헬라어 문장 검색 - Πλυταρ́Διον́03́

(플루타르코스, Dion, chapter 3)

Διονύσιοσ ὁ πρεσβύτεροσ εἰσ τὴν ἀρχὴν καταστάσ εὐθὺσ ἔγημε τὴν Ἑρμοκράτουσ τοῦ Συρακουσίου θυγατέρα, ταύτην, οὔπω τῆσ τυραννίδοσ ἱδρυμένησ βεβαίωσ, ἀποστάντεσ οἱ Συρακούσιοι δεινὰσ καὶ παρανόμουσ ὕβρεισ εἰσ τὸ σῶμα καθύβρισαν, ἐφ’ αἷσ προήκατο τὸν βίον ἑκουσίωσ. Διονύσιοσ δὲ τὴν ἀρχὴν ἀναλαβὼν καὶ κρατυνάμενοσ αὖθισ ἄγεται δύο γυναῖκασ ἅμα, τὴν μὲν ἐκ Λοκρῶν ὄνομα Δωρίδα, τὴν δὲ ἐπιχώριον Ἀριστομάχην, θυγατέρα Ἱππαρίνου, πρωτεύσαντοσ ἀνδρὸσ Συρακουσίων καὶ Διονυσίῳ συνάρξαντοσ ὅτε πρῶτον αὐτοκράτωρ ἐπὶ τὸν πόλεμον ᾑρέθη στρατηγόσ, λέγεται δ’ ἡμέρᾳ μὲν ἀμφοτέρασ ἀγαγέσθαι μιᾷ καὶ μηδενὶ γενέσθαι φανερὸσ ἀνθρώπων ὁποτέρᾳ προτέρᾳ συνέλθοι, τὸν δὲ ἄλλον χρόνον ἴσον νέμων ἑαυτὸν διατελεῖν ἑκατέρᾳ, κοινῇ μὲν εἰθισμένων δειπνεῖν μετ’ αὐτοῦ, παρὰ νύκτα δὲ ἐν μέρει συναναπαυομένων.

καίτοι τῶν Συρακουσίων ἐβούλετο τὸ πλῆθοσ τὴν ἐγγενῆ πλέον ἔχειν τῆσ ξένησ·

ἀλλὰ ἐκείνῃ προτέρᾳ ὑπῆρχε τεκούσῃ τὸν πρεσβεύοντα τῆσ Διονυσίου γενεᾶσ υἱὸν αὐτῇ βοηθεῖν πρὸσ τὸ γένοσ, ἡ δὲ Ἀριστομάχη πολὺν χρόνον ἄπαισ συνῴκει τῷ Διονυσίῳ καίπερ σπουδάζοντι περὶ τὴν ἐκ ταύτησ τέκνωσιν, ὅσ γε καὶ τὴν μητέρα τῆσ Λοκρίδοσ αἰτιασάμενοσ καταφαρμακεύειν τὴν Ἀριστομάχην ἀπέκτεινε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 3

(플루타르코스, Dion, chapter 3)

상위

목록

SEARCH

MENU NAVIGATION