헬라어 문장 검색 - Πλυταρ́Ξαμιλλύ40́

(플루타르코스, Camillus, chapter 40)

ὑπολειπομένησ δὲ τῆσ περὶ τῶν ὑπατικῶν ἀρχαιρεσιῶν φιλονεικίασ, ὃ δὴ χαλεπώτατον τῆσ στάσεωσ ἦν καὶ πρῶτον ἦρξε καὶ πλεῖστα πράγματα τῇ βουλῇ παρέσχε διαφερομένῃ πρὸσ τὸν δῆμον, ἀγγελίαι προσέπεσον σαφεῖσ, Κελτοὺσ αὖθισ ἀπὸ τῆσ Ἀδριατικῆσ ἄραντασ θαλάσσησ μυριάσι πολλαῖσ ἐπὶ τὴν Ῥώμην ἐλαύνειν. ἅμα δὲ τῷ λόγῳ καὶ τὰ ἔργα τοῦ πολέμου παρῆν πορθουμένησ τῆσ χώρασ καὶ τῶν ἀνθρώπων, ὅσοισ μὴ ῥᾴδιον ἦν εἰσ τὴν Ῥώμην καταφυγεῖν, ἀνὰ τὰ ὄρη σκεδαννυμένων.

οὗτοσ ὁ φόβοσ κατέπαυσε τὴν στάσιν, καὶ συνελθόντεσ εἰσ ταὐτὸ τοῖσ πολλοῖσ οἱ κράτιστοι καὶ τῇ βουλῇ τὸ δημοτικὸν εἵλοντο πάντεσ ἐκ μιᾶσ γνώμησ δικτάτορα τὸ πέμπτον Κάμιλλον. ὁ δ’ ἦν μὲν σφόδρα γέρων καὶ μικρὸν ἀπέλειπεν ὀγδοήκοντα ἔτη γεγονέναι συνορῶν δὲ τὴν ἀνάγκην καὶ τὸν κίνδυνον, οὔτε ὑποτίμησιν εἰπών, ὡσ πρότερον, οὔτε προφάσει χρησάμενοσ, ἀλλ’ αὐτόθεν ὑποστὰσ τὴν στρατηγίαν κατέλεγε τοὺσ μαχησομένουσ.

εἰδὼσ δὲ τῆσ τῶν βαρβάρων ἀλκῆσ τὴν βιαιοτάτην ἐν ταῖσ μαχαίραισ οὖσαν, ἃσ βαρβαρικῶσ καὶ σὺν οὐδεμιᾷ τέχνῃ καταφέροντεσ ὤμουσ μάλιστα καὶ κεφαλὰσ διέκοπτον, ἐχαλκεύσατο μὲν κράνη τοῖσ πλείστοισ ὁλοσίδηρα καὶ λεῖα ταῖσ περιφερείαισ, ὡσ ἀπολισθαίνειν ἢ κατάγνυσθαι τὰσ μαχαίρασ, τοῖσ δὲ θυρεοῖσ κύκλῳ περιήρμοσε λεπίδα χαλκῆν, τοῦ ξύλου καθ’ αὑτὸ τὰσ πληγὰσ μὴ στέγοντοσ· αὐτοὺσ δὲ τοὺσ στρατιώτασ ἐδίδαξε τοῖσ ὑσσοῖσ μακροῖσ διὰ χειρὸσ χρῆσθαι καὶ τοῖσ ξίφεσι τῶν πολεμίων ὑποβάλλοντασ ἐκδέχεσθαι τὰσ καταφοράσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Camillus, chapter 40

(플루타르코스, Camillus, chapter 40)

상위

목록

SEARCH

MENU NAVIGATION