲ τοιοῦτοσ εἰσ τὴν ἀγορὰν ἔλεγεν ὑπὸ τῶν ξένων τοῦ Δίωνοσ ἐπιβεβουλεῦσθαι, καὶ τὴν κεφαλὴν ἐπεδείκνυε τετρωμένην· καὶ πολλοὺσ εἶχε τοὺσ συναγανακτοῦντασ καὶ συνισταμένουσ κατὰ τοῦ Δίωνοσ, ὡσ δεινὰ καὶ τυραννικὰ πράττοντοσ, εἰ φόνοισ καὶ κινδύνοισ τῶν πολιτῶν ἀφαιρεῖται τὴν παρρησίαν.

οὐ μὴν ἀλλὰ, καίπερ ἀκρίτου καὶ ταραχώδουσ ἐκκλησίασ γενομένησ, παρελθὼν ὁ Δίων ἀπελογεῖτο καὶ τὸν Σῶσιν ἀπέφαινε τῶν Διονυσίου δορυφόρων ἑνὸσ ἀδελφὸν ὄντα καὶ δι’ ἐκείνου πεπεισμένον στασιάσαι καὶ συνταράξαι τὴν πόλιν, οὐδεμιᾶσ Διονυσίῳ σωτηρίασ οὔσησ, πλὴν τῆσ ἐκείνων ἀπιστίασ καὶ διαφορᾶσ πρὸσ αὑτούσ, ἅμα δ’ οἱ μὲν ἰατροὶ τοῦ Σώσιδοσ τὸ τραῦμα καταμανθάνοντεσ εὑρ́ισκον ἐξ ἐπιπολῆσ μᾶλλον ἢ καταφορᾶσ γεγενημένον. αἱ μὲν γὰρ ὑπὸ ξίφουσ πληγαὶ μάλιστα τὸ μέσον ὑπὸ βάρουσ πιέζουσι, τὸ δὲ τοῦ Σώσιδοσ λεπτὸν ἦν διόλου καὶ πολλὰσ εἶχεν ἀρχάσ, ὡσ εἰκὸσ, ὑπ’ ἀλγηδόνοσ ἀνιέντοσ, εἶτα αὖθισ ἐπάγοντοσ.

ἧκον δέ τινεσ τῶν γνωρίμων ξυρὸν κομίζοντεσ εἰσ τὴν ἐκκλησίαν, καὶ διηγούμενοι βαδίζουσιν αὐτοῖσ καθ’ ὁδὸν ἀπαντῆσαι τὸν Σῶσιν ᾑμαγμένον καὶ λέγοντα φεύγειν τοὺσ Δίωνοσ ξένουσ ὡσ ἀρτίωσ ὑπ’ ἐκείνων τετρωμένοσ·

εὐθὺσ οὖν διώκοντεσ ἄνθρωπον μὲν οὐδένα λαβεῖν, ὑπὸ πέτραν δὲ κοίλην κείμενον ἰδεῖν ξυρὸν, ὅθεν ἐκεῖνοσ ὤφθη προσερχόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 34

(플루타르코스, Dion, chapter 34)

상위

목록

SEARCH

MENU NAVIGATION